статус – Kurir.mk

ЕУ сака да ги продолжи разговорите за статусот на Нагорно Карабах

Тале Кристо — Thu, 19 Nov 2020 12:38:04 +0000

Европската унија смета дека е потребно продолжување на политичките преговори за статусот на Нагорно Карабах во рамките на Минската група на ОБСЕ. Ова се наведува во изјавата на шефот на европската дипломатија Жозеп Борел,која беше денеска објавена во Брисел. „ЕУ смета дека е потребно да се обноват напорите за договорено, сеопфатно и одржливо решавање на конфликтот, вклучително и за статусот на Нагорно Карабах“, се вели во соопштението. ЕУ има намера внимателно да го следи спроведувањето на одредбите од договорот за прекин на огнот во Нагорно Карабах, особено работата на набљудувачкиот центар на Русија и Турција. Борел посочи дека ЕУ повикува на целосно и брзо повлекување на сите странски борци од зоната на конфликтот во Нагорно Карабах. „ЕУ ги повикува сите регионални актери да се воздржат од какви било активности или реторики што можат да го загрозат прекинот на огнот. ЕУ, исто така, повикува на целосно и брзо повлекување на сите странски борци од регионот“.

Меси: Касиљас одамна си го обезбеди статусот на легенда

Магдалена Андонова — Wed, 05 Aug 2020 10:33:34 +0000

Најдобриот фудбалер на Барселона, Лионел Меси ги сподели своите ставови за одлуката на поранешниот голман на Шпанија и на Реал Мадрид, Икер Касиљас да ја заврши својата кариера. – Икер реши да го објави своето пензионирање сега, но тој го обезбеди статусот на легенда пред многу време. Не само затоа што тој беше еден од најдобрите во шпанското првенство, туку и затоа што исто така беше во можност да постигне многу на меѓународно ниво. Икер, ти си одличен голман, ми беше тешко да играм против тебе, но гледајќи наназад, можам да кажам дека имавме специјално, убаво соочување кое не натера да бидеме над нашите можности во секој меѓусебен натпревар, изјави Меси. Последен клуб на легендарниот шпански голман беше Порто. (MИА)

Полициски час во делови од Кашмир пред годишнината од промената на статусот

Магдалена Андонова — Tue, 04 Aug 2020 11:28:30 +0000

Полициски час во делови од Кашмир пред годишнината од промената на статусот Шринагар, 4 август (МИА) – Дводневен полициски час воведоа индиските власти во делови на Кашмир под нивна контрола, еден ден пред првата годишнина од одлуката на Њу Делхи за поништување на полуавтономија на тој регион. Безбедносните мерки се зајакнати поради информациите дека сепаратистичките и антииндиските групи ќе протестираат и ќе го одбележат 5 август како „црн ден“. Во и околу Шринагар, полицијата и воени сили одат од врата до врата и ги предупредуваат граѓаните да не ги напуштат своите домови. Владините сили подигнаа челични барикади и бодликава жица на патиштата, мостовите и раскрсниците. Пред една година, индиската Влада го намали статусот на државата Џаму-Кашмир и го подели на две територии под федерална администрација. (МИА)

Мицкоски за статусот на Николовски: Веројатно тој е напишан од аболицираниот Заев во состојба на нервоза

Тале Кристо — Thu, 13 Feb 2020 21:35:34 +0000

Не би го коментирал ставот на тој господин. Мислам дека текстот е напишан од неговиот претседател, аболицираниот политичар Зоран Заев кој како што слушнавме финансирал медиум, бил запознаен со злоупотреба на партиска моќ, рече лидерот на ВМРО-ДПМНЕ на гостувањето на телевизија Алфа говорејќи за фејсбук на статусот на Љупчо Николовски од СДСМ кој меѓудругото вели „.... постои реална можност ние да направиме ново парламентарно мнозинство, а потоа и нова стабилна влада која ќе организира редовни парламентарни избори“. Според лидерот на ВМРО-ДПМНЕ, Мицкоски, ова говори дека стравот е голем. -Јасна е намерата на СДСМ, на Зоран Заев да ги одложи изборите или на насилен начин да ги постигнува работите, рече Мицкоски.

„Го оставивте детето да ми умре, а Дарко Лазиќ е важен бидејќи е познат“ – статус на револтирана мајка ја крена Србија на нозе

Ивона Петрова — Mon, 12 Nov 2018 09:21:15 +0000

Мајката на две годишната Наѓа Петровиќ од Крагујевац која почина во април годинава, откако била заразена од морбили бидејќи докторите ја ставиле во иста соба со заболено дете, напиша статус на Фејсбук, а кој се однесува на, како што вели различниот третман кон пациентите. Девојчето примило ММR вакцина, иако докторите знаеле дека поради својата автопумина болест не смее да ја прими. -Нека бидам бесчувстителна, нека бидам одвртна, и не не го жалам ни најмалку, го жалам моето дете кое не доби нега како него. Како тоа Дарко Лазиќ да има посета на интезивна нега 10 пати дневно??? Човек од 40 години кој не е животно загрозен и кој се лекува без здравствено осигурување. А мене знаевте да ми барате аванс од 5.000 евра затоа што книшката не и беше заверена. Јас Наѓа можев да ја посетам само една дневно, а кога умираше дури два пати во текот на денот. Дете од две години, државо. Државо срами се. Тој имаше повеќе конзилиуми за овие 15 дена, отколку Наѓа за 3 месеци. Носите експерти од сите страни за нековиот колк кој е скршен бидејќи е наркоман кој возел дрогиран и истиот му го врадувате, а останатите помлади од него во болки чекаат на тој колк по пет години, напишала мајката на социјалните мрежи. Мајката била нападната со негативни коментари на социјалните мрежи, по што морала да се огради. -Да разјасниме некои работи. Објавата која ја напишав за Дарко Лазиќ не ја напишав бидејќи му посакувам зло, далеку од тоа. Тој не е виновен што Наѓа умре. Ја напишав бидејќи сакам сите да имаат ист третман, посочува мајката на починатото девојче.

