стационар лајка – Kurir.mk

ВМРО-ДПМНЕ: Лајка ќе биде место за убиство на кучиња, тoа не е решение за проблемот, ни треба европски стационар

Магдалена Андонова — Fri, 16 Oct 2020 08:51:20 +0000

Градоначалникот на Град Скопје манипулира со целата јавност и со друштвата за заштита на животни кога вели дека со отворањето на така наречениот стационар ЛАЈКА ќе го реши проблемот со кучињата скитници на територијата на Градот. Со отворањето на безпотребно ново јавно претпријатие каде се вработени исклучиво партиски луѓе кој немаат никаква допирна точка со активисти на кучиња и познавање на проблематиката а кој цели 17 месеци земаат плата а не одеа на работа од причина што Градоначалникот и неговиот тим советници не успеаја за 3 години да го реконструираат односно отворат стационарот , истите тие за 17 месеци го оштетија значително буџетот на Град Скопје со префрлање на плата за нив и за непотребниот управен одбор кој исто така е нелегитимно избран во него членуваат само партиски луѓе а не активисти или пак некој здруженија за заштита на животни, стои во соопштението на ВМРО-ДПМНЕ. -Иако како што вели Градоначалникот дека стационарот е реконструиран со донации тој умешно ги крие и ја лаже јавноста за потрошените пари од градската каса во висина од 30 000 евра за набавки на мебел и канцелариска опрема која не знаеме зашто е потреба во ваков објект . Градоначалникот манипулира со јавноста и дрско лаже дека проблемот со бездомните кучиња е решен , како што самиот се пофали дека ова е само едно привремено живеалиште на бездомните кучиња , таму ќе се стерилизираат и потоа повторно ќе бидат пуштени на улицата од кај што ќе бидат заловени и со самото тоа проблемот не се решава, повторно ќе гледаме кучиња како напаѓаат луѓе, повторно ке гледаме неубави глетки со труење на кучиња и сообраќајни незгоди предизвикани од кучињата по улиците, велат од партијата. -Петре Шилегов ги излажа и изманипулира сите активисти кој се борат за права на бездомните кучиња како и друштвата за заштита на миленици , во овој стационар кој е со нелегална програма за работа и истата е сомнително донесена без да се консултираат друштвата за заштита на животни и активистите се вели дека куче кое е со најмала болест ќе биде еутанизирано односно убиено а не излекувано , Петре Шилегов ја отвори Лајка за да го реши проблемот со бездомните кучиња на начин што истите ќе ги убие и наместо урбано чување на бездомните кучиња и третман во стационарот – Лајка ќе биде местото на злосторот на кучињата! Од тука итно повикуваме повлекување на спорната програма за работа и изработување на нова со консултација на сите друштва за заштита на животни, апелираат ВМРО-ДПМНЕ. Постојат големи сомнежи со ова партиско јавно претпријатие Лајка за кое сме сигурни дека е отворено парење на пари и за се останато освен на професионален стационар и третман на бездомните животни и решавање на долгогодишниот проблем во кој се соочува нашата метропола. На Скопје му треба стационар како во Европските Метрополи , стационар во кој бездомните кучиња ќе бидат собрани од улиците и ќе имаат третман во стационарот кое ќе биде нивно трајно живеалиште со одлични услови а не како што Градоначалникот Шилегов направи дека секое куче повторни ќе се врака на улица, истакнуваат тие.

