срѓан ѓоковиќ – Kurir.mk

Лихвари му ја зголемувале каматата на таткото на Ноле само затоа што му требале парите итно

Ристе Здравков — Thu, 14 Sep 2023 12:06:35 +0000

Срѓан Ѓоковиќ, таткото на најдобриот светски тенисер Новак Ѓоковиќ, неодамна изјави дека најтешко му било кога морал да зема пари од лихвари и се присетил дека сретнал еден од нив. “Тоа беше прво патување на Новак во Америка, кога имаше 15 години. Тој требаше да оди на јуниорски Грен слем со мене. Тогашниот претседател на тенискиот клуб Партизан ми вети дека ќе ни ги покрие трошоците за Америка. Но 10 денови пред патувањето рече дека не може тоа и дека ќе се снајдеме.Пошто ги резервирав картите требаше утре да ги платам за да не отиде залудно авансот што веќе го дадов и отидов со другиот на бакал“, ја започна приказната Ѓоковиќ Ми требаат 5.000 долари за два месеци. – Види, мене месечната камата ми е 12 отсто, а тебе 15 отсто затоа што брзаш. Го гледав неколку секунди и реков нема проблем. Ги зедов парите, дојдов дома, се заклучив во бањата и искршив се живо внатре. Се согласив на тоа бидејќи тоа беше неопходно за мојот син и неговата кариера. „Да беше јас, за мојот живот, немаше да можат да ме одведат од него бидејќи ќе ја испијам целата крв од неговите вени“, рече Ѓоковиќ . „Замислете ја реченицата – мене ми е 12, но за вас е 15, затоа што брзате“, додаде Ѓоковиќ

Срѓан Ѓоковиќ посочи идеално време за пензионирање на неговиот син Новак

Ристе Здравков — Wed, 26 Jul 2023 16:41:37 +0000

Срѓан Ѓоковиќ секогаш говори без влакна на јазикот и во минатото се истакна со некои невкусни изјави на сметка на Рожер Федерер, а сега ја „чепна“ и темата за која е забрането да се зборува во тимот на српскиот тенисер. Ѓоковиќ одбива да говори за пензионирање и планира да игра се додека се чувствува здраво и подготвено за освојување грен слем титули, но сепак неговиот татко Срѓан прогнозира дека крајот би можел да дојде наредната година. Според највозрасниот од семејството Ѓоковиќ, неговиот син ги остварил најважните цели уште пред седум или осум години, па неговите проценки се дека идеално би било да се повлече по крајот на наредната 2024-та година. – Време е некои млади да го заземат своето место, а тој полека да се повлекува. Не велам дека е крај уште сега, но за година и половина…… Тоа е мојата желба како татко, бидејќи јас мислам дека уште одамна требаше да се повлече. Тенисот е исклучтелно тешка работа, ова не е спорт, ова е тешка работа, на физички и психолишки план. – Не му преостанува уште премногу од животот, бидејќи тој речиси целиот свој живот досега го посвети само на тенисот. Еве веќе 30 години е во тенисот и се уште се нема помрднато од таму. Сите мои желби ги исполни уште пред седум или осум години, се останато е само бонус. Сепак, тенисот не е целиот негов живот, тенисот треба да биде само еден сегмент. Тој ќе биде признат и познат дури во оној момент кој ќе го напушти тенисот, а се надевам дека тоа ќе биде следната година, – вели Срѓан во документарецот на „Спортал“ наречен „неискажани приказни“.

Таткото на Ѓоковиќ го откри виновникот за хаосот со коронавирус меѓу тенисерите: ТОЈ дојде болен од којзнае каде

Ивана Ефремовски — Wed, 24 Jun 2020 06:19:28 +0000

Тоа што требаше да претставува вистинска забава и тениско уживање за фановите на Балканот, на крајот се претвори во вистински корона хаос, бидејќи „Адрија турот“ предводен и организиран од Новак Ѓоковиќ доживеа вистински колапс со неколку заразени тенисери. Еден од нив е и самиот Новак кој вчера потврди дека има позитивен корона тест заедно со неговата сопруга Јелена, по што Србинот на двапати се јави и се извини во јавноста за штетата која ја нанесе без никаква лоша намера. Ѓоковиќ се соочи со реалноста и со второто соопштение призна дека пораниле со турнирот и ја призна грешката, но додека најголем дел од јавноста и светските медиумите фрлаат „дрва и камења“ кон светскиот рекет број еден, неговиот татко го посочи главниот виновник за цела оваа непријатна ситуација. Срѓан Ѓоковиќ е познат по своите контроверзни изјави кои ги дава за ривалите на својот син, а во тој контекст оди и последната, бидејќи тој гледа на Григор Димитров како главен виновник за целата ситуација (Бугаринот беше прв кој пријави позитивен тест). -На никој не му е сеедно поради оваа ситуација, па ниту на Ноле. Тоа е што е, од ова мора да излеземе посилни и мораме да сфатиме дека ова мора да пројде. -Зошто се случи сето ова? Поради тоа што Димитров најверојатно дојде болен од којзнае каде и потоа се случи тоа што се случи. Ви нанесе голема штета на вас Хрватите и на нас како семејство и на сите Срби, порача Срѓан во интервјуто за „РТЛ“.