среќа – Kurir.mk

Погледнете ја својата дланка: Ако ја имате ОВАА линија вие сте среќен човек, а еве што значи тоа

Ивана Ефремовски — Sat, 21 Oct 2023 18:19:50 +0000

Во нивната желба да го објаснат животот и смислата на нивното постоење, луѓето секогаш прибегнувале кон толкување на сето она што го гледаат околу себе и на себе. Така се развило читањето на дланка, кое се практикувало илјадници години. Не сите луѓе имаат линија на ангел чувар - линија на дланката која е паралелна со линијата на животот. Тие среќници се ретки. Имено, според некои верувања, ова покажува дека тие се под заштита на своите ангели чувари и се придружени со неверојатна среќа во животот, иако понекогаш не се свесни за тоа. Во добра здравствена состојба се, материјалното не им недостига и препреките на кои наидуваат во животот полесно од другите ги надминуваат. Наводно, луѓето кои ја имале оваа линија на дланката преживеале страшни катастрофи и несреќи. Може да биде долга или кратка, на десната или левата дланка Долга линија - покажува како човекот цел живот ќе биде под заштита на ангелите. Кратка линија - покажува како ќе има проблеми и неволји во животот, но тоа ќе биде успешно решено. На десната дланка – ангелот чувар бил добиен во одреден период од животот благодарение на заслугите, можеби добрите дела или личното страдање. На левата дланка - ова е показател дека некој го добил својот ангел чувар во моментот кога се родил, а не подоцна како оние кои ја имаат линијата на десната дланка. -Ангелот е доделен при раѓање благодарение на предците, пишува 24Healthy & Beauty.

pic.twitter.com/toTHqhqcvk
— pensador (@sakriosamime) May 11, 2023

Четири хороскопски знаци кои ќе бидат најсреќни во октомври

Ивона Петрова — Tue, 03 Oct 2023 20:46:38 +0000

Октомври е пред нас и според астролозите, на овие четири хороскопски знаци им претстои одличен месец. Според астрологот Челзи Џексон, октомври ќе биде посебен месец за четирите знаци. Тоа се: Овен, Рак, Вага и Јарец и во текот на овој месец треба да очекуваат големи работи. Овен Според астролозите, Овенот ќе им ја зголеми желбата за поврзување и дружење.Ова е период од годината кога треба да се обидете да се фокусирате на односите со другите, а не на односите со себе.Иако ова може да изгледа како одвраќање од вашите независни определби, тоа ви овозможува да ги зајакнете вашите партнерства на нови начини. Нивните врски позитивно ќе се одразат на нив. Рак Ракот ќе открие дека нивниот „главен приоритет“ во октомври е „поврзаност, рамнотежа и интимност“. „Од суштинско значење е да имате не само безбеден простор за повлекување, туку и вистинска средина што ја поддржува вашата желба за интимност со другите. Астролозите предлагаат овој хороскопски знак да се посвети на односите со оние во неговиот дом и на тој начин да создаде топол, пријатен простор. Вага За Вагите октомври е месецот кога се занимаваат со односот со себе. Гледањето во себе ќе им овозможи на Вагите да видат што сакаат од нивните врски. Вагите ќе бидат повеќе склони да си дадат приоритет оваа сезона, што ќе им овозможи да привлечат здрави врски и поддршка. Овој месец ќе биде целосно посветен на Вагите. Јарец Среќата на Јарецот најмногу ќе се врти околу достигнувањата во кариерата овој месец. И овој знак нема да биде сам во своите достигнувања. Другите ќе им се собираат во моментот на нивниот голем успех, а на Јарците останува да им дозволат да се доближат.

