средношколски глас – Kurir.mk

Средношколците до Царовска: Доста е од популизам, први септември е за месец дена, фатете се со вистинска работа!

Тале Кристо — Wed, 21 Jul 2021 12:04:59 +0000

Средношколски глас во името на многу средношколци и нивните родители ширум Македонија остро реагира на игнорантскиот однос на министерката Царовска! По денешната средба со средношколски и студентски организации нашиот глас повторно остана неслушнат иако со фанфари беше презентирана “грижата” за студентите и учениците преку стипендии!, реагираат од Средношколски глас преку нивната Фејсбук страница. Министерке Царовска, одлична е стипендијата која секако ќе пополне една дупка од нашиот месечен буџет, но ве повикуваме да прошетате по ученичките и студентските домови да ги видите условите во кои ние живееме! Доста е од популизам, први септември е за месец дена, фатете се со вистинска работа! Доста е поделба од подобни и неподобни организации, тоа нема да ги реши нашите проблеми! НИЕ ова не го заслужуваме!, стои во реакцијата на Средношколски глас.

Средношколски глас: Во ученичките домови ќе се сместува со евидентни листови место сведителства

Дарко Андоновски — Thu, 24 Jun 2021 11:54:05 +0000

Фејсбук страната „Средношколски Глас“ преку статус на Фејсбук пишува дека за сместување во ученички дом ќе бараат евидентни листови место сведителства. -До нас стигаат информации од наши соученици дека за сместување во ученички дом ќе барале евидентни листови место свидетелства! ⁉️Дали има капетан бродов? ⁉️Дали е ова уште една поделба на учениците на подобни и неподобни? ⁉️Јавно прашуваме, кој ќе гарантира дека нема да се менува успехот? Евидентен лист што ќе докаже? ❌Одете си бре веднаш цела Влада и оставете не да дишеме!

Ацковска од Средношколски глас: Сакаме хартиени учебници, ние сме иднината на оваа земја! Не дозволувајте да си заминеме

Магдалена Андонова — Thu, 10 Jun 2021 11:01:20 +0000

Денес е 10-ти јуни, крајот на уште една школска година. Оваа учебна година ќе ја запаметиме по лошата платформа за учење. Оваа учебна година ќе ја запаметиме по избрзаните реформи на министерката Мила Царовска.. Ќе ја запаметиме по лажните ветувања и огромниот притисок врз нас, нашите родители и наставници да прифатиме нешто што не сакаме, изјави на денешната прес конференција, Сара Ацковска од Средношкослки глас. - Оваа учебна 2020/2021 година ќе ја запаметиме по самоволието на еден министер кој намерно или не, ќе ни скрати часови по историја, часови по македонски а да ни воведе сеопфатно сексуално образование и тоа од најмала воздраст. Мила Царовска ќе ја запаметиме и по незаконското работење, како крај на школската година, денес на 10.06.2021 година и уписи за само еден ден на 14.06.2021 во понеделник, без можност за приговори на учениците и оддржување на советите а сето тоа проследено со пишување на оценки за време на викенд, во сабота и недела. НИЕ сакаме да учиме, посочи таа. Ацковска апелира да се слушне нивниот глас. - Ние сме за враќање во училишните клупи, сакаме хартиени учебници и сакаме нормален тек на нашиот образовен процес. Ние сме иднината на оваа земја.. Не дозволувајте да размислуваме да си заминеме, додаде таа.

Средношколски глас им посакаа на сите матуранти успех на полагањето на матурскиот испит: Нема да се откажеме од хартиени учебници!

Магдалена Андонова — Sat, 05 Jun 2021 10:25:09 +0000

📌На сите матуранти во името на Средношколски глас, сакаме да им посакаме успех на полагањето на првиот матурски испит! 📌Школската година е зад нас. Ние како средношколци бевме изманипилирани од надлежните, имавме ужасна школска година со квази платформи, луцидни реформи и што е најважно- немање слух за нашите барања и потреби! 📌 Ние нема да се откажеме од нашето барање #МилаОдиСи, нема да се откажеме од барањето за хартиени учебници и нема да се откажеме од борбата ПРОТИВ добро смислениот план за “потоп” со наслов дигитализација! Фејсбук објава на Средношколски глас

Средношколски глас: До кога невладини организации ќе бидат од партиски членови ?

