став – Kurir.mk

ДУИ денеска ќе излезе со став за ставањето на Мерко на црната листа на САД

Тале Кристо — Thu, 22 Jun 2023 09:22:09 +0000

Демократската унија за интеграциии (ДУИ) денеска ќе се изјасни во однос на ставањето на градоначалникот на Струга, Рамиз Мерко на црната листа на САД. Министерот за финансии Фатмир Бесими, кој доаѓа од оваа партија, која е дел од владината коалиција, изјави дека од партијата ќе има став и изјава во однос на тоа. -И таму во однос на тоа во програмата е ветингот и воопшто во земјата ќе имате став од партијата, рече Бесими. Тој не сакаше да одговори како тој гледа на оваа ситуција и ставањето на Мерко на црната листа. -Ме прашувате за политичко и за партиско прашање. Тоа ќе го добиете денеска во текот на денот од партијата, рече Бесими, кој беше на конференција во МАНУ. Вицепремиерот за европски прашања Бојан Маричиќ смета дека е добро да се позанимаваме со случајот со Мерко и нашите институции. -Секој сигнал од нашиот стратешки партнер треба сериозно да се зема предвид. А околу политичките чекори и натамошните институционални чекори треба да каже секако политичката партија на која и припаѓа гоисподинот Мерко и надлежните институции, рече Маричиќ.

Мицкоски со идентитечен став со САД за судирите во Израел и појасот Газа

Тале Кристо — Sat, 15 May 2021 08:21:29 +0000

Фејсбук статус на лидерот на ВМРО-ДПМНЕ Христијан Мицкоски за случувањата на блискиот исток, појасот Газа и Израел ги разбранува страстите на социјалните мрежи. Се јавија радикални исламистички групации кои упатија закани до Мицкоски поради искажаниот став дека конфликтот треба да се реши, но и дека Израел има право да се брани кога е нападната од надворешна сила како терористичката Хамас. Впрочем оние што ги пратат меѓународните збиднувања знаат дека ова е речиси идентитечен став со надворешната политика на САД и официјален Вашингтон во однос на овој конфликт. Американскиот претседател Џо Бајден, по телефонски разговор со израелскиот премиер Бенјамин Нетанјаху пред еден ден, изрази разбирање за реакцијата на Израел по ракетните напади од Хамас. „Моите очекувања и надежи се ова наскоро да заврши. Израел има право да се брани кога на негова територија стигнуваат илјадници ракети“, изјави Бајден по извршениот телефонски разговор со израелскиот премиер Бенјамин Нетанјаху. Владата на Бајден изрази претходно загриженост и ги повика двете страни во конфликтот на итна деескалација. Американскиот министер за надворешни работи Ентони Блинкен му дал налог на својот специјален претставник Хади Амр да отпатува во регионот на средба со претставници на двете конфликтни страни. Блинкен најостро ги осуди ракетните напади извршени од „терористичката организација Хамас“ од Појасот Газа врз израелски цивили. Од ВМРО-ДПМНЕ велат дека изјавата на претседателот на ВМРО ДПМНЕ Христијан Мицкоски не се однесува кон палестинскиот народ, ниту пак кон муслиманите, или пак арапскиот народ. Тој се однесува кон правото на држава пријател на Македонија да ја заштити својата територија кога истата е нападната и гранатирана од паравоена формација. Денес во Израел губат животи за жал подеднакво и муслимани, и евреи и христијани. Водедно и оваа прилика апелираме на прекин на огнот, наоѓање на заедничко решение и смирување на тензиите и насилствата, велат од ВМРО-ДПМНЕ. Од друга страна од МВР молчат за радикални екстремистички елементи, и говор на омраза кој беше насочен од центри на моќ кои работат во спротивност со стратешките интереси на државава и на нашите стратешки партнери. Запрепастува молкот од МВР кој не реагира и постапкува во насока на истражување на таквите закани и нивно санкционирање согласно важечките прописи. Истото тоа министерството на Спасовски кое го тресат изминатиов период силни скандало беше тоа кое го повлече и обезбедувањето на Мицкоски. Инаку минатиот понеделник тензиите ќе експлодираат по повод Jerusalem Day, денот кога Евреите го слават обединувањето на Ерусалим после војната од 1967 година. Хамас почнува да реагира на судирите со лансирање на ракети врз Ерусалим и Тел Авив додека израелската војска ќе возврати со бомбардирање на Појасот Газа. Израелските ракетни напади врз Газа досега оставија најмалку 67 жртви, од кои 17 деца. Околу 400 се повредени. Милитантите од Газа лансираа повеќе од 1.000 ракети кон Израел од почетокот на нападите во понеделникот попладне, при што беа повредени над 200 израелски цивили и убиени седум жртви.

