стајковци – Kurir.mk

НИКОГАШ ДА НЕ СЕ ПОВТОРИ: 7 години од поплавите во Скопје во кои загинаа 22 лица

Ивона Петрова — Sun, 06 Aug 2023 07:30:32 +0000

Скопје денеска одбележува седум години од невремето што предизвика поплави во кои загинаа 22 лица. Попладнето на 6 август 2016, скопскиот регион беше погоден од обилни врнежи од дожд и силен ветер. Загинатите во невремето беа во реоните на селата Сингелиќ, Стајковци, Смилковци и Арачиново. Во текот на 24 часа на 6 август 2016 во Скопје наврнале 92,9 литри на метар квадратен, а во текот на првите два часа од почетокот на невремето имало повеќе од 800 громови. Невремето и поројот од вода предизвика пад на дрвја, а домовите останаа без електрична енергија. Околу илјада граѓани беа евакуирани во текот на ноќта на 6 август. Граѓаните од целата држава координирани од Црвениот крст, Кризниот штаб и надлежните институции во наредните денови се солидаризираа за собирање на најнеопходната помош за настраданите. 8 август 2016 беше прогласен за Ден на жалост во Република Македонија. Управата за хидрометеоролошки работи во извештаите по невремето информираше дека на Зајчев рид – главната метеоролошка станица во Скопје, бил забележан рекорден интензитет за петчасовни врнежи од 84,5 милиметри. Да не се заборави, но никогаш да не се повтори!

Без вода неколку улици во селата Батинци, Љубош, Визбегово и Стајковци

Тале Кристо — Mon, 22 May 2023 09:58:03 +0000

Поради санација на дефекти на водоводната мрежа денеска без снабдување со вода ќе бидат неколку улици во селата Батинци, Љубош, Визбегово и Стајковци, соопшти ЈП Водовод и канализација - Скопје. Поради уличен дефект на ул.10/3 Батинци, прекинато водоснабдување ќе имаат корисниците од Батинци и Љубош во општина Студеничани, од 11:30 часот до завршување со санација на дефектот. Поради уличен дефект ф-80 мм на ул. 1551/бб Визбегово, без вода од 10:40 часот до завршување со санација на дефектот ќе бидат корисниците на дел од истата улица во периодот Од 10 часот прекинато е водоснабдување и за корисниците од ул. 11/ бб Стајковци, поради уличен дефект ф-100 мм. Прекинот во снабдувањето ќе трае до завршување со работите на дефектот.

Скопјанец нападнат од својот сосед во скопско Стајковци

Тале Кристо — Mon, 26 Dec 2022 15:38:35 +0000

На 25.12.2022 во 15.30 часот во СВР Скопје, Г.Ј.(58) од Скопје пријавил дека, додека извршувал работни активности во двор во близина на неговата куќа во с.Стајковци, скопско, по претходно недоразбирање, бил физички нападнат од неговиот сосед Б.С.. Се преземаат мерки за расчистување на случајот.

Ограбена спортска обложувалница во скопско Стајковци

Тале Кристо — Thu, 01 Sep 2022 15:16:33 +0000

На 31.08.2022 во 09.24 часот во СВР Скопје било пријавено дека во спортска обложувалница во с.Стајковци, скопско, едно лице со закана од вработениот го одзел дневниот промет. Се преземаат мерки за расчистување на случајот.

Стефковски: Стајковци добива спортски комплекс „Иван Илиев“ со игралиште за мал фудбал

Магдалена Андонова — Thu, 25 Aug 2022 12:26:46 +0000

Градоначалникот на општина Гази Баба, Бобан Стефковски преку својата официјална Фејсбук страница информираше дека Стајковци добива спортски комплекс „Иван Илиев“ со игралиште за мал фудбал на подлога од вештачка трева и ново кошаркарско игралиште на кое ќе се вградуваат елементи и за тенис и одбојка. - Денес направив увид на градежните активности за изградба на спортскиот комплекс кој се гради во населеното место Стајковци. Со изградбата на овој спортски комплекс младите од Стајковци добиваат најсовремен терен за мал фудбал, ново кошаркарско игралиште на кое ќе може да се вградуваат елементи за тенис и одбојка. Ова ќе биде простор на кој младите ќе можат да спортуваат и рекреираат. Ќе предложам до Советот на општина Гази Баба да донесе Одлука со која овој спортски комплекс ќе го носи името на Иван Илиев, дете кое загина во поплавите кои ја зафатија општина Гази Баба во 2016 година. Со ова споменот за Иван Илиев ќе биде вечен, пишува Стефковски во својата објава.

