сташ скубе – Kurir.mk

Тешка повреда на Сташ Скубе

Бошко Тасиќ — Thu, 28 Sep 2023 16:57:16 +0000

Словенечкиот ракометар Сташ Скубе, ќе биде надвор од ракометните терени најмалку три месеци. Според пишувањата на „Миди Либре“, се работи за повредата на коленото и тој сигурно нема да се врати на теренот до крајот на годината. Словенечкиот среден бек се повреди на натпреварот против унгарскиот Веспрем во Лигата на шампионите.

Сташ Скубе продолжува во Франција

Бошко Тасиќ — Wed, 20 Apr 2022 19:35:39 +0000

Иако се очекуваше на почетокот на новата сезона да го видиме во Келце, екс вардарецот Сташ Скубе ќе го носи дресот на француски Монпелје со кој потпиша тригодишен договор. Скубе претходно имаше договорено соработка со полскиот шампион каде што требаше да премине од Мешков Брест ова лето. Потоа се шпекулираше дека Бертус Сервас може да го испрати на позајмица во францускиот тим, меѓутоа договорено е Словенецот да стане играч на Монпелје.

Скубе: Игравме во грч, но ги освоивме двата бода

Бошко Тасиќ — Thu, 13 Jan 2022 20:43:57 +0000

Словенечкиот ракометар Сташ Скубе и е добро познат на македонската ракометна јавност од времето кога играше во Вардар, а денеска како наш противник на теренот и играч на репрезентацијата на Словенија. " Многу се мачевме, игравме во грч, но ги освоивме планираните бодови, што беше и наша цел. На крајот, тоа е единствено што се брои и што е најважно од оваа средба. Македонците ни покажаа дека се фанатични борци кои не се предадоа и после пет гола негатива во вториот дел. Наместо да се предадат, напорно работеа и не намачија. За два дена не очекува многу понапорен меч со Данците кои се едни од главните фаворити за трофејот. Се надевам дека ќе прикажеме подобар настап на тој натпревар и ќе се ослободиме од рачната сопирачка во нашата игра, – порача Скубе се словенечката телевизија.

Сташ Скубе се сели во полски Кјелце

Бошко Тасиќ — Sat, 28 Aug 2021 06:39:40 +0000

Кјелце ќе има навистина страшен тим во сезоната 2022/23, откако полскиот великан ова попладне потврди дека го обезбедил потписот на уште еден искусен ракометар кој добро знае какво е чувството да се освои Лигата на шампионите. Станува збор за поранешниот вардарец Сташ Скубе, кој по крајот на договрот со Мешков Брест ќе му се приклучи на амбициозениот полски проект предводен од тренерот Душебаев. Кјелце пред извесно време ги договори фантастичните Беноа Кункуд и Недим Ремили, а со потврдата на трансферот на Скубе станува јасно дека ќе биде нападнат трофејот во Лигата на шампионите наредната година. – Многу сум среќен што потпишав договор со Кјелце. Станува збор за многу амбициозен тим, со многу добри играчи и врвен тренер. Сите ги знаеме и навивачите на Кјелце, каква атмосфера создаваат во салата. Одлуката да ја прифатам нивната понуда беше лесна и многу едноставна, – вели Скубе.

Вардарецот Скубе во тимот на колото во ЛШ

Предраг Кукиќ — Mon, 16 Sep 2019 09:24:23 +0000

Организаторот на играта на Вардар, Сташ Скубе се најде во дрим-тимот на првото коло од Лигата на шампионите. Словенецот имаше значаен придонес во триумфот на „црвено-црните“ во саботата на гостувањето кај Монпелје. Скубе натпреварот го заврши со седум голови. Дрим-тим за првото коло во ракометната ЛШ: Лево крило: Диого Бранкињо (Порто) Лев бек: Никола Билик (Кил) Среден бек: Сташ Скубе (Вардар) Десен бек: Мадс Кристијансен (Алборг) Десно крило: Валентин Јонеа (Спортинг) Пивот: Лудовик Фабрегас (Барселона) Голман: Андреас Волф (Кјелце).

Словенците го пречекаа и го наградија Скубе за европската титула (ФОТО)

Катерина Бојаџиева — Wed, 05 Jun 2019 09:08:06 +0000

Иако поминаа три дена, се уште не стивнуваат реакциите по освојувањето на европската шампионска титула на ракометарите на Вардар. По прославата во Скопје во понеделникот и по вчерашните приеми кај првите луѓе на државните институции, дел од ракометарите заминаа во своите држави за репрезентативните акции, а за дел од нив веќе почнува одморот. Сташ Скубе се врати во Словенија, а во неговиот роден град Требње, му беше организиран пречек и беше награден за освоената шампионска титула. Извор: 24rakomet.mk

Кјелце се откажа, Скубе останува во Вардар

Предраг Кукиќ — Tue, 04 Jun 2019 20:50:42 +0000

Сташ Скубе и во следната сезона ќе го носи дресот на Вардар откако Кјелце повторно се откажа од намерата да го доведе Словенецот во своите редови, пишува екипа.мк. Сопственикот Бертус Сервас во текот на вчерашниот ден објави дека повторно почнал разговори со Скубе, но денеска тој самиот објави дека клубот донел дефинитивна одлука – да не го ангажира бекот на Вардар. Ова е одлична вест за „црвено-црните“, со оглед на фактот дека Скубе експресно се наметна како еден од лидерите на Вардар во оваа фантастична сезона во Лигата на шампионите.

ВИДЕО: Фер-плеј потег: Скубе „поништи“ судиска одлука во корист на Вардар

Ристе Здравков — Mon, 12 Nov 2018 10:43:49 +0000

Во 35. минута од средбата меѓу Вардар и Барселона се случи еден потег вреден за одбележување. При напад на „црвено-црните“, Скубе тргна кон голот на Де Варгас и беше фаулиран од Дика Мем. Едниот од португалските арбитри покажа две минути за францускиот репрезентативец, но Скубе веднаш покажа дека имало само мал допир и дека фаулот не е за исклучување. Судиите се консултираа, ја поништија одлуката, а Мем остана во игра и му честита за потегот на словенечкиот интернационалец. Извор: 24rakomet.mk

Скубе е најновото засилување на Вардар: Среќен сум што ќе бидам дел од голем тим

Дарко Андоновски — Thu, 28 Jun 2018 09:26:13 +0000

Најновото засилување на Вардар, словенечкиот ракометар Сташ Скубе и официјално се обврза на тригодишна соработка со „црвено-црните“. - Вардар го избрав затоа што е еден од најдобрите екипи во Европа. Среќен сум што ќе бидам дел од голем тим. Очекувам многу, значи дека ќе се обидеме да стигнеме до самата завршница во сите натпреварувања. Мислам дека ќе бидеме добра екипа, и едвај чекај се да почне, изјави Скубе за клупскиот сајт на РК Вардар. Скубе доаѓа во Скопје како актуелен првак на Унгарија. Тој беше еден од клучните играчи на ПИК Сегед во освојувањето на шампионската титула на клубот во Унгарија запирајќи ја доминацијата на Веспрем. Македонскиот шампион ќе биде втор клуб во неговата интернационална кариера. Пред ПИК три сезони беше играч на Горење Велење. Потекнува од ракометната школа на Требње каде дебитираше во 2000 година со 16 години. Со репрезентацијата на Словенија, Скубе го освои бронзениот медал на СП за играчи до 21 година во 2009 година. За сениорската репрезентација на Словенија има одиграно 17 натпревари и постигнато 32 гола.