Статус за Влатко кој го кине срцето: Собери ги сите твои омилени музичари и направете концерт таму горе, нека грми нека истура, да се исплачеме на раат

Ивона Петрова — Sun, 08 Jul 2018 10:27:06 +0000

Не стивнуваат коментарите на социјалните мрежи по смртта на македонскиот пејач Влатко Илиевски, кој денес е погребан. Шок, тага и неверување. Обожавателите, почитувачите, пријателите, соработниците изразуваат сочувство по смртта на 33 годишниот пејач кој во 2011 ја претставуваше Македонија на Евровизија. -Почивај во мир Влатко. Прерано ти ги отворија небеските порти, ама бидејќи за жал веќе си во небесата те замолувам кога веќе си заедно со твоите омилени музичари, најди ги и собери ги, најди го Тоше и сите заедно направете концерт. Нека грми, нека има молњи, нека врне истура, да ги има сите сценски ефекти за да уживаме во концертот, но и да се исплачеме на раат, гласи еден од коментарите кој многумина не остави рамнодушни.

Елена Ристеска шокирана по смртта на Влатко: Вчера ми пиша да го снимиме дуетот, а денес веќе го нема (ФОТО)

Дарко Андоновски — Sat, 07 Jul 2018 14:38:22 +0000

Откако денеска се простија многу естрадни колеги од прерано починатиот Влатко Илиевски, со свој статус се емотивно се збогува и Елена Ристеска, во продолжение ви го пренесуваме во целост. -Слушам и неможам да верувам, читам и шокирана сум до бескрај... Што да напишам? Што да кажам? Боли кога ќе згасне млад живот, посебно уметничка душа обожавана од сите и од колегите. Знаевме да се скараме, знаеше да се нашали, не бевме најблиски ама се почитувавме. Не ми се верува дека вчера околу ручек ми пиша да направиме дует за “Усни како темно мастило” што требаше да го направиме одамна, а денес веќе го нема! На следната слика ја ставив пораката. Некогаш не разбирам зошто Бог ги зема ваквите луѓе, но верувам дека сега таму кадешто е, посреќен е... Почивај во мир, поздрави го Тоше и татко ми, еден ден таму некаде ќе си пееме и ќе си го испееме и дуетот, стои во статусот на пејачката Елена Ристеска.

Се огласи претепаното момче во Мичурин

Ивона Петрова — Thu, 05 Apr 2018 14:10:38 +0000

Дваесет и три годишниот Дејан Ц. на социјалните мрежи објавува дека вчера бил физички нападнат во близина на Транспортниот центар од поголема група на лица. Како што пишува момчето му биле нанесени тешки повреди затоа што бил Македонец. -На ден 04.04.2018 (среда) ме пресретнаа 10-15 непознати Албанци и буквално ме претепаа во близина на Транспортниот центар во Скопје, притоа нанесувајќи ми тешки телесни повреди затоа што сум бил - Македонец. Сум можел да поминам и многу полошо, ми кажаа полициските службеници. Не е тоа проблемот, мене други прашања ме загрижуваат. Дали мене ми се ограничува слободата како нормален граѓанин на оваа (не)нормална држава? Дали ми се ограничува слободата на движење? Дали ми се ограничува начинот на изразување? Дали ми се ограничува тоа која националност ќе бидам и кои ќе бидат последиците..., прашува младото момче во статусот објавен на неговиот Фејсбук профил. Дејан прашува кој треба да биде неговиот одговор на прашањето дали е Македонец и Албанец? -Дали сограѓани Албанци планирате вака да градиме соживот во Македонија? Дали наместо добри реформи за да ја турнеме оваа мизерна земја напред, планирате да си удираме ќотек меѓусебе постојано? Не ме загрижува фактот за последиците од повредите кои ми беа нанесени, ќе поминат истите, порано или подоцна, но ќе остане еден црн белег, кој ќе ме потсетува на еден немил настан во животот и на нашето лошо општество кое владее.. Не е ниту тоа важно. Не сум единствен претепан, не сум ниту прв, но се надевам дека ќе бидам последен. Сакав да ги прашам родителите на насилниците Албанци. Како би се чувствувале вие, ако 15 луѓе се соберат и го претепаат до смрт вашето дете? Што ќе превземете? Како и да е..., пишува Дејан. Уште една порака до сограѓаните кои решија токму мене да ме изберат како жртва на денот. Ве знам сите како изгледате, а очигледно и каде учите... Сепак, конфликтот кои вие го создадовте, јас нема да го решавам на ист, нецивилизиран начин како вас, туку ќе изнајдеме компромис преку судски процес, стои во статусот на момчето. Од Министерството за внатрешни работи во денешниот билтен е објавено дека околу 18.30 часот е пријавено е дека во парк на улица “Анастас Митрев“ во Скопје, поголема група непознати лица (на возраст од 16 до 18 години) физички го нападнале Д.Ц.(23). Од полицијата информираат дека се преземаат мерки за пронаоѓање на лицата и расчистување на случајот.