Шилегов излажа за стационарот Лајка

Ивана Ефремовски — Wed, 23 Sep 2020 09:38:26 +0000

Стационарот Лајка никако да се отвори, иако градоначалникот на Град Скопје, Петре Шилегов преку Фејсбук статус во месец јули објавувајќи фотографии информираше дека новиот стационар за вдомување на кучиња скитници е готов, но дека ќе биде отворен веднаш по одржување на предвремените парламентарни избори. -Отворање после изборите, Скопје нема да застане, напиша Шилегов на Фејсбук. Но, поминаа веќе два месеца од изборите, а стационарот Лајка се уште не е пуштен во употреба. На 25-ти август годинава, Шилегов во изјава рече дека се очекува истиот да биде отворен кон првата половина на месец септември, како и дека двете оперативни сали веќе се целосно опремени, но дека се предмет на анализа на Агенцијата за заштита на храна и ветерина. -Стационарот Лајка очекувам да биде отворен кон првата половина на септември. Двете оперативни сали за животни веќе се целосно опремени и тоа ќе биде предмет на анализа на Агенцијата за заштита на храна и ветерина. Кога ќе почне да работи, ќе почне во полн капацитет, изјави градоначалникот Шилегов. Долго очекуваниот стационар Лајка имаше веќе неколку одложувања за датум на отворање, за деновиве градскиот татко Шилегов да признае дека излажал и дека стационарот кој треба да го реши проблемот на граѓаните, се уште не е готов бидејќи во една од халите треба да се спроведе електрика. -Скоро целосно е готов, останува уште во една од халите да се спроведе електрика, јас мислам дека до крајот на оваа недела целосно ќе завршиме со уредувањето. Агенцијата има закажано контрола на 25-ти септември, со цел да после тоа од кога ќе биде одобрено функционирањето да го ставиме стационарот во полна употреба, изјави вчера Шилегов. Од друга страна пак, маките на граѓаните продолжуваат со кучињата сктиници, а пријавите за напади од итите можат да се забележат секојдневно во билтените. Граѓаните реагираат дека Градот Скопје и градоначалникот Шилегов, мора да пронајдат долгорочно решение за кучињата скитници, додавајќи дека се исплашени, но и дека стационарот треба да биде хумано место за нив, бидејќи како што велат и кучиња се малтретирани на улиците. Поради неоговорноста и несериозноста на Шилегов да го реши проблемот со кучињата скитници веќе три години, Градот Скопје во 2019 година исплатил 2.253.261 денари оштета на граѓани каснати од куче на територија на градот, додека за 2020 година, исплатила 7.637.429 денари заклучно до 9 септември. Главниот град во моментов е без стационар, бидејќи „Вардариште“ кој беше во надлежност на ЈП Комунална хигиена е затворен со месеци. А со ставањето во фунција на стационарот „Лајка“ се очекува да профунционира и 24 часовна шинтерска служба, која ќе ги заловува кучињата за кои ќе добие пријава од граѓаните.

Стационарот „Лајка“ никако да се отвори – Шилегов најави за септември, волонтерите бараат смена на директорката

Дарко Андоновски — Wed, 26 Aug 2020 20:09:50 +0000

И по година и пол од нејзиното назначување, в.д. директорката на стационарот за бездомни животни „Лајка“ не успеа да стерилизира ниту едно куче. Со вакви обвинувања деновиве во јавноста излегоа голем дел од активистите и здуженијата за заштита на животните. Според нив, ваквата состојба е резултат на целосното исклучување на активистите од сите процеси поврзани со третманот на бездомните животни во Град Скопје. Тие тврдат дека управителката Тина Петрушевска е неподобна и ја злоупотребува својата функција, објавува ТВ 21. „Проблемот кој го има во градов, ние го лоцираме во назначувањето на неподобни кадри на функциите, конкретно на в.д директорката на ЈП Лајка, бидејќи наместо таа да се ангажира претпријатието да почне што побрзо да работи, таа ја злоупотребува својата службена должност и прогонува активисти, води судски процеси пртив нив, ја опструира нивната работа и во тоа вовлекува и други институции од државата, за што веќе се акумулира обемен корпус на докази кои наскоро ќе бидат изнесени во јавност и ќе се процесираат преку институциите“, вели Драгана Велковска – советник во Град Скопје. Велковска потенцира дека во повеќе наврати се поднесени барања до Град Скопје за дисперзиран третман на бездомните животни. Тв21 ја исконтактира и директорката на Лајка која рече дека досега до неа нема стигнато ниту еден официјален допис со предлози за функционирање на претпријатието од ниту еден активист, љубител на животни или здружение на граѓани. „Стационарот е изграден по светски стандарди и вклучува карантински дел, амбуланта со приемен дел и две хируршки сали, интензивна нега, оддел за вдомување со груминг салон, центар за ресоцијализација и едукативен центар, парк за кучиња, оддел за опсервација на кучиња кои каснале граѓани и мал административен дел. Отидовме и чекор подалеку и го подигнавме нивото на целата проблематика па наскоро ќе и ги соопштиме на јавноста и резултатите од пописот на бездомни кучиња на територијата на град Скопје“, вели Тина Петрушевска – директор на ЈП „Лајка“. Прашан за тоа колку е запознаен и задоволен со работата на директорката, Градоначалникот на Град Скопје Петре Шилегов рече дека капацитетот е при самиот крај и треба да биде пуштен, така што не може да зборуваме за реален квалитет во извршувањето на функцијата. Целиот текст прочитајте го ТУКА.