Ослободете се од овие работи: Минатото не можеме да го промениме, но сегашноста зависи од нас

Ивана Ефремовски — Fri, 15 Jan 2021 14:32:42 +0000

Секојдневно се бориме да бидеме среќни, но и го носиме товарот на лошите навики кои често не ги ни приметуваме дека постојат во нашите животи. За да ја задржиме позитивната енергија која ни е важна за да бидеме среќни и исполнети, мораме да се ослободиме од некои работи кои се сигурна причина за несреќа. Ова се 3 од нив. Постојана борба за совршенство Совршена работа, брак, семејство, лице и тело, куќа, автомобил... тоа се цели за кои постојано копнееме, но кои не постојат бидејќи она што за една личност е бисер, за друга е кал. Важно е нешто да ни помага да бидеме среќни и важно е да научиме да бидеме задоволни со тоа што го имаме, без постојано да се трудиме да имаме повеќе. Тоа се однесува и на материјалните, но и нематеријалните работи во нашиот живот. Негативен став Негативниот став нема да ни помогне да отидеме предалеку. Нашите животи се преполни со негативни случувања и ситуации кои често не можеме да ги избегнеме, но важно е како гледаме на нив. Ако имаме негативен став кон сите нешта околу нас, тогаш како би ги забележале и оние убави работи што ни се случуваат. Затоа, вдишете и издишете и повторете го тоа неколку пати. Негативното размислување не ви е потребно. Живот во минатото Постојаното навраќање на некои нешта кои се случиле и нивното идеализирање нема да ни помогне да имаме среќна сегашност. За да бидеме среќни, потребно е да го оставиме минатото позади нас и да уживаме во сегашниот момент, но и во тоа што доаѓа пред нас. Минатото не можеме да го промениме, но сегашноста зависи од нас.

Врие во СДСМ, се јави Бранко – го замрзнува членството во СДСМ, свикување на ЦО на партијата

Магдалена Андонова — Thu, 26 Nov 2020 13:42:20 +0000

Бранко Црвенковски, поранешниот Претседател на Република Македонија, основач и долгогодишен претседател на СДСМ, упати јавно обраќање до раководството и до членовите на СДСМ. Го објавуваме во целост: „Почитувани сопартијци, Во изминативе 7 години решив да не бидам на било каков начин присутен во политичката јавност во Македонија. За таквото однесување имав повеќе причини, а во оваа прилика ќе ги споменам двете најголеми. Додека СДСМ беше во опозиција и водеше тешка битка со режимот, не сакав на било кој начин да давам дополнителен повод за напади кон раководството на СДСМ, дека се мои марионети или дека спроведуваат политики под мое влијание. Сакав партијата да биде ослободена од било какво бреме од претходните владеења на СДСМ со државата. Во периодот после формирањето на Владата на чело со СДСМ, не излегов во јавноста, за да не се доведам во ситуација да се конфронтирам или јавно да критикувам некои политики и постапки на мојата партија. А такви ситуации имаше во повеќе наврати. Таквиот мој став ќе продолжеше и во иднина, ако не се случеше скандалозното интервју на Премиерот и Претседател на нашата партија, Зоран Заев. Ставовите и тезите искажани во тоа интервју предизвикаа и ќе предизвикуваат тешки и долгорочни последици за македонскиот народ и македонската држава. Направена е огромна и непоправлива штета. Она што може и мора да се направи е да се стави јасно на знаење дека ставовите на Заев не се ниту ставови на целата Влада, ниту на целиот државен врв. Се обраќам до вас, почитувани сопартијци, за да ви укажам на посебната одговорност што ја има нашата партија. Зоран Заев е претседател на СДСМ и наша е задачата да ја намалиме штетата колку што е можно повеќе. Ако нема никаква реакција, ставовите на Заев ќе станат ставови застапувани од целиот СДСМ, а бидете убедени тоа ќе има катастрофални последици по партијата и што е уште полошо по државата. Реакциите на пооделни видни членови во медиумите и на социјалните мрежи се добредојдени, но не и доволни. Затоа, почитувани мои сопартијци, повикувам под итно да се свика Централниот одбор на партијата и на таа седница да се донесе заклучок дека искажаните ставови на Заев не се ставови ниту на ЦО ниту на СДСМ во целина. Да се реафирмираат уште еднаш ставовите на СДСМ за македонскиот национален идентитет, македонскиот јазик, македонската историја, карактерот на антифашистичката борба и АСНОМ. Почитувањето и спроведувањето на таквите заклучоци да биде задолжително и без релативизрање за секој член на раководството на партијата и секој државен функционер предложен од СДСМ. Почитувани сопартијци, До одржувањето на таква седница на ЦО, јас, Бранко Црвенковски, основач и долгогодишен претседател на СДСМ, го замрзнувам моето членство во Социјалдемократскиот сојуз на Македонија. Со другарски поздрав, Бранко Црвенковски“ Извор: ПЛУСИНФО

