стар дојран – Kurir.mk

Жена пронајдена почината во куќата која изгоре во Стар Дојран

Ивана Ефремовски — Sat, 06 Aug 2022 14:36:29 +0000

На 06.08.2022 во 07:20 часот во СВР Струмица било пријавено дека настанал пожар во куќа на ул.„Маршал Тито“ во Стар Дојран. Пожарот бил изгаснат од екипа на територијалната противпожарна единица, по што во куќата било пронајдено починато женско лице. Увид бил извршен, а по наредба на Јавен обвинител телото ќе биде дадено на обдукција.

Прво издание на фестивалот „Преку езерото“ во Стар Дојран

Ивана Ефремовски — Mon, 01 Aug 2022 13:41:04 +0000

Девет исклучителни кратки филмови од осум медитерански земји, со актуелни теми ќе бидат прикажани на првото издание на Меѓународниот филмски фестивал „Преку езерото“ што ќе се одржи од 5 до 7 август во Стар Дојран. Станува збор за прв филмски фестивал од ваков формат во земјава, кој ќе го збогати културниот живот во градот и околината и традиционално ќе се одржува во Дојран, покрај брегот на езерото. Во фокусот е медитеранскиот и европскиот филм и автори кои живеат или потекнуваат од медитеранските и европските земији. „Преку езерото“ е иницијатива предводена од Јани Бојаџи, филмски режисер и продуцент. Како што најавија од фестивалот, за ова прво издание селектирани се девет филмови од осум медитерански земји, со актуелни теми кои се раскажани со медитерански дух, специфичен и посебен во уметноста на филмот. Поточно, во главната натпреварувачка програма се филмовите „А ла карт“ на Василис Циуварас и Таксиархис Делијанис од Грција, „Пресуда“ на Дора Јунг од Србија, „Марко на Марко Шантиќ од Хрватска, „Перики“ на Ангела Димеска од нашата држава, „Виножито“ на Александар Вујовиќ од Црна Гора, „Криминалци“ на Серхат Караслан од Турција, „Што не знаеме за Маријам“ на Морад Мостафа од Египет, „Светиот син“ на Аљоша Масине од Италија и „Поглед од Балкон“ на Арис Капланидис од Грција. Покрај главната програма во склоп на фестивалот, како што е најавено, ќе се прикажат и неколку долгометражни филмови од медитеранските земји кои се истакнале по особениот пристап на темата кој нуди нов поглед на нештата кој го поттикнува дијалогот помеѓу различните култури, општествени групи, нации. Во склоп на фестивалот ќе се одржи и мастерклас на тема „Трагањето на сценаристите по вистинското значење на темата во нивните сценарија“. Мастеркласот ќе го води докажаниот скрипт-консултатнт од Англија Џон Стивенс. Меѓународното жири кое ќе ги оценува филмовите во натпреварувачката конкуренција ќе го предводи истакнатиот грчки режисер Василис Мазоменос, а членови на жирито се Гоце Кралевски продуцент и Ева Камчевска сценарист од нашата држава. (МИА)

Детали за хаосот на музичката манифестација во Стар Дојран – познат идентитетот на приведените лица

Ивана Ефремовски — Mon, 04 Jul 2022 10:04:50 +0000

Во периодот од 20:30 часот на 03.07.2022 година до 02:30 часот на 04.07.2022 година, за време на одржување на музичка манифестација во Стар Дојран, полициски службеници од Секторот за внатрешни работи Струмица, во координација со полициски службеници од Секторот за недозволена трговија со дрога, оружје и опасни материи при МВР и Единица за недозволена трговија со дрога, оружје и опасни материи при СВР Скопје извршиле контрола и лишиле од слобода повеќе лица. Приведени се К.А.(18) и А.М.(19), двајцата од Скопје, М.Ц.(26) и Д.П.(27), двајцата од Куманово, Г.П.(22) од Прилеп, Н.М.(22) од Охрид, Т.С.(21) од Валандово, Д.А.(19) од село Николиќ, општина Дојран и И.К.(20) од село Иловица, струмичко. Кај нив биле пронајдени повеќе видови дрога. Лицата биле приведени во полициска станица и по целосно документирање на случаите против нив ќе бидат поднесени соодветни поднесоци.

Полицијата влезе во Дојран, детали од МВР по информациите за фалсификувани сертификати

Ивона Петрова — Thu, 06 Jan 2022 13:20:39 +0000

Полициски службеници од Одделот за криминалистичка полиција и СВР Струмица- ОВР Гевгелија во текот на вчерашниот ден по претходно добиена судска наредба од Основен суд Гевгелија, извршија претреси на три локации поради основано сомнение за сторено кривично дело, а во врска со наводите за фалсификување сертификати во казино во Дојран. -Извршени се претреси кај три правни лица, при што е одземена службена медицинска документација која се однесува на извршени тестирања за присуство на Ковид 19, извршени претежно на лица од странство, одземен е електронски дневни (книга) на издадени сертификати за периодот од 19.12.2021 до денот на претресот, а исто така извршени се службени разговори со две лица. При претресот извршен е увид и преглед во компјутерската евиденција (списоци на грчки државјани кои се пријавиле за тестирање) на правното лице, како и во просториите на „импровизираниот“ медицински пункт во казино во Стар Дојран, информира МВР. По насоки на јавен обвинител целокупната одземена документација ќе биде доставена до ОЈО Гевгелија за нивно постапување, а МВР ќе ги преземе сите мерки и активности за кои ќе добие насоки од надлежното обвинителство со цел расчистување на случајот.

ТРАГЕДИЈА: Млада скопјанка пронајдена почината во апартман во Стар Дојран

Ивона Петрова — Sun, 03 Oct 2021 14:12:54 +0000

На 02.10.2021 околу 17.30 часот во СВР Струмица било пријавено дека во Стар Дојран во апартман од вила починала Д.Ќ.(25) од Скопје која во изнајмениот апартман пристигнала околу 12.00 часот заедно со С.Т.(25) од Скопје, информира МВР. Од итна медицинска помош Гевгелија потврдена е смртта без знаци на насилство. Увид на лице место извршила увидна екипа на Надворешна канцеларија за криминалистички работи Гевгелија, а по наредба на јавен обвинител телото на починатата е предадено на обдукција.

ТЛОТО НЕ СЕ СМИРУВА: Вечерва нов земјотрес во Македонија

Дарко Андоновски — Tue, 02 Jan 2018 19:01:04 +0000

Епицентарот на земјотресот бил регистриран на 9 километри североисточно од Стар Дојран, а на околу 144 километри југоисточно од Скопје. Тектонските поместувања се случиле на длабочина од 2 километри под земјината површина. Утрово силен потрес беше регистриран во близина на Кукуш, а беше почувствуван во поголемиот дел од југосточна Македонија и во Бугарија.