сруши – Kurir.mk

Нојер го сруши рекордот на Кан за „суви“ мрежи во Бундеслигата

Тале Кристо — Sun, 24 Jan 2021 20:13:49 +0000

Голманот на Баерн Минхен, Мануел Нојер успеа да ја зачува неначната мрежата во 18. коло од германскиот фудбалски шампионат против неговиот поранешен клуб Шалке (4:0). Овој натпревар стана 197-та „сува“ мрежа во Бундеслигата за Нојер по што тој го сруши рекордот на Оливер Кан. Поранешниот голман на Германија во текот на својата кариера имаше 196 „чисти“ мрежи бранејќи за Карлсруе и Баерн Минхен во периодот од 1987 до 2008 година. Нојер е во Баерн Минхен од 2011 година, а пред тоа ги бранеше боите на Шалке.

Мицкоски го сруши рејтингот на владата која има убедливо најмала доверба во однос на која било друга Влада во првите 100 дена

Тале Кристо — Tue, 29 Dec 2020 11:30:08 +0000

Бројките од најновата анкета на телевизија Телма и МЦМС, а спроведена од М-Проспект го потврдуваат опозиционото расположение кај граѓаните. Имено граѓаните за првите сто дена на Владата и дале средна оценка, односно 2,46 и ја има убедливо најмала доверба во однос на која било друга Влада во првите 100 дена. На прашањето какo би ги оцениле 100-те дена работа на Владата: 2,46 е средната оценка што и` ја дале испитаниците во најновата анкета на Телма и МЦМС. На скалата од еден до пет – 11 % дале оцека 5, 14,2 % првите 100 дена ги оцениле со четворка, 20,1 % ја оцениле работата на Владaта со тројкa, 19, 4 отсто со двојка, а со високи 35,3 отсто ја оцениле Владата со – единица. Она што е интересно од самата анкета е тоа доколку се направи збир од самите проценти кои што ги добија партиите може да се дојде до блага предност на опозициските партии, со што се потврдува и проопозициското расположение на граѓаните во Мкедонија Имено збирот на процентите на владината коалиција изнесува 29,1 отсто. Или, поединечно СДСМ 18,6, ДУИ 6,7, ДПА 1,4 и Беса 2,4 проценти. Најпроблематични се процентите за ДПА и Беса. Зашто, и двете партии пред последните парламентарни избори имаа рејтинзи на ниво на статистичка грешка, а сега се со покачени и тоа во услови на катастрофални први 100 дена Влада. Од друга страна пак по истиот принцип, опозицијата, има рејтинг од 29,6 отсто. И тука мора да се има превид дека, на пример, Алијанса и Алтернатива се земени како посебни политички субјекти, исто како и Интегра, за која се најде место на листата како вонпарламентарна партија. Поединечно гледано, ВМРО-ДПМНЕ има 18,1%, Алијанса за Албанците 4,6, Алтернатива 0,5, Левица 6,2 и Интегра 0,2 отсто.

ОК на ВМРО-ДПМНЕ Кавадарци ги сруши амбициите на Јанчев: Партијата не е на распродажба, Мицкоски е легитимен лидер кој победи во 42 општини

Магдалена Андонова — Sat, 01 Aug 2020 17:11:35 +0000

Претседателот на ОК ВМРО-ДПМНЕ Кавадарци, Зоран Јованчев на својот Фејсбук профил напиша статус во кој тврди дека ВМРО-ДПМНЕ е партија која што се залага за зачувување на македонските национални интереси, продолжување и шириње идеата на Гоце, Даме, Карев, Ченто, Богдановски, но и плејада на родољубиви патриоти кои животот го посветија на самостојна и суверена Република Македонија. Тој исто така напиша дека партијата не е на распродажба. Во продолжение може да го прочитате целосниот статус. Исто така и потпретседателот на ОК ВМРО-ДПМНЕ Кавадарци Слободан Ивановски, сподели статус на својата Фејсбук страница во кој истакнува дека брендот ВМРО- ДПМНЕ го посакувале многумина, мислејќи дека преку тој бренд ќе си ги задоволат своите лични интереси. -Сепак брендот им припаѓа на членовите и на сите оние кои изминативе години чесно и искрено работеа за партијата борејќи се против двоецот Заев-Мијалков, напиша тој. Целосниот статус може да го прочитате во продолжение.

ФОТО: Ким Кардашијан објави фотографија и повторно го „сруши“ Инстаграм

Тале Кристо — Sat, 14 Dec 2019 09:20:02 +0000

Ким Кардашијан повторна успеа да го „сруши“ Инстаграм, бидејќи со фотографијата која што ја објавила собрала повеќе од 7 милиони лајкови на оваа популарна социјална мрежа. Станува збор за семејна фотографија, на која позирала заедно со сопругот и нивните деца.

View this post on Instagram

The West Family Christmas Card 2019

A post shared by Kim Kardashian West (@kimkardashian) on Dec 13, 2019 at 8:18am PST

-Семејство Вест. Божиќна честитка, напишала Кардашијан.

Русија забрани увоз на круши од Србија

Ивона Петрова — Wed, 14 Feb 2018 08:55:30 +0000

Руската служба за фитосанитарен надзор „Росељхознадзор“ од денеска забрани увоз на српски круши. Забраната подразбира и увоз преку трети земји, се наведува на сајтот на „Росељхознадзор“. Службата тврди дека на српската Национална организација за карантин и заштита на растенија повеќе пати и било пријавувано дека има загриженост поради проблеми со квалитетот на ова овошје од Србија. Русија претходно имаше проблем и со јаболките од Србија. Во Орловската област во централна Русија, беа пронајдени 13 тони јаболка од Србија заразени со опасен штетник, соопшти фитосанитарната инспекција на Русија. Русија неодамна го прекина и увозот на јаболки од Босна и Херцеговина поради сомнеж во реекспорт. Министерството за земјоделство на Република Српска смета дека пропустот кај извозот на јаболки од БиХ во Русија нанесе голема штета на домашните произведувачи. Руската Федерација е трет трговски партнер на Србија, а пласманот на српските производи на рускиот пазар го карактеризира стартна ценовна конкурентна предност во однос на другите увозни производи, благодарение на единствениот преференцијален трговски договор и бесцарински извоз на пазар од преку 144 милиони жители.