старец – Kurir.mk

Пожар во Скопје, повреден старец

Ивана Ефремовски — Wed, 18 Oct 2023 18:42:45 +0000

На 17.10.2023 во 12:38 часот во СВР Скопје било пријавено дека на ул.„Шарпланинска“ во Скопје настанал пожар во помошна просторија во која престојувал Д.М.(80) од Скопје. Притоа, со повреди се здобил Д.М., констатирани во Комплекс клиники „Мајка Тереза“. Екипа на Бригадата за противпожарна заштита Скопје го изгаснала пожарот. Увид бил извршен.

Старица си го нападнала сопругот, приведена 73-годишна скопјанка

Ивана Ефремовски — Mon, 25 Sep 2023 15:48:40 +0000

На 24.09.2023 во 13:30 часот на подрачјето на Гази Баба, полициски службеници од Полициската станица Гази Баба ја лишиле од слобода Н.С.(73) од Скопје. Според полицијата, старицата е приведена затоа што во домот со тврд предмет го нападнала нејзиниот 74 - годишен сопруг. Таа е спроведена до здравствена установа за понатамошна постапка. Се преземаат мерки за расчистување на случајот.

Старец манијак во Карпош: Се соблекол пред малолетнички и недолично се однесувал

Ивана Ефремовски — Fri, 07 Jul 2023 14:55:56 +0000

На 06.07.2023 во 10:50 часот на подрачјето на Карпош полициски службеници од Единицата за интервентна полиција при СВР Скопје го лишиле од слобода В.М.(73) од Скопје, постапувајќи по пријава. Според пријавата, на 05.07.2023 околу 17:30 часот на подрачјето на Карпош, додека малолетничка седела во нејзиниот двор со две другарки, тој во соседниот двор од неговата куќа се соблекол и недолично се однесувал пред нив. По целосно документирање на случајот против него ќе биде поднесен соодветен поднесок.

Таа има 24 години, а нејзиниот сопруг 85: Тврдат дека ОВА е љубов, а за нејзината свадба имала дрзок услов до родителите

Ивана Ефремовски — Sat, 25 Feb 2023 16:55:23 +0000

Паровите со голема разлика во години речиси секогаш предизвикуваат големо внимание во јавноста, а истото се случи и со Мирејкл (24) и нејзиниот 85-годишен сопруг Чарлс. Тие двајца се запознале пред три години кога Чарлс дошол да работи кај неа, па брзо побарал нејзин телефонски број. Набрзо се заљубиле. -Тој беше мојот витез во блескав оклоп. Поради него почнав да се чувствувам добро, вели оваа девојка. Како што вели, кога дознала за неговите години веќе било доцна, бидејќи била премногу заљубена во него. -При еден разговор ми кажа дека е роден 1937 година. Тогаш веќе бев заљубена, па не ми беше гајле дали има 100 години, истакнува таа. Мирејкл вели дека мислела дека Чарлс има 60 години бидејќи е многу млад и активен. -Знам дека ќе живеам подолго од него, па се трудам секој ден да му го направам совршен, вели таа. Открива дека нејзиното семејство не било воодушевено што таа се омажила за Чарлс, но им кажала дека засекогаш ќе ја изгубат доколку не дојдат на свадбата. -Им требаше многу време да се навикнат на нашата љубов, но знаат дека никогаш повеќе немаше да ме видат да не дојдеа на свадба, нагласува таа. И покрај разликата во години, двајцата сакаат да имаат две деца преку вештачко оплодување. -Неодамна се венчавме, сега на ред се децата. Чарлс сака да остави зад себе уште една генерација, а јас сакам деца, вели таа. Чарлс вели дека денот кога се оженил со неа бил најдобриот ден во неговиот живот. -Таа е прекрасна. Многу сме среќни заедно и до нас не допираат негативните коментари кои луѓето ни ги испраќаат, заклучил Чарлс, а пренесува TheSun.

Старец нападнал соселанец

Ивана Ефремовски — Sat, 31 Dec 2022 16:55:52 +0000

На 30.12.2022 во 14:25 часот Н.А.(54) од с.Голем Папрадник-Центар Жупа пријавил дека бил физички нападнат од З.Д.(72) од истото село. По целосното документирање на случајот ќе следи соодветен поднесок.