Стефковски: Училишната сала во Стајковци ќе го носи името на херојот Бобан Ивановиќ

Тале Кристо — Tue, 24 May 2022 13:00:05 +0000

Денес 24.05.2022 година по повод празникот Св. Кирил и Методиј кој е патрон на населеното место Стајковци се оддржа настан за положување свежо цвеже и оддавање почит пред споменикот на Бобан Ивановиќ кој како припадник на специјалните единици на МВР загина во вооружената пресметка во Диво Насеље. На настанот свое обраќање имаше градоначалникот на општина Гази Баба Бобан Стефковски кој истакна: Бобан Ивановиќ и Горан Стојменовиќ се двајцата херои кои беа наши сограѓани, а загинаа во Диво Насеље. Како градоначалник на општина Гази Баба нема да дозволам нивниот лик и дело да се заборави. За таа цел ќе доставам предлог до училишниот одбор на општинското основно училиште Кирил и Методиј во Стајковци во кој ќе предложам училишната сала која е во изградба да го носи името на Бобан Ивановиќ. Со оваа одлука неговото име и дело никогаш повеќе нема да бидат заборавени - истакна Стефковски. На настанот покрај свежо цвеќе положија: делегација на општина Гази Баба предводена од градоначалникот Бобан Стефковски, делегација на Советот на општина Гази Баба предводена од претседателот Дијана Илиевска, делегација на пратеничката група на ВМРО-ДПМНЕ во состав на пратениците Жаклина Пешевска и Зоран Коцевски, делегација на семејството на Бобан Ивановиќ, делегација на Месната заедница Стајковци и други делегации. За настанот градоначалникот Стефковски објави на својата официјална фејсбук страна.

Кривична за жител на скопско Стајковци: Се претставил како сопственик на фирма и измамил штипјанка за 90.000 денари

Магдалена Андонова — Tue, 03 May 2022 14:20:45 +0000

СВР Штип поднесе кривична пријава против Р.С.(54) од с.Стајковци, скопско, поради постоење основи на сомнение за сторени кривични дела „измама“ и „посебни случаи во фалсификување исправи“. Во периодот од август до ноември 2021 година, пријавениот измамил жена од Штип за сума од 90.000 денари. Тој се претставил дека е сопственик и управител на градежна фирма од Скопје, која во тоа време била избришана од трговскиот регистар, и со неа се договорил да ѝ изврши градежни работи на нејзината куќа. Р.С. земал аванс од 90.000 денари, но не ја завршил договорената работа.

Стефковски: Отворен првиот младински клуб во Стајковци

Магдалена Андонова — Fri, 18 Mar 2022 12:46:08 +0000

Денес 18.03.2022 година, градоначалникот на општина Гази Баба Бобан Стефковски заедно со преставници од УСАИД го отворија првиот младински клуб во рамки на Месната заедница во Стајковци. За отворањето на младинскиот клуб, градоначалникот Стефковски информираше на својата официјална страна на фејсбук на која напиша: Денес во просториите на Месната заедница Стајковци го отворивме првиот младински клуб. - Овој проект го реализиравме во соработка со УСАИД и е во рамки на проектот за меѓуетничка интеграција на младите во образованието. Иницијативата за отворање на ваков младински клуб дојде од страна на училишните парламенти на општинските основни училишта Кирил и Методиј, Дане Крапчев и 25 Мај. На денешната средба во разговор со учениците ги слушнав нивните идеи и предлози со цел создавање на поквалитетно образование на најмладите. Инвестициите во создавањето на квалитетно образование и восипитание на нашите дечиња ќе продолжат и во иднина преку реализација на голем број на проекти, напиша Стефковски.

Групна тепачка во скопско Стајковци

Тале Кристо — Sat, 28 Aug 2021 16:15:46 +0000

На 27.08.2021 во 19.00 часот во СВР Скопје, А.Б.(55) од Тетово пријавил дека во с.Стајковци,скопско по претходно недоразбирање бил нарушен јавниот ред и мир со физичка пресметка помеѓу В.В.(41), Н.В.(35) двајцата од с.Стајковци и А.Б. од една страна и Г.Б.(42) и В.Б.(30) двајцата од с.Стајковци, од друга страна. Сочинети се записници за констатиран прекршок по чл.11 од ЗППЈРМ.

ДА НЕ СЕ ЗАБОРАВИ И НИКОГАШ ДА НЕ СЕ ПОВТОРИ: Пет години од поплавите во Скопје во кои загинаа 22 лица

Ивона Петрова — Fri, 06 Aug 2021 06:16:53 +0000

Скопје денеска одбележува пет години од невремето што предизвика поплави во кои загинаа 22 лица. Попладнето на 6 август 2016, скопскиот регион беше погоден од обилни врнежи од дожд и силен ветер. Загинатите во невремето беа во реоните на селата Сингелиќ, Стајковци, Смилковци и Арачиново. Во текот на 24 часа на 6 август 2016 во Скопје наврнале 92,9 литри на метар квадратен, а во текот на првите два часа од почетокот на невремето имало повеќе од 800 громови. Невремето и поројот од вода предизвика пад на дрвја, а домовите останаа без електрична енергија. Околу илјада граѓани беа евакуирани во текот на ноќта на 6 август. Граѓаните од целата држава координирани од Црвениот крст, Кризниот штаб и надлежните институции во наредните денови се солидаризираа за собирање на најнеопходната помош за настраданите. 8 август 2016 беше прогласен за Ден на жалост во Република Македонија. Управата за хидрометеоролошки работи во извештаите по невремето информираше дека на Зајчев рид – главната метеоролошка станица во Скопје, бил забележан рекорден интензитет за петчасовни врнежи од 84,5 милиметри. Да не се заборави, но никогаш да не се повтори!