стан – Kurir.mk

УНИБанка Скопје го додели станот од наградната игра “Со Mastercard на УНИБанка плати и стан фати!”

Тале Кристо — Wed, 04 Oct 2023 07:31:38 +0000

Самоил Ангеловски од Скопје е среќниот добитник на големата наградна игра на УНИБанка АД Скопје “Со Mastercard на УНИБанка плати и стан фати!” Станот е на супер атрактивна локација во Скопје на бул. Војводина и со површина од 49 м2. Наградната игра предизвика голем интерес, поттикна голем број луѓе да извадат Mastercard картички од УНИБанка Скопје, и да ги согледаат бројните предности кои ги носат безготовинските плаќања, како во поглед на едноставноста и брзината на трансакциите, така и во поглед на сигурноста на самите плаќања со овие картички. Добитникот беше извлечен по случаен избор со помош на компјутерска програма, а согласно претходно поставените услови за учество. Извлекувањето беше реализирано на 27 Септември во Бизнис Центарот на УНИБанка во Скопје, во присуство на надлежен Нотар Анита Адамческа, претставник од Маркетинг агенција КИВИ - Андреа Стојановска и претставниците од УНИБанка: Дејан Доксимовски - Директор на Дирекција Банкарство за население и Маја Јакимовска Наскова заменик-директор на Дирекција Картично Работење, кои се погрижија сè да биде регуларно. Право за учество во наградната игра имаа сите полнолетни физички лица - државјани на Република Северна Македонија (лица со и над 18 годишна возраст на денот на извршување на првата трансакција), кои се корисници на картичките Mastercard Debit, Mastercard Standard и Mastercard Gold издадени од УНИБанка Скопје. Посветеност кон клиентите, имплементирањето иновации во работењето, дигитализација, поддршка за своите корисници се работи по кои и понатаму ќе биде препознаена УНИБанка Скопје. Банката и во иднина ќе иницира активности и проекти со кои ќе ја оправда довербата на своите клиенти, потврдувајќи им дека ја избрале вистинската банка. УНИБанка им се заблагодарува на клиентите за укажаната доверба и ветува дека и понатаму ќе прави напори да ја награди нивната лојалност, а на добитникот му честита и му посакува многу среќни моменти во новиот стан!

Просечната цена на метар квадратен нов стан во Хрватска 2.200 евра

Тале Кристо — Thu, 07 Sep 2023 15:52:05 +0000

Просечната цена на метар квадратен нов стан во Хрватска во првата половина од годинава изнесува 2.219 евра, што е за 4,1 отсто повеќе во однос на истиот период лани, покажуваат податоците на Државниот завод за статистика. Тоа значи дека купувачите морале да одвојат речиси две полни просечни нето плати за еден квадратен метар нов стан, која за јуни во Хрватска изнесуваше 1.150 евра. Во Загреб цена на метар квадратен нов стан во првата половина од годината изнесува 2.623 евра, а просечната плата во Загреб е 1.303 евра. Во споредба со лани, цените во Загреб се за 6,9 отсто повисоки од лани.

Ја уништи швајцарскиот кредит: Беше славна пејачка која многу заработува, а сега остана без стан бидејќи немала пари за рати

Ивана Ефремовски — Mon, 21 Aug 2023 18:21:18 +0000

Пејачката Данијела Враниќ остана без стан во близина на белградска арена, кој го купи од пеењето на врвот на популарноста. Како што пренесуваат медиумите, вториот стан на пејачката, за кој подигна кредит, неодамна и го одзеде банката поради неплатени рати. Поранешната „кралица на сплавовите“, која важеше за една од најпопуларните пејачки на балканската сцена, пред повеќе од десет години се повлече од сцената на врвот на својата популарност. Своевремено се пишуваше дека купила стан во Белград, па од главниот град се преселила во Ваљево да живее со родителите, а според последните информации кои се појавија во јавноста, таа моментално живее во местото Коцељево кај Шабац. Сепак, на врвот на кариерата, кога настапуваше низ Европа и регионот, пејачката си обезбеди уште еден стан лоциран во Нов Белград. -По завршувањето на музичката кариера, Даниела имала заштеда од која живеела неколку месеци. Кога го напуштила Белград, отишла да живее кај родителите, а ратите од кредитот не ги платила. Се обидела да го издава тој стан за да има да ги плаќа ратите од заемот во Швајцарија, но и биле потребни пари за живот. Долго се бореше, а потоа не можеше повеќе и тој стан и беше одземен, вели изворот за српските медиуми и додава: „Таа се обидела да најде излез од оваа ситуација, но со оглед на тоа дека се повлече од сцената, не сакала да бара помош од луѓе кои ги познавала претходно, за оваа приказна да не стигне до медиумите, па се простила од тој стан, рекол изворот. Да потсетиме, проблеми со позајмици во Швајцарија имаа и други јавни личности, како Гоца Тржан и Гога Секулиќ.

