српски државјанин – Kurir.mk

На „Табановце“ уапсен српски државјанин, еве за што станува збор

Тале Кристо — Mon, 25 Apr 2022 13:25:49 +0000

На 24.04.2022 во 23.50 часот на граничен премин „Табановце“, полициски службеници го лишиле од слобода B.J.(56) од Република Србија затоа што при извршени проверки било констатирано дека возилото „мерцедес“ со полски национални ознаки, кое го управувал, било предмет на потрага по Интерпол Варшава. Лицето и возилото биле предадени на полициски службеници од СВР Куманово за понатамошна постапка.

Поднесена кривична пријава против српски државјанин поради криумчарење на мигранти

Магдалена Андонова — Sun, 17 Oct 2021 13:44:57 +0000

Регионалниот центар за гранични работи Југ поднесе кривична пријава против Б.В.(24) од Р.Србија, поради постоење основано сомнение за сторено кривично дело „криумчарење мигранти“, казниво по чл.418-б ст.2 од Кривичниот законик. На 16.10.2021 околу 10.00 часот во близина на бензинска пумпа кај с.Мрзенци тој бил лишен од слобода од полициски службеници од Полициска станица Богородица, бидејќи со патничкото возило „фолксваген голф“, со српски регистарски ознаки, кое тој го управувал, превезувал шест лица мигранти од Куба, а на даден сигнал од полициски службеници продолжил да се движи, по што во близина на с.Мрзенци ги оставил лицата мигранти. Од судија од Основен кривичен суд Скопје на пријавениот му е изречена мерка притвор.

Приведен српски државјанин на ГП „Богородица“ – превезувал мигранти

Магдалена Андонова — Wed, 13 Oct 2021 09:25:36 +0000

Полициски службеници вчера на влезот во Гевгелија, на граничниот премин „Богородица“ го лишиле од слобода М.А.(47) од Република Србија, поради превезување на мигранти. Како што информираат од МВР, во патничкото моторно возило „шкода суперб“ со српски национални ознаки, кое го управувал, превезувал две лица мигранти – A.J.(30) од Индија и М.M.(29) од Пакистан. За настанот е известен јавен обвинител, а М.А. бил предаден на полициски службеници од Регионален центар за гранични работи Југ. Лицата мигранти се сместени во Транзитен центар „Винојуг“ во Гевгелија за понатамошна постапка.

Србин во Србија свирепо си го убил својот брат па избегал од државата – македонската полиција го фатила во Кавадарци

Дарко Андоновски — Thu, 30 Sep 2021 09:14:54 +0000

Полициски службеници од Одделот за криминалистичка полиција- Сектор за општ и насилен криминал при МВР по добиено барање од Интерпол Белград, а во координација со Секторот за меѓународна полициска соработка, СВР Куманово, ОВР Кавадарци и РЦ за ГР Север, на 29.09.2021 на територија на општина Кавадарци, во место викано Шамаци, го пронајдоа и лишија од слобода српскиот државјанин А.Ф. (43) од Пожаревац, кој во Република Србија е осомничен за сторено кривично дело “свирепо убиство“ на неговиот брат. Приведениот е предаден на полициските служби на Република Србија за понатамошна постапка.

Поднесено обвинение против српски државјанин поради непочитување на здравствени мерки

Магдалена Андонова — Wed, 09 Jun 2021 12:03:23 +0000

Основното јавно обвинителство Скопје поднесе Обвинителен предлог против едно лице – државјанин на Република Србија за кривично дело – Непостапување според здравствените прописи за време на епидемија од чл.206 од Кривичниот законик. Обвинетиот на 8 јуни 2021 година со автомобил се движел низ Скопје., при што бил сопрен и легитимиран од полициски службеници.

Поведена постапка против српски државјанин – бил директен учесник во тешка сообраќајка кај Ростуше каде едно лице загина

Магдалена Андонова — Thu, 15 Apr 2021 09:28:08 +0000

Основното јавно обвинителство Гостивар поведе постапка против едно лице, државјанин на Република Србија, поради сомненија дека сторил кривично дело – Тешки дела против безбедноста на луѓето и имотот во сообраќајот од член 300 став 4 во врска со член 297 став 3 во врска со став 1 од Кривичниот законик. Осомничениот на 13 април управувал со товарно возило – влекач МАН со полуприколка со српски регистарски ознаки на регионалниот пат Маврови Анови – Дебар. Во близина на Ростушки мост не ја прилагодил брзината на условите на патот, па на влажиот коловоз изгубил контрола врз камионот и се извртел. Притоа, полуприколката преминала на спротивната сообраќајна лента и удрила во патничко моторно возило „Хундаи акцент“ со скопски регистарски ознаки кое се движело во спротивен правец. Во несреќата, на лице место животот го загубил возачот на патничкиот автомобил, додека еден од сопатниците им подлегнал на повредите во болница. Останатите двајца сопатници во автомобилот исто така се здобиле со тешки телесни повреди. Со цел да се спречи осомничениот да ја напушти државата, јавниот обвинител до судијата на претходна постапка од Основниот суд во Гостивар достави предлог за определување мерка притвор за негово обезбедување во текот на кривичната постапка.

На скопскиот аеродром уапсен српски државјанин баран од Интерпол

Тале Кристо — Sat, 21 Nov 2020 11:08:02 +0000

На граничниот премин „Меѓународен аеродром – Скопје“ ноќеска е лишен од слобода Б.Н. (30) од Република Србија, откако при пасошка контрола и проверка било утврдено дека го има во службената евиденција со мерка „апси“, по барање на Интерпол. Како што соопшти МВР, Б.Н. е уапсен во 01:40 часот и е предаден на полициски службеници од Полициската станица Кисела Вода за натамошна постапка.