Направете од себе среќен човек: Овие 10 правила нека станат ваше секојдневие

Ивана Ефремовски — Wed, 23 Aug 2023 20:48:18 +0000

Често потенцираме дека од нашите навики зависи и квалитетот на нашето живеење. Придржувањето до добрите навики и исфрлањето на лошите може да ни помогне во исполнување на нашите цели, но и постигнување среќа. Луѓето кои успеваат да го направат тоа имаат неколку заеднички карактеристики: 1. Имаат јасни цели и се одлучни за да ги исполнат. Според нив, ако не знаете каде одите, како ќе знаете дека сте стигнале? 2. Што сакате да постигнете со своите цели? Напишете на лист хартија кој ќе го залепите во својот дом или канцеларија и така полесно ќе останете посветени. 3. Овие луѓе сфаќаат дека не постои совршен живот, но добро е да се прифатат и добрите и лошите денови во животот, но да сфатиме дека најголем дел од промените зависат од нас. 4. Овие луѓе го бараат и често го наоѓаат тоа што е најдобро за нив. 5. Најчесто го прават тоа што го сакаат, бидејќи таквата посветеност им носи среќа која се провлекува во останатите области на нивно живеење. 6. Свесни се дека голем дел од работите во животот бараат борба. 7. Во нивниот фокус не е само губењето на килограмите или слабеењето, туку пред сè нивното здравје и благосостојба. 8. Секогаш ги поместуваат своите граници. Постојано. 9. Благодарни се на нештата кои ги направиле и постигнале, бидејќи сфаќаат дека благодарност го менува светот. 10. Не се сфаќаат себеси пресериозно, се справуваат со негативните емоции и не дозволуваат стресот да ги победи.

Овие три работи се причина за несреќа – ослободете се од нив!

Ивана Ефремовски — Fri, 09 Jun 2023 17:52:57 +0000

За да ја задржиме позитивната енергија која ни е важна за да бидеме среќни и исполнети, мораме да се ослободиме од некои работи кои се сигурна причина за несреќа. Ова се 3 од нив. Постојана борба за совршенство Совршена работа, брак, семејство, лице и тело, куќа, автомобил... тоа се цели за кои постојано копнееме, но кои не постојат бидејќи она што за една личност е бисер, за друга е кал. Важно е нешто да ни помага да бидеме среќни и важно е да научиме да бидеме задоволни со тоа што го имаме, без постојано да се трудиме да имаме повеќе. Тоа се однесува и на материјалните, но и нематеријалните работи во нашиот живот. Негативен став Негативниот став нема да ни помогне да отидеме предалеку. Нашите животи се преполни со негативни случувања и ситуации кои често не можеме да ги избегнеме, но важно е како гледаме на нив. Ако имаме негативен став кон сите нешта околу нас, тогаш како би ги забележале и оние убави работи што ни се случуваат. Затоа, вдишете и издишете и повторете го тоа неколку пати. Негативното размислување не ви е потребно. Живот во минатото Постојаното навраќање на некои нешта кои се случиле и нивното идеализирање нема да ни помогне да имаме среќна сегашност. За да бидеме среќни, потребно е да го оставиме минатото позади нас и да уживаме во сегашниот момент, но и во тоа што доаѓа пред нас. Минатото не можеме да го промениме, но сегашноста зависи од нас.

Храна за среќа: Јадете ги овие намирници, тие ќе ви донесат добро расположение

Ивана Ефремовски — Fri, 07 Apr 2023 20:11:21 +0000

Можеме природно да го зголемиме нивото на серотонин во телото и да внесеме повеќе радост во нашите животи. Серотонин е хормон кој се наоѓа во човечкиот мозок, дигестивниот тракт и тромбоцитите на луѓето и животните. Има исклучително значајно влијание врз субјективното чувство на среќа и благосостојба, може да не ослободи од привремена анксиозност и депресија, бидејќи служи како средство за регулирање на расположението. Освен тоа, серотонинот влијае на подобар сон, го регулира апетитот, сексуалноста, чувството на болка, па дури и помага во регулирањето на метаболизмот и температурата на телото. Прекрасно е што можеме природно да го зголемиме нивото на серотонин во телото и да внесеме повеќе радост во нашите животи. Тоа се постигнува со помош на храна која го зголемува производството на серотонин во мозокот. Потребно е само да се знае што е „храна за среќа“, за во депресивни моменти неконтролирано да не јадеме се што е пред нас, без позитивни резултати. Најважните намирници кои го зголемуваат серотонин - храна за среќа: - Темно чоколадо - Банани - Цреши - Протеини од сурутка - Јајца - Леќа - Тиква - Семки од сончоглед - Ленено масло - Морска храна - Говедско месо - Мисиркино месо