Цената на становите во Скопје со раст од 12,9 проценти во вториот квартал

Ивона Петрова — Wed, 05 Jul 2023 08:13:31 +0000

Цените на становите во Скопје во вториот квартал годинава бележат раст од 1,6 проценти на квартално, а од 12,9 проценти на годишно ниво, објави денеска Народната банка. Во првиот квартал годинава цените на становите забалежаа раст од 18,8 проценти на годишно ниво, а од 1,3 отсто на квартално ниво. Во првиот квартал лани недвижностите поскапеа за 12,4 отсто на годишно ниво, по што следеше раст, од 16,6 отсто во вториот квартал, од 21,2 отсто во третиот и од 20,6 проценти во четвртиот квартал. Народната банка го подготвува индексот на цените на становите за територијата на Скопје, врз основа на податоци кои се однесуваат на огласите за продажба објавени од агенциите коишто се занимаваат со промет со недвижности.

ЗАВРТЕТЕ ВО ЛУКСУЗНИОТ СТАН НА ЈОВАНА ЈЕРЕМИЌ – го платила во кеш 200 илјади евра, а златните детали се насекаде (ФОТО)

Дарко Андоновски — Thu, 22 Jun 2023 16:34:37 +0000

Водителката Јована Јеремиќ неодамна пазари стан во центарот на Белград за вртоглави 200. 000 евра, а наскоро ќе се пресели во него откако во овој момент го реновира од корен. Таа во него ќе живее со наследничката Леа, а сега на својот Инстаграм профил со следбениците сподели како изгледа внатрешноста на истиот. Буквално луксуз во златна боја насекаде, од спалната соба, до трпезаријата и столчињата за седење. Со овие фотографии таа само уште еднаш докажа дека таа е кординатор во сите работи кои се прават во нејзиниот стан.

Пожар во стан во Аеродром

Ивона Петрова — Tue, 30 May 2023 16:49:43 +0000

На 29.05.2023 во 11.50 часот во СВР Скопје било пријавено дека настанал пожар во стан на подрачјето на Аеродром, сопственост на К.К.(36) од Скопје. -Пожарот бил изгаснат од екипа на Бригадата за противпожарна заштита Скопје, а лекар од Итна медицинска помош укажал помош на К.К., поради вдишување на чад, информира МВР. Увид на местото извршила екипа од СВР Скопје.

Измамена жена од Тетово: Ја продала куќата во замена за стан и пари, а не добила ништо

Ивана Ефремовски — Mon, 03 Apr 2023 14:21:43 +0000

На 02.04.2023 во 15:15 часот во СВР Тетово повикан е В.А.(37) од тетовска Стримница, кој претходно бил пријавен од 50-годишна тетовка дека кон крајот на минатата година, со закани, изнудил таа да ја продаде сопствената куќа, наводно во замена за стан во Тетово и пари. Но, според пријавеното, ниту добила стан, ниту пари, иако потпишала купопродажен договор. Се преземаат мерки за расчистување на случајот.

Кумановка минува низ голгота: Купила стан кој „не постои“, па остана без дом и без пари!

