Статуафест – Kurir.mk

Статуафест – уличен уметнички фестивал за живи статуи

Ивона Петрова — Fri, 19 May 2023 05:30:26 +0000

Под мотото „Голема брзина на стоењето“ денеска во Скопје ќе се одржи седмото издание на уличниот уметнички фестивал за живи статуи „Статуафест“. Целта на овогодинешниот фестивал за улични живи статуи „Статуафест“ е да се каже „стоп“ на синдромот на брзо живеење. Артистите кои ќе настапуваат на овогодинешниот фестивал се од продукција Театроск, организатор на фестивалот, што е поддржан од Министерството за култура и ВВ Тиквеш.

Почнува шестото издание на „Статуафест“

Ивона Петрова — Thu, 23 Jun 2022 05:31:16 +0000

Од денеска до сабота на Сквер Јадран во Скопје ќе се одржи шестото издание на фестивалот „Статуафест – Другото лице на улицата – Танго на улица“. – Статуафест – Другото лице на улицата „Танго на улица“, како и секоја претходна година концептуално раскажува приказни. Оваа година ќе раскажува за претворањето на Скопје во една мала, но сепак – огромна уличка сместена некаде во некој раздвижен простор во длабочините на духот на аргентинското танго, тежнеејќи да ги видиме и запознаеме оние страсни скопјани кои со сиот свој дух лудуваат по тангото „премачкани“ во тој разигран уличен миг на евергрин, посочуваат од здружението граѓани „Тим Театроск“ кои се организатори на фестивалот. „Тим Театроск“ е улична театарска продукција која работи уличен театар, улични промоции и настани со сличен карактер. Она по што е препознатлива ова продукција се пантомимските улични точки и уличните подвижни статуи, како поединечни, така и во акт, т.е. слика. Фестивалот е поддржан од Министерството за култура, а спонзори се Винарска визба Тиквеш, Пакомак и МДН обезбедување, а дополнително помагач е Театарот за деца и младинци.

„Статуафест“ на улица „Македонија“

Ивона Петрова — Fri, 14 Sep 2018 05:47:36 +0000

Живи статуи од Шпанија, Бугарија, Србија, Украина и Македонија ќе учествуваат на фестивалот „Статуафест - другото лице на улицата“ кој денеска и утре од 18 часот до полноќ ќе се одржува на улица „Македонија“ во организација на „Театроск“. - Она што го прави овој фестивал поразличен од останатите е неговиот формат, односно живите статуи кои ќе го разубават градот и ќе ја покажат специфичноста на оваа професија пред македонската публика, соопшти „Театроск“, кој повеќе од десет години се занимава со живи статуи и на фестивалот ќе ја презентира и својата продукција. Целта на организаторот е да го развие овој вид уличен фестивал во Скопје по примерот на европските центри. Покрај живи статуи, фестивалот ќе има и музичка програма со настапи на диџеи и бендови. Покровител е Град Скопје и се организира со поддршка на спонзори. МИА