ПЕТ НАМИРНИЦИ ЗА СРЕЌА: Нутриционист открива како да го регулирате расположението преку исхрана

Ристе Здравков — Mon, 27 Mar 2023 07:45:18 +0000

Дали сте постојано депресивни, нервозни и се борите со промени во расположението, сето тоа без причина? Па, тоа може да биде знак за недостаток на серотонин… Храната богата со триптофан, аминокиселина која помага да се зголеми производството на серотонин, може позитивно да влијае на вашето расположение и целокупното здравје, вели нутриционистот и автор на книгата „50 Desi Super Drinks“ Ловнит Батра. Значи, ако сакате да тргнете на патот кон смиреност или среќа, еве пет намирници богати со серотонин кои можат да ви помогнат. Банани Бананите содржат аминокиселина наречена триптофан. Нашето тело користи триптофан за да произведе 5-HTP, соединение кое произведува серотонин и мелатонин, два невротрансмитери кои го регулираат расположението и спиењето. Бадеми Бадемите содржат многу хранливи материи, вклучувајќи фолати и магнезиум. Магнезиумот игра голема улога во развојот на серотонин, кој е главен придонесувач за чувството на среќа во вашиот мозок. Бадемите се богати и со витамини Б2 и Е кои помагаат во зајакнување на имунолошкиот систем за време на стрес. Млеко Млекото содржи триптофан, кој е аминокиселина која произведува серотонин, кој игра важна улога во регулирањето на спиењето и расположението. Ананас Ананасот содржи триптофан за зголемување на серотонин во мозокот. Покрај тоа, ананасот содржи протеин бромелаин, кој има моќни антиинфламаторни својства. Соја Производите од соја се богат извор на триптофан. – Не заборавајте дека овие намирници мора да се комбинираат со здрави јаглехидрати за да се влијае на нивото на серотонин – вели нутриционистот.

Македонците најнесреќна популација во регионот

Ивона Петрова — Mon, 20 Mar 2023 08:38:56 +0000

Шеста година по ред Финска е прогласена за земја со најсреќна популација, според Светскиот извештај за среќа кој е објавен денеска. Извештајот, кој се занимава и со ефектите од кризата предизвикана од коронавирусот врз благосостојбата на луѓето, секоја година го составуваат научници во САД врз основа на анкети на Институтот Галуп. Според извештајот, по среќните Финци следуваат Данска, Исланд, Израел, Холандија, Шведска, Норвешка, Швајцарија, Луксембург и Нов Зеланд. Македонија е на 87 место, а од соседните земји Косово е на 34, Србија е на 45, Грција на 58, Бугарија на 77 и Албанија на 83 место. Црна Гора е 67-ма во Светскиот извештај за среќа, а Босна и Херцеговина е 71-ва. На дното на рангирањето се претежно африканските земји, а Авганистан и Либан разурнати од војна се двете најнесреќни земји во светот, во истражувањето во кое беа опфатени вкупно 137 земји. Научниците рекоа дека проценката на среќата на луѓето остана „извонредно отпорна“ и покрај пандемијата „Ковид-19“, со глобални просеци во 2020 до 2022 година исто толку високи како оние во годините пред пандемијата од 2017 до 2019 година.