Магдалена Андонова — Mon, 31 May 2021 12:55:58 +0000

До кога невладини организации ќе бидат водени од партиски членови. И тоа членови на владеачка партија. Дали е ова демократија!? Мислам дека средношколците треба да сфатат дека веќе две години беа користени и водени од сојуз кој воопшто не се грижел за нивните права. Ние како Средношколски глас нема да дозволиме нашите соученици да бидат манипулирани. Мора да постои вистински сојуз кој навистина ќе се грижи за нашите права. Затоа е тука Средношколски глас, приклучете ни се во борбата. Да им покажеме дека сами знаеме да се избориме за нашите права и дека не може да бидеме користени за нечии политички цели. Продолжуваме со нашата борба за враќање во училишните клупи и за печатени учебници. #СлушнетенеНас #ПечатениУчебници #Наставасофизичкоприсуство Фејсбук статус на Средношколски глас

Средношколски глас: Госпоѓа Министерка, заради ова ваше влијание секаде, ние протестираме!

Магдалена Андонова — Sun, 30 May 2021 11:45:39 +0000

❌Ако ова е изборот на Мила Царовска за претседател на средношколците и благодариме што повторно ни докажа дека во оваа држава правда НЕМА. ❌Госпоѓа Министерка, заради ова ваше влијание секаде, ние протестираме! ❌Не задушувате со партија, не ја “убивате желбата да бидеме подобри ученици, ни ја понижувате интелегенцијата на нашите родители! ❌Срам да ви е! ❌ 📌Честитки за колегата, но играта за “независно” тело на средношколци е крајно НЕфер! # МилаОдиСи Фејсбук статус на Средношколски глас

Средношколски глас се приклучуваат на денешниот протест на родителите: Денеска повторно ќе викнеме „Мила, оди си“

Магдалена Андонова — Wed, 26 May 2021 08:07:25 +0000

Денес повторно ќе застанеме заедно со нашите родители низ поголемите градови во Македонија да го сопреме ова лудило! ❌Денес повторно ќе викнеме “Мила, оди си!”.❌ ❌Повторно ќе кажеме стоп за квази реформите во образованието! 📌Сакаме настава со физичко присуство и сакаме печатени учебници! 📌Мила, оди си и спаси не од уништување на македонското образование! #МилаОдиСи #народ #СТОПЗаКвазиРеформи Фејсбук статус на Средношколски глас

Средношколски глас до Царовска: Ова сме ние, драга Министерке – ние и нашите родители сплотени против вашата ароганција! (ФОТО)

Тале Кристо — Sat, 15 May 2021 10:49:00 +0000

Ова сме ние, драга Министерке. Ние и нашите родители сплотени против вашата ароганција и уништување на образованието и нашата иднина! Сакаме да не слушнете, имаме многу што да кажеме за доброто на сите! И вие сте родител, имајте разбирање и слушнете не! СТОП на избрзани реформи, СТОП за дигитализација на овој начин!!! Сакаме хартиени учебници и сакаме нормално да учиме назад во школките клупи!!, пишува во објавата на Фејсбук страницата на иницијативата „Средношколски глас“.

Средношколците утре на протест со нивните родители: Да се спротивставиме на уништувањето на образованието што го прави Мила Царовска

Ивана Ефремовски — Fri, 14 May 2021 13:19:52 +0000

Средношколски глас повторно излезе со повик за утрешниот протест. „Да излеземе што помасовно, да дадеме поддршка на нашите родители. Да се спротивставиме на уништувањето на образованието што го прави Мила Царовска. Ние сме за дигитализација, но не на овој начин. Ние сакаме хартиени учебници и услови повторно од септември да се вратиме во училишните клупи. Не се плашете, да излезме сите заедно затоа што така сме најсилни. Ве чекаме утре во 12 часот. Да го слушнат нашиот глас и гласот на нашите родители. Доста е од узбрзани реформи и експерименти врз нашиот грб и нашата иднина“, порачаа средношколците.

Средношколски глас: Ќе протестираме против уништувањето на многу генерации со штетните политики во образованието

Ивана Ефремовски — Tue, 11 May 2021 11:34:34 +0000

Почитувани родители ја имате нашата поддршка! Како милион пати до сега што не поддржувавте вие, сега е време ние да ви се приклучиме.. во сабота ќе протестираме со вас, порачуваат од Средношколски глас. „Ќе протестираме против уништувањето на многу генерации со штетните политики во образованието! Сабота ние ќе бидеме најгласни! Нашиот глас мора да се слушне„ - порачаа средношколците.