На 5 јули стартува сезоната во Формула 1

Тале Кристо — Tue, 02 Jun 2020 10:28:55 +0000

Раководството на Формула 1 реши да ја започне сезоната на 5 јули, објави „Sky Sports“. Сезоната ќе стартува со две трки во Австрија, закажани за 5 и 12 јули. Исто така, навивачите чекаат двојни трки на Силверстон (2 и 9 август). Покрај тоа, планирани се уште четири трки: во Унгарија (19 јули), Шпанија (16 август), Белгија (30 август) и Италија (6 септември). Осум трки е минималниот број за една сезона да се смета за валидна. Но, раководството на тркачката серија инсистира на тоа дека имаат намера дополнително да го прошират календарот.

Официјално: Германија даде „зелено светло“ на Бундеслигата

Тале Кристо — Wed, 06 May 2020 15:23:52 +0000

Властите во Германија официјално го одобрија обновувањето на сезоната во локалниот шампионат. Ова може да се случи во втората половина на мај, а германската фудбалска лига има право да избере датум. Се очекува да биде или на 15 мај или на 22 мај. За утре е закажана виртуелна средба со клубовите, на која ќе се избере датум и ќе бидат разгледани детали. Сигурно е дека нема да има публика на стадионите. Ова ќе биде прво големо Европско првенство што ќе се врати. До крајот на првенствата во Првата и Втората Бундеслига има 9 кола, како и само три натпревари за Купот на Германија. Ако планот се исполни, сезоната може да заврши најдоцна до почетокот на јули. Претходно денес, канцеларката Ангела Маркел објави олабавување на мерките против КОВИД-19. Фудбалските тимови веќе долго време имаат лиценца за тренинзи и затоа се во предност со подготовките. Првичниот нацрт на надлежните органи предвидуваше задолжителен 14-дневен карантин за тимовите, што можеше да доведе до одложување на рестартирањето до 29 мај. Но, тогаш таа одлука беше повлечена. Фудбалерите и штабовите на сите 36 клуба во двете дивизии постојано се тестираат за коронавирус. Досега се потврдени 12 случаи. Пациентите се праќаат дома две недели. Планот е дека ако играчот даде позитивен тест во иднина, тој да се оддели, но неговите соиграчи да продолжат да тренираат и да играат.

стартува – Kurir.mk

На 5 јули стартува сезоната во Формула 1

Официјално: Германија даде „зелено светло“ на Бундеслигата