Неколку работи кои нѐ прават среќни

Ристе Здравков — Sun, 19 Mar 2023 21:55:58 +0000

Среќата е во малите работи, само што ние понекогаш тоа го забораваме. Истражувањето спроведено во Велика Британија не потсетува кои ситници можат да ни го разубават денот и да не направат среќни. Запомнете ги овие работи и бидете среќни! Доколку во последно време тешко пронаоѓате причина за да бидете среќни, завртете се околу себе затоа што среќата е во малите работи кои ви го пораваат расположението во истиот момент. Ако ја пронајдете ташната која што не сте ај носеле подолго време ќе ви се разлее насмевка на лицето, а истиот ефект ќе го има и песната која долго време не сте ја слушнале, а баш сега ја пуштаат на радио. Резултатите од истражувањето спроведено во Велика Британија на 3.000 возрасни испитаници открило неколку ситници кои се клучни за среќа: Пронаоѓање на заборавени пари во џебот од фармерките Одење на годишен одмор Убава СМС порака од партнерот Чиста постелнина на креветот Галење…. Пливање во море/езеро Изненадување во облик на подарок или цвеќе Романтична ноќ Порака за благодарност за нешто што сте направиле Чоколаден колач Покрај овие 10 работи тука се и моментите на самотија, средбата со стари пријатели, гледањето на стари фотографии, купување на добро парче облека на попуст… Статистиката вели дека сме среќни три дена во неделата, а на вас останува тоа да го свртите во своја корист!

ДАЛИ СТЕ ЗНАЕЛЕ? Луѓето на овие години се најсреќни

Ристе Здравков — Fri, 10 Feb 2023 14:00:48 +0000

Истражување во Велика Британија покажа дека луѓето во просек се најсреќни во 16 и 70 година во животот. Тинејџерите во однос на младите возрасни личности имаат подобри резултати на сите тестови на субјективно чувство на среќа, покажуваат податоците кои британската влада ги собра во последните 7 години. Трендот на изразување на субјективно чувство на среќа повторно станува воочливо од средината на педесеттите години од животот и првите години во заминувањето во пензија. Многу пензионери се посреќни од повеќето луѓе кои се на возраст во 20-тите години од животот. Позитивното влијание на среќата имаат факторите како финансиската сигурност, здравјето и емотивниот живот. Во истражувањето е потврдено дека во просек жените се посреќни од мажите.

Ако сакате да привлечете среќа, прескокнете ги: Овие работи не смеете да ги правите на новогодишната ноќ!

Ристе Здравков — Fri, 30 Dec 2022 08:36:26 +0000

Според народните верувања, има нешта што не треба да ги правите на 31-ви декември, но и на 1-ви јануари Новата година означува нов почеток. Затоа, во многу земји постојат вообичаени верувања дека одредени постапки на новогодишната ноќ можат да влијаат на судбината во следните месеци. Најголем дел од верувањата кај нас се поврзани со работи кои не смееме да ги правиме доколку сакаме нашите планови и желби да се остварат во наредната година. Едно од нив се однесува на емотивните односи со саканите. Имено, според популарното верување, никогаш не смеете да заборавите да им ја честитате Новата година на вашите најблиски, бидејќи на тој начин ќе се дистанцирате од нив во наредната година. Финансиската сигурност е една од работите кон кои се стреми секој од нас, па затоа постои цврсто уверување дека не треба да позајмувате пари на 31-ви декември или на 1-ви јануари, бидејќи таквиот почеток на годината предвидува уште дванаесет месеци материјални проблеми. Ова се само дел од народните верувања и старите предвидувања за богатството, љубовта, среќата и успехот Не вадете ништо од дома на 1-ви јануари! Ова верување важи за апсолутно сè. Сепак, колку и да звучи круто, правилото е флексибилно. Некои луѓе мислат дека е во ред да се изнесуваат работи на 1-ви јануари ако нешто претходно се внесе во куќата. Има и такви кои мислат дека не е добро ни да се тресат теписите тој ден. Иако постои верување дека треба да се сработи секоја ситница поврзана со работата, треба да се биде умерен. Суеверието вели дека не е добро да се преоптоварувате на 1-ви јануари. Големо ангажирање, особено започнување на нова активност на овој ден значи дека нема да биде просперитетна, туку напротив – ќе биде осудена на неуспех. Јадете свинско месо, носете црвено, не фрлајте ѓубре бидејќи така Новата година ќе ви биде исполнета само со среќа. Во нашето општество постои верување дека никогаш не треба да се занимавате со домашна работа на црковен празник. Истото верување важи и за Нова Година, а луѓето веруваат дека на овој ден не треба ни да ги миете садовите. Се смета за лош знак ако нешто се скрши или пукне на новогодишната ноќ. Обидете се да бидете расположени, бидејќи постои верување дека тие емоции што ќе ги имате на 1-ви јануари ќе ве следат во текот на целата година.