српски државјани – Kurir.mk

Патничка од автобусот вели дека одвлекување на вниманието на возачот е причината за несреќата во Бугарија

Магдалена Андонова — Sun, 14 Aug 2022 19:46:49 +0000

Според патник од српскиот автобус кој веќе се преврте на автопатот Тракија во Бугарија, на возачот му било одвлечено вниманието кога се обидувал да помогне да го спушти седиштето на еден од татковците на едно од децата, кое претходно почувствувало болка, изјави во директно вклучување на една од патничките со име Наташа за БТВ. Ова била причината што српскиот автобус нагло свртел надесно и се превртел во каналот во близина на автопатот. Српските деца се враќале од фолклорен фестивал на Сончев брег на Црно Море. Во автобусот во моментот на несреќата се наоѓале 38 деца и 10 возрасни лица од Србија. Во болницата во Стара Загора се примени 4 возрасни и 8 деца, еден од возрасните е во тешка состојба и може да бара ампутација на екстремитети. Иван Дерменџиев, министер за внатрешни работи на Бугарија, коментира дека нема тешки загуби и дека децата се живи и здрави. Според бугарскиот министер за внатрешни работи, причина за несреќата била грешката на српскиот возач, кој бил деконцентриран и изгубил контрола над автобусот. Нема надворешни пречки, ниту на патот, ниту во сообраќајната сигнализација.

Седумнаесет деца повредени во несреќата на автопатот Тракија вечерва се примени во Универзитетската болница во Стара Загора.

Магдалена Андонова — Sun, 14 Aug 2022 19:34:46 +0000

Универзитетската болница во Стара Загора вечерва прими 17 деца повредени во несреќата на автопатот Тракија. Тоа за БТА го изјави директорот на болницата Јовчо Јовчев. -Најмладиот има 6 години, најстариот 17 години. Тројца се со потешки набиеници и гребнатини, изјави д-р Јовчев. Според него, има еден маж на кој му е со тешка повреда на нога. (МИА)

Срби останаа без автомобил во Грција: Сакале да тргнат кон Врање, но им исчезнало возилото

Магдалена Андонова — Sun, 24 Jul 2022 13:01:16 +0000

Српски државјани кои биле на одмор во грчкото летувалиште Неа Плагија пред два дена останале без автомобил. Станува збор за автомобил Опел Зафира, а газдите на возилото забележале дека го нема кога со децата сакале да тргнат кон Врање. Со оглед на тоа дека автомобилот не бил на местото каде што го оставиле, тие претпоставуваат дека Опелот бил украден во текот на ноќта. Информацијата беше објавена ТУКА.

Балканците повторно мета на напади во Америка: Двајца Срби застрелани и избодени во Мајами од непознати напаѓачи

Магдалена Андонова — Fri, 25 Mar 2022 10:49:50 +0000

Србинот Н.Р. бил застрелан, а уште еден избоден со нож во Мајами. Двајцата се во болница. Нападот се случил околу 18 часот и 45 минути по локално време во престижен кварт во Мајами, кога засега неидентификувани напаѓачи на паркингот во трговски центар го нападнале Н.Р. и неговиот пријател, кои се враќале од пазарење. Мотивот бил грабеж. - Носевме торби со купени работи кога неколкумина од нив не пресретнаа на паркингот, токму во моментот кога го отворивме багажникот. Бараа да им дадеме чанти и паричници, а кога не се согласивме, почна тепачка. Гледајќи дека работите нема лесно да пројдат, извадија пиштоли и ножеви. Двапати ме удрија со пиштол одзади во главата, но возвратив, останувајќи на нозе. Потоа пукаа, изјави за српски Тајмс нападнатиот Н.Р. - Едниот куршум ми помина низ левата нога, а другиот ја погоди коската на десната нога. Тогаш мислев дека ќе умрам затоа што изгубив многу крв, а не знаевме кога ќе дојде брзата помош. За среќа, брзо интервенираа, додал соговорникот во моментите додека лекарите во болницата го подготвувале за операција на десната нога. - Болките се многу големи, чекам операција, но ќе ја истуркам, ние сепак сме Срби. Мојот другар се чувствува добро, моментално му вршат интервенција. Се надевам дека и двајцата ќе излеземе без последици, вели тој.

Уапсени двајца српски државјани, полицијата во нивното возило пронашла мигранти

Магдалена Андонова — Thu, 13 Jan 2022 09:51:16 +0000

Од страна на полициски службеници од Полициска станица за граничен премин и граничен надзор Богородица биле лишени од слобода Ф.С.(20) и Б.Е.(19), двајцата српски државјани. Имено, во близина на бензинска станица кај Смоквица, при контрола на патничко возило „голф“, со српски национални ознаки, управувано од Ф.С., каде како совозач бил Б.Е., било констатирано дека во возилото се превезуваат 9 лица мигранти од Куба, кои оствариле илегален влез во државата. Во координација со Јавен обвинител од ОЈО за ГОКК Скопје возачот и совозачот се приведени и против нив ќе биде поднесена кривична пријава, а лицата мигранти се пренесени во Транзитниот центар „Винојуг“ во Гевгелија.

Пецаков до Заев: Зошто едноставно не се воспостави кревање рампа и видео надзор на автомобилите со српски регистарски таблици?