Став на просветниот инспектор Илиевски: Детските права, нивен правилен раст и развој

Тале Кристо — Fri, 16 Oct 2020 11:51:08 +0000

Со задоцнувањето на учебната година, може да се констатира дека македонскиот образовен систем не успева да одговори на предизвиците што ги донесе пандемијата од корона вирусот. Имено, оправдани се реакциите на учениците со реализирањето на наставата преку далечинско учење,истотака и реакциите на наставниците со реализирањето на таа настава, со паѓање на интернетот,како и немање сопствени комјутери или лаптопи, па се снаоѓаат како знаат и умеат. Иако за сето тоа знаат директорите, како што велат наставниците, тие се принудени да молчат и несмеат да проговорат, бидејќи ке им забележеле градоначалниците, како и тоа дека отворено добивале забелешки од страна на министерот за образование и наука. Им се претело со губење на директорското место. Дека состојбата во македонскиот образовен систем не е во состојба да одговори на предизвиците од пандемијата, најдобар доказ за тоа што во недоглед се пролонгира организирањето на продолжен престој за учениците што посетуваат настава со физичко присуство. Иако Владата уште од 29 септември одобри продолжен престој, ретки се училиштата во кои се згрижуваат деца по часовите. Поради ваквата какофонија (лудорија) голем број родители се доведени во незавидна состојба. Како што велат родителите, тие се принудени да вложуваат натчовечки напори да им посветат внимание на своите деца и истовремено да ги исполнат работните обврски. За ова Министерството за образование и наука(МОН) се оградува од овој проблем и одговорноста ја префрла на локалната самоуправа. Зошто нема продолжен престој самото ова го отсликува хаосот што владее во образованието. Имено, дел од нив се подготвуваат, некои потенцираат дека немаат услови за продолжен престој, а некои чекаат инструкции од извршната власт. Од реакциите на родителите, ќе издвојам само еден пример: Самохрана мајка од Куманово која има три деца на возраст од 8, 6 и 4 години. Работи во приватен сектор, целото семејство зависи од нејзината плата, а децата мора да ги разнесува по градот во различни термини „ Станувам во 5,30 часот наутро. Ги подготвувам сите за излегување, подготвувам ужинки за двајцата ученици. Најмалото дете го оставам во градинка во 6.45, па го носам другото кое почнува во училиште во 7.30 часот и најдоцна до 10 или 10.30 часот. Најголемото почнува во 10 часот, ама на друг крај на градот. И јас се прашувам како стигнувам. Работам само утринска смена и се извинувам, и се извинувам постојано, по сто пати на ден. Не знам до кога ќе ме трпат газдите, вели родителката...“. Вакви и слични примери има и други. Од МОН незнаат да одговорат, топката ја префрлаат кон локалната самоуправа и до училиштата. Иста е состојбата и во други градови. Да ги потсетам овие министеркиве од образование и наука и од труд и социјална политика (имињата не им ги знам). Не е само да штракате како празни воденици без суштинска содржина. Ако не знаете, а не знаете, обврска е ваша и на вашите советници ако ги имате дека Конвенцијата за правата на детето како меѓународен документ ја задолжува нашата држава Македонија, како потписник да ја почитува и вградува во постојната легислатива, а пред се: Уставот, Законот за заштита на децата, Законот за семејство, Законот за основно и средно образование и слично.Да ви објаснам штракаталки затоа што не знаете, вредностите, правата и должностите, во однос на заштитата на правата на детето се дефинирани во Уставот на Македонија, кој ги одразува извонредните напори од страна на законодавците да ги вклучат општите права и потреби од заштита на семејството и децата. Според одредбите од Уставот на Македонија е социјална држава и како таква има законска обврска да обезбеди социјална грижа и заштита особено за социјално исклучените групи. Исто така, според одредбите „ семејството во нужда, мајките и децата, децата без родителска грижа имаат право на социјална грижа и заштита од страна на државата“. Ова беше од Уставот, за законите министерки седнете прочитај те, вие и вашите советници. А не само да штракате-без содржина. Во ова прилика реагирам до Уницеф во Македонија кои ги третираат детските права да се отрезнат од дебелите фотељи и да се одважат и ги согледаат реалните состојби и потреби на децата и родителите. Овде ги повикувам и невладиниот сектор Меѓаши-Првата детска амбасада во Македонија, кои ги третираат прашања од областа на детските права да се одважат и да го кренат својот глас за ваквата дискриминација која постои во Македонија, а согласно Уставот на Македонија е социјална и хуманистичко општество. Ама по се изгледа само декларативно. Ова е уште еден доказ дека нашите институции немаат стратегија задетските права, нивен правилен раст и развој. Пишува: Ѓорѓи Илиевски Виш просветен инспектор

