статуи – Kurir.mk

Статуи на Афродита и Дионис откриени во Турција

Тале Кристо — Mon, 08 Nov 2021 09:20:03 +0000

На подрачјето на древниот град Ајзаној, кој се наоѓа во западниот дел на Турција, археолозите откриле солидно извајани глави на древните богови Афродита и Дионис. Истражувачите сметаат оти статуите пронајдени при археолошки ископувања се направени од варовник пред околу 5.000 години. Според координаторот на ископувањата, археологот Гохан Косќун од турскиот универзитет „Думлупинар“, овие наоди се многу важни за натамошните истражувања. – Тие покажуваат дека политеистичката култура на Древна Хелада постоела долго време без да го изгуби своето значење ниту за време на римската ера, рече тој. Се верува дека градот Ајзаној бил основан во бронзената ера. За време на хеленистичкиот период, тој бил во владение на Кралството Пергам, пред да биде заземен од Рим во 133 г. пр.н.е. Во 2012 година, областа беше призната како светско наследство на УНЕСКО. Тука се наоѓа еден од најдобро зачуваните храмови посветени на богот Зевс, огромен амфитеатар и неколку мостови од римскиот период, од коишто два сѐ уште се користат.

Во Маврови Анови демолирани статуи на народни херои од НОБ

Ивана Ефремовски — Fri, 22 Jun 2018 13:10:36 +0000

Синоќа во Полициското одделение Маврово, С.Б.(74) пријавил дека во населбата Маврови Анови, од страна на непознати лица, со употреба на физичка сила, од постаментите биле турнати две бронзени статуи. Станува збор за статуи од народните херои Чеде Филипоски и Злате Малакоски. Се преземаат мерки за целосно расчистување на случајот.

Туристи ги оштетиле најпознатите статуи во светот заштитени од УНЕСКО

Ивона Петрова — Sun, 18 Feb 2018 09:17:01 +0000

Заедницата на домородци на Велигденските острови, во јужниот дел на Тихиот Океан, поднеле жалба до чилеанските власти откако двајца туристи се качиле на древните статуи и ги оштетиле. Локалното население не можело да поверува кога туристите кои дошле во посета ги прекршиле правилата и се качиле на неколку статуи. Претставниците на локалната заедница поднеле жалба против претставниците поради нанесување „непоправлива штета“ на една од заштитените локации на УНЕСКО. Туристите фотографиите ги објавиле на социјалните мрежи.