Ивана Ефремовски — Mon, 13 Mar 2023 20:12:55 +0000

Во оваа зграда требаше да започне нова етапа во животот на Маја Данчевска, но... Вака започнува сторијата на КЛАН која ви ја пренесуваме во продолжение: „Како е можно да завршиме на улица со две мали деца, со кои навистина не знам каде ќе одам“ - изјави Маја Данчевска. Инвеститорката Снежана Петрушевиќ заедно со сопругот Ѓоко Петрушевиќ наместо да градат според дозволата со која се дозволува изградба на приватна куќа, изградиле зграда со 12 стана. Од кои 7 продале, а меѓу тие 7 лица кои купиле стан е и Маја. „Се договоривме, ние плативме 60% од вкупната цена за станот. Потпишавме купопродажен договор и во меѓувреме чекавме да се преселиме. Кога беше завршена зградата се вселивме и чекавме да заврши техничката процедура, како што велеше тааа, за да ни го предаде имотниот лист. Кога видов дека нема имотен лист, решив да отидам во катастар каде што ми рекоа дека на ова место нема зграда, таа е наменета за куќа и нема да можам да извадам имотен лист“ - изјави Маја Данчевска. Откако Маја сфатила што се случува, сопственикот на зградата почнал да се заканува. Заканите Маја ги пријавила во полиција, и иако и се вршел притисок не престанала да се бори за имотот кој го платила и не може да го користи. Конечно, во 2017-та година Основниот суд Куманово одлучи да и го конфискува имотот на Снежана Петрушевиќ и да ја прогласи за виновна за бесправно градење. Освен што и се конфискува имотот, ќе биде осудена и на две години условен затвор, но никаде не беше обвинета за измама и Маја остана и без пари и без имот. Иако има правосилна пресуда за конфискација на имотот, сега веќе поранешниот сопственик бара Маја да го напушти објектот, а тоа изненадувачки е прифатено од судот. Тоа е така затоа што овој имот се уште не е впишан во катастар како одземен од државата, а од друга страна судот не го признава договорот потпишан на нотар помеѓу Маја Данчевска како купувач и Снежана Петрушевиќ како продавач, бидејќи објектот што е продаден легално не постои. Се обидовме да добиеме изјава и од инвеститорот Снежана Петрушевиќ. Таа не беше дома. Нејзината мајка рече дека не знае ништо за случајот. Маја е во овие правни лавиринти од 2014 година, а крајот може да биде болен за неа и нејзиното семејство. https://klanmacedonia.mk/kumanovarja-bleu-banesen-qe-nuk-ekziston-video/?fbclid=IwAR2LH2-sU5nUHo_WqVEQsIziZyid_6vPYgc3caII5kUuu7IyABOTd4jbNXs

БИДЕТЕ ВНИМАТЕЛНИ кога купувате стан, еве како бил измамен еден маж

Ивана Ефремовски — Tue, 28 Feb 2023 15:26:25 +0000

Единицата за економски и компјутерски криминал при СВР Скопје поднесе кривична пријава против Ф.С.(33) од Скопје, поради постоење основи на сомнение за сторено кривично дело „измама" по член 247 и против Ф.Ј.(31) од Скопје, поради постоење основи на сомнение за сторено кривично дело „измама" по член 247 во врска со член 24 од Кривичниот законик. Пријавените, во текот на ноември 2022 година креирале оглас на еден од порталите регистрирани за огласување дека наводно продаваат стан и презеле фотографии од друг огласен стан за продажба. На тој начин тие го довеле во заблуда оштетеното лице од Кавадарци дека огласениот стан за продажба е сопственост на правното лице на кое што застапник бил второпријавениот. Тие, исто така, на оштетениот, преку апликацијата Вибер му покажале слики од станот и го навеле да им уплати 5.000 евра капар за купопродажба на станот на сметка на правното лице на второпријавениот. После тоа, тие и по натаму го држеле во заблуда оштетениот со најразлични изговори околу купопродажбата на станот, а откако увидел дека од купопродажбата на огласениот стан нема ништо, односно дека е измамен, тој го пријавил случајот во полиција.

СИТЕ БЕГААТ ОД ВИЛАТА – Анастасија си купила стан од 100 квадрати и тоа за сума која дури и мајка и не ја заработува лесно, а уште помалку од еден настап!

Дарко Андоновски — Fri, 27 Jan 2023 21:47:08 +0000

Младата пејачка ѕвезда Анастасија Ражнатовиќ последните две-три години постигнува успех по успех, а сега откри дека купила стан во најлуксузната населба во Белград за 300.000 евра Иако има само 24 години, младата пејачка купила стан од 100 метри квадратни во „Белград на вода“. Станот е во почетна фаза на градба, а вселување ќе може да се планира само за две-три години. – Го потпишав договорот за станот, можеме да наздравиме. За две и пол години ќе можам да се вселам, станот е уште во изградба, ќе биде готов за две до три години – им се пофалила Анастасија на пријателите.