Став на ВМРО-ДПМНЕ во врска со образовниот процес и Ковид-19 пандемијата

Ивона Петрова — Mon, 17 Aug 2020 11:04:01 +0000

Точно 15 дена до законскиот почеток на учебната година. Министерството за здравство во хаос и со контрадиктори изјави, а Министерството за образование и наука без прецизни одговори на бројните предизвици, со спротивни ставови на Комисијата за заразни болести и Министерството за здравство. Владата е без одлука за типот и начинот за изведување на наставата. Почетокот на учебната година ја одложува поради тоа што нема законска одредба за учење на далечина, а врз основа на која закнска одредба воопшто се одложува почетокот на учебната година?, прашуваат од ВМРО-ДПМНЕ. Од партијата велат дека дури и да прифатат дека одложувањето на почетокот сега е оправдано, прашуваат што мислеше Владата по појавата на пандемијата, пред распуштање на Собранието за образованието во државата? Зошто тогаш не го сменија законот кога според сознанијата од Вухан и Италија беше сосема јасно дека наставата ќе мора да продолжи на далечина. Изборите ли беа поважни од тоа? -Постојано сме обвинувани дека не сме кооперативни. Во повеќе наврати, преку пресови, соопштенија и објави на фејсбук од јуни до почетокот на август презентиравме цел план за отпочнување на учебната година. Предложивме 3 модули: физички, комбиниран и онлајн. Кажавме кој каде треба да се применува и како. Задоволни сме што планот во целост е прифатен и немаме ништо против што е присвоен. За децата станува збор. Проблемот е што Владата нема смелост да го имплементира и што нема смелост да ја превземете одговорноста. Потсетуваме: Физичка настава може да има во средини каде што нема Ковид-19 или има изолирани случаи. Комбинирана настава може да има во средно ризични подрачја со најмногу 15 ученици во клас, со превземени сите мерки за безбедност. Онлајн настава треба да има во средините со висок ризик. Комбинираната настава треба да се одвива со ротација на учениците на 2 недели, 2 недели физичко присуство, 2 недели онлајн, физичкото присуство во една училница, без кабинетска настава. Доколку часот трае повеќе од 20 минути треба да се предвидат дополнителни средства од буџетот за да се плати прекувремената настава на наставниците. Скратени часови се неопходни за работа на училиштата во повеќе смени. Материјалите треба да бидат снимени и поставени на унифицирана платформа. За оние што ќе учат само онлајн треба да се обезбеди скратена програма, се вели во соопштението на ВМРО-ДПМНЕ.

За полицискиот час владата го прифати ставот на Чулев

Тале Кристо — Tue, 28 Apr 2020 17:35:40 +0000

За време на продолжениот викенд што следи Владата денес одлучи