Магдалена Андонова — Thu, 27 May 2021 10:24:06 +0000

Уште една сомнителна зделка и милионски тендер на најкриминалната влада во Европа. Во услови кога економијата тоне, фирмите мака мачат со исплата на плати за вработените, а граѓаните едвај врзуваат крај со крај, Зоран Заев и бандата околу него се расфрлаат со народните пари и расипнички ги трошат на тотално непотребни и налудничави „проекти“, изјави на денешната прес конференција, Кирил Пецаков, пратеник од редовите на ВМРО-ДПМНЕ. - Токму ова нерационално и расипничко трошење на Владата на Зоран Заев ќе ги чини граѓаните речиси 3 милиони евра односно 172 милиони денари, народни пари од Буџетот на Република Македонија. Оттука, соочени со секојдневните милионски скандали и криминали, но и познавајќи го степенот на криминалитет на Владата предводена од Зоран Заев и СДСМ, ние отворено се сомневаме околу износот од 3 милиони евра за набавка на картички со кои на српските туристи ќе им се овозможи летово да транзитираат низ Македонија без да платат патарини. Токму поради огромниот милионски износ и сомнежот кој што постои во јавноста, Зоран Заев и Владата мора да дадат одговори на неколку логични прашања кои што македонската јавност мора да ги слушне, посочи тој. Пецаков вели дека Владата и Зоран Заев мора да одговорат како е дојдено до таа сума од 3 милиони евра за набавка на картички за патарина и дека Владата и Зоран Заев мора да одговорат зошто оваа мерка не се воспоставила со едноставно кревање на рампа и видео надзор на автомобилите со српски регистарски таблици? - Исто така, како пратеник кој доаѓа од Охрид, јас и охриѓани сакаме да добиеме одговор од Зоран Заев и Владата, зошто оваа мерка не се воспостави и не важи и за Охрид како летна туристичка дестинација за илјадници српски државјани туку важи само за Грција? Очигледно, за Зоран Заев и најкриминалната Влада во Европа зборовите транспаретност, отчетност и одговорност немаат никакво значење. Тие се занимаваат само со бизнис зделки и милионски профити. Токму затоа, одговорите на овие прашања македонската јавност мора да добие и да ги слушне. Граѓаните мора да знаат каде, зошто и како се трошат нивните пари, додаде Пецаков.

Шпанската полиција во акција – уапсени српски државјани поради 560 килограми кокаин

Магдалена Андонова — Tue, 03 Nov 2020 21:38:55 +0000

Српските државјани П. П. (36) и Н. Д. (37) се уапсени во Галиција под сомнение дека учествувале во шверц на 560 килограми кокаин. Заедно со двајцата Срби, уапсени се и четворица Шпанци во акцијата „Династија“. Се сомнева дека оваа криминална група соработува со „балканскиот картел“, според локалните медиуми. Оваа криминална група имала невиден начин на трговија со дрога. Конаин бил спакуван во расипани автомобили, кои потоа ги возела служба до крајната дестинација.

Грција ноќеска ја отвори границите со Бугарија и за српските државјани

Тале Кристо — Tue, 16 Jun 2020 06:28:24 +0000

Грчката Влада доцна синоќа донесе одлука да им дозволи преминување на границата и на српските државјани на границата меѓу Бугарија и Грција. Српските дипломати успеале да ги убедат Грците да го отворат граничниот премин Промаонас, поточно Кулата, за нивните туристи, кои вчера во километарски колони чекаа цел ден. Весникот „Новости“ дознава дека српските туристи веќе полека почнале да го минуваат граничниот премин и се движат кон своите летни дестинации. Српската Влада во текот на денешниот ден треба да ја добие одлуката со која на српските туристи им се гарантира дека слободно можат да ја минат границата меѓу Бугарија и Грција. -По целодневните разговори со грчките власти, тие вечерва ме известија дека ќе почнат да ги пропуштаат нашите граѓани на бугарско-грчката граница, изјави доцна синоќа шефот на српската дипломатија Ивица Дачиќ за весникот „Блиц“. „Грчката Влада утре и официјално ќе ја донесе одлуката да ја вклучи Србија кон земјите од ЕУ и Шенген-зоната, за граѓаните на Србија да можат да влезат во Грција“, изјави министерот Расим Љајиќ за порталот Нова. Според него, за грчките власти не е битно каде влегуваат патниците – дали преку Северна Македонија или преку Бугарија. Тој забележува дека Грција ќе го задржи правото на случајно тестирање и земање примероци. с

Карантин за српските државјани од странство во мигрантскиот камп во Суботица

Тале Кристо — Tue, 24 Mar 2020 13:56:09 +0000

По избувнувањето на епидемијата на коронавирусот, карантинот е неопходен за сите луѓе кои се влезени во Србија, а во зависност од земјата од која доаѓаат, времетраењето на карантинот изнесува 14 или 28 дена. Како што јави дописникот на МИА од Белград, сите оние кои треба да бидат ставени во карантин се информираат при нивниот влез во Србија и оваа мерка строго се почитува. – Има граѓани кои немаат постојано живеалиште во Србија и затоа е приспособен кампот во Суботица каде ќе престојуваат такви лица. За 24 часа, со помош на српските вооружени сили и Комесаријатот за бегалци, кампот во Суботица, во кој беа сместени мигрантите, е претворен во карантин, со обезбедена медицинска помош и сè друго што е потребно за сместување на луѓето, соопшти ТВ Прва. Од друга страна, како што објави ТВ Н1, околу 60 српски државјани кои синоќа со хуманитарен авион допатуваа од Париз, однесени се во бегалскиот камп во близина на Суботица без воопшто да им биде кажано каде се упатиле. Според Н1, еден од патниците изјави дека тие веќе не се таму, туку со автобус се тргнати за Белград, каде ќе бидат сместени во просториите на Воената гимназија. Соња Радевиќ за оваа телевизија изјави дека утрово условите во кампот во Суботица биле нехумани. – Не има по 10 лица во една просторија, нечисто е, бубачки шетаат, смрди и студено е. Никој не сака да каже каде сме. Подобро да останевме на аеродромот во Париз, таму имавме подобар третман отколку од нашата држава, вели Радевиќ.