Поучна приказна која треба да ја знаете: Судијата кажал вистина која може да ви го промени погледот на животот

Ивана Ефремовски — Wed, 14 Sep 2022 13:48:00 +0000

Еднаш, многу одамна, живеел некој старец којшто постојано ширел некакви гласини. Еден ден тој раскажал дека неговиот сосед е крадец. Како резултат на тоа, младиот човек бил уапсен. Неколку дена подоцна се докажало дека е невин, па откако бил ослободен тој го тужел старецот за погрешно обвинување. Во судот, старецот му рекол на судијата: „Тоа беа само коментари, тие не наштетија никому.“ Судијата, пред да ја донесе пресудата за овој случај, му рекол на старецот: „Напиши ги на хартија сите работи коишто ги кажа за својот сосед. Исечи ги на мали парчиња и на пат кон дома, фрли ги низ прозорецот од автомобилот. Па, утре дојди да ја слушнеш пресудата.“ Наредниот ден, судијата му рекол на старецот: „Пред да ја добиеш пресудата, сакам да отидеш надвор и да ги собереш сите парчиња од хартијата којашто вчера ја фрли надвор од прозорецот на автомобилот.“ На ова старецот рекол: „Не можам да го направам тоа! Ветрот ги разнесе сите и нема да знам каде да ги најдам.“ Судијата продолжил: „На истиот начин, зборовите и коментарите може да ја уништат честа на една личност до толкава мера што тој или таа нема да бидат во можност да го поправат тоа. Ако не можеш да зборуваш добро за некого, подобро не зборувај ништо. Да направиме сите да бидеме господари на нашите усти, за да не бидеме робови на нашите зборови.“ Озборувањата се полоши од крадците затоа што тие крадат нечие задоволство, чест, углед и кредибилитет, кои се невозможни за враќање. Па, запаметете го ова: Кога ви се лизгаат нозете, секогаш можете да ја вратите рамнотежата, но кога ви се лизга јазикот, никогаш не ќе можете да ги вратите зборовите.

Ужасна случка во скопска населба: Прегазиле старец, го ограбиле и го фрлиле во слепа улица – човекот починал

Тале Кристо — Thu, 26 May 2022 20:44:25 +0000

70-годишниот Ахмед Кокица пред две недели излегол од работа, кога на пат кон дома и бил прегазен од автомобил на крстосница во скопската населба Топанско поле, пишува Алсат. Според членовите на семејството, луѓето кои биле во автомобилот, наместо да му укажат помош и да го однесат во болница, го ограбиле старецот и го оставиле во слепа улица. Тој паднал во кома и починал по неколку дена. Ахмед работел во угостителски објект до 22 часот и тргнал кон дома, но ноќта на 12 мај не се вратил. Роднините не можеле да го добијат на мобилниот телефон зашто виновниците веројатно го фрлиле. -Според првите информации на докторката тој ден кога отидовме во болницата, кажувајќи ни го случајот, таа рече дека починатиот бил прегазен на пешачки премин. Сомнежите се дека го прегазиле, го зеле и го фрлиле во слепата улица, изјави за Алсат неговиот роднина Шемун Амети. Во потрага по траги, земени биле снимките од безбедносните камери од околината каде се случила несреќата, но надлежните не даваат информации дали возилото е идентификувано. Од јавното обвинителство велат дека се во почетна фаза на случајот. Од МВР велат дека случајот во полиција бил пријавен околу два часот по полноќ. По доаѓањето на местото на настанот го нашле Ахмет со тешки телесни повреди и речиси без знаци на живот. Го однеле во Клиничкиот центар „Мајка Тереза“. -Во разговор со медицинскиот персонал на Клиниката за токсикологија изјавил дека се здобил со повреди од удар на возило. Полициски службеници од единицата за сообраќајни незгоди при СВР Скопје извршиле разговор со медицинскиот персонал, по што бил известен Јавен обвинител кој дал упатства за понатамошно постапување. СВР Скопје работи на расчистување на случајот велат од МВР. Според извештајот од Судска медицина, обдукцијата покажала дека Ахмед Кокица имал траги од силни удари од страната на половината со скршени ребра и пршлени. Од здобиените повреди на виталните органи паднал во кома сè до 18 мај, кога починал во болницата. Роднините ангажирале и адвокат, бидејќи се сомневаат дека има обиди настанот да се забошоти. Тие бараат итно да се откријат виновниците. -Има сомневања дека оние кои го прегазиле го фрлиле и му ги зеле парите, чантата, телефонот и сакале да го сокријат случајот. Сега велат дека имал шише во џебот, сега не разбирам. Ем го удрило возило, ем шишето не се скршило, а сè друго зеле. Немам друг коментар, изјави неговот роднина Шемун Амети.

ТРАГЕДИЈА: Старец изгоре до смрт во својот дом, бил неподвижен и не можел да избега од пожарот

Ивана Ефремовски — Wed, 30 Mar 2022 15:02:16 +0000

Седумдесет и осум годишниот В.В. вчера загинал во пожар кој избувнал во куќата во која живеел во село Конче. Пожарот бил забележан од жителите на селото, кои успеале да го изгаснат, но не успеале да го спасат старецот кој бил неподвижен. Тој, според првичните сознанија на полицијата, најверојатно починал од задушување од чадот. -Вчера во 16:44 часот во СВР Струмица било пријавено дека во село Конче, Радовишко, настанал пожар во куќата на П.В.(52), при што починал неговиот татко В.В.(78), информираше портпаролката на овој сектор, Александра Трајанова. Увид на местото на пожарот извршиле Јавен обвинител од Основно јавно обвинителство Радовиш, инспектор по пожари и екипа на ОВР Радовиш, а телото на загинатиот било предадено на семејството.

Старец паднал со параглајдер и останал жив и здрав (ВИДЕО)

Ивана Ефремовски — Tue, 17 Nov 2020 09:28:35 +0000

91-годишен Австралиец преживеал несреќа со параглајдер и поминал со само неколку гребнатини и модринки после пад во океанот. Овој параглајдерист во неделата навечер од океанот бил извлечен од страна на жителите од местото Варивуд, северно од Сиднеј. Брзата помош која била повикана на местото на настанот го прегледала мажот и утврдила дека има само неколку гребнатини и модринки. Името на искусниот авантурист не било објавено, но медиумите објавиле фотографии на кои се гледа како тој оди преку карпите со помош на спасувачите, а левата нога му е во завои.

Моќна порака од еден старец, нема да може да ги запрете солзите

Ивана Ефремовски — Sun, 18 Oct 2020 11:36:08 +0000

Биле, па поминале, па пак дошле тешките времиња, синко мој“, почнал старецот да ја раскажува својата приказна, со намера барем на една личност да ѝ го пренесе своето животно искуство и да ѝ помогне да научи важна лекција. Овој човек преку една моќна порака ќе допре директно до вашето срце и ќе ви ги отвори очите. Еве ја неговата тажна приказна со голема животна поука: Откако знам за себе, отсекогаш тешко се живеело, но порано беше многу полесно. Не се имаше многу, но срцето беше задоволно со тоа што го имаше. Срцето беше полно со љубов од кое се раѓаше почитта кон луѓето. Таткото беше татко, мајката – мајка, а детето – дете. А денес? Не треба премногу да се зборува, сè се знае. Сè повеќе светови се мијат со своите сопствени солзи, бидејќи среќата за некои е само поим или бајка. Ако мене ме прашуваш, сине, јас долго, долго не сум почувствувал ни трошка радост или спокој. Долго не сум се насмеал од срце, сине. Знаеш, онака од душа. И секако ја нарекував среќата, но не знаев дека треба да ја нарекувам само живот мој. Но, сега знам… Ме прашуваш за деца? Добри ми се, нека се живи и здрави. Сите имаат свои деца и свои животи. Ми доаѓаат и ме посетуваат колку можат, овозможуваат колку можат. Седам тука крај прозорот и гледам со часови некаде, а да ме прашаш каде, ни самиот не знам. Но, гледам и чекам и кога ќе ги здогледам милите лица на моите деца како да почнува да ме грее сонце. Но, тоа ретко се случува. Тие ми велат дека имаат премногу свои обврски и постојано се во брзање. Запомни, сине мој, Бог дава, а луѓето користат. Сепак, нешто добро ни дал и оставил, а тоа е дека сите ние сме биле деца и дека потоа ќе бидеме и родители. Дека денес сме млади, утре стари. Дека денес сме силни, утре слаби. Дека денес сме здрави, а утре кој знае? И да, ако има премногу правда, ете баш тука се наоѓа. И јас некогаш бев млад и силен. И јас некогаш бев среќен и полетен. И мене мајка ми и татко ми ме чекаа како што и јас сега чекам. Затоа, сине, не заборавај, сè се враќа!