старечки дом – Kurir.mk

Дом за стари во Јапонија „најмува“ бебиња за подобрување на расположението во установата

Магдалена Андонова — Wed, 31 Aug 2022 08:38:49 +0000

Дом за стари лица во Јапонија „вработува“ бебиња и мали деца за да им прават друштво на возрасните жители и заради подобрување на расположението во установата, пренесуваат тамошните медиуми. – Самиот поглед на бебињата ги насмевнува луѓето, изјави директорката на домот, Кими Гондо. На списокот „задолжени лица“, веќе се запишани повеќе од 30 бебиња, кои им даваат нови обврски и радости на повеќе од 100 луѓе во домот, главно постари од 80 години. Од „малите помошници“ се бара да имаат помалку од четири години и нивните родители или старатели да потпишат договор дека малечките „ќе доаѓаат на работа кога сакаат“. Имаат право на пауза кога се гладни, поспани или нерасположени. – Тие се многу слатки. Ме потсетуваат на времето кога јас бев мајка!, изјави една жена штитеничка во домот. Наградата за бебињата за „добро завршената работа“, се пелени и млеко во прав. (МИА)

Дедо Мраз зарази 118 лица со коронавирус во белгиски дом за стари лица

Магдалена Андонова — Tue, 15 Dec 2020 17:48:25 +0000

Дедо Мраз, кој посети дом за стари лица во Белгија, со коронавирус зарази 118 лица. Според локалните медиуми, син на корисник на дом за стари лица во градот Антверпен, во костум на Дедо Мраз, го посетил домот за да ги развесели корисниците. Меѓутоа, кратко по посетата, 45 лица кои биле во близок контакт со него, почнале да покажуваат симптоми на инфекција. Неколку дена по посетата на Дедо Мраз, вирусот е потврдена кај 98 корисници на домот за стари лица и 20 вработени. Фотографиите направени за време на посетата покажуваат дека голем број луѓе не носеле заштитни маски. (МИА)

Во старечки дом кај Милано 22 лица заразени од коронавирус

Дарко Андоновски — Fri, 28 Aug 2020 12:48:26 +0000

Најмалку 22 лица се заразени со коронавирусот во старечки дом на периферијата на Милано, главниот град на Ломбардија, италијанскиот регион најтешко погоден од вирусот. Само еден од заразените има симптоми, поради што се тестирани над 120 лица сместени во домот, како и персоналот. Меѓу 22-те лица кои се позитивни на Ковид-19 има и еден работник, објавија италијанските медиуми.

Ќе потроши брдо пари за сограѓаните: Ловрен покажа дека има големо срце- еве што ќе гради фудбалерот во родниот град (ФОТО)

Дарко Андоновски — Fri, 27 Jul 2018 19:31:04 +0000

Хрватскиот репрезентативец Дејан Ловрен вчера беше во Краљево Сутјеска, каде што беше организиран незаборавно добредојде. Дејан малото место кое се наоѓа во близина на Какањ, го посети во придружба на неговите родители, а таму стотици луѓе го поздравија со песна и извици на поддршка. „Дејо, Дејо”, се слушаше од сите страни. Како знак на благодарност за поддршката од локалните жители на Краљево Сутјеска, Дејан на својот Инстаграм профилот откри дека ќе отвори пензионерски дом на ова место. „Со гордост можам да кажам дека тука ќе изградам пензионерски дом, тоа е најмалку што можам да го направам за вас драги луѓе …”, напиша Ловрен кој се фотографираше пред францисканскиот манастир. Во објавата, тој уште еднаш се заблагодари и напиша „прекрасно добредојде”.

Mogu ponosno reci da cu ovdje gradit staracki dom! To je najmanje sto mogu ucinit za vas drage ljude... Kraljeva Sutjeska ? Hvala vam na prekrasnom doceku sinoc ??❤ #franjevackisamostan #Franciscanmonastery

A post shared by Dejan Lovren (@dejanlovren06) on Jul 27, 2018 at 2:04am PDT

Драма во старечки дом: Скопјанец пронајден со убодни рани во стомак, тврдел дека самиот се повредил

Катерина Бојаџиева — Sat, 23 Jun 2018 10:31:09 +0000

Во Градската општа болница „8-ми Септември“ во Скопје завчера околу 19:00 часот со убодни рани во стомакот бил примен В. Р. (78) од Скопје. Имено, истиот ден околу 17:00 часот, во една од собите во старечки дом В.Р бил пронајден, со убодни рани во пределот на стомакот. Од страна на персоналот на старечкиот дом, била повикана Итна медицинска помош, по што повредениот бил пренесен во Градкса општа болница. Според пријавеното, В. Р. на персоналот од домот им изјавил дека самиот се повредил. Настанот во Единицата за команда и информирање -Скопје бил пријавен околу 23:50 часот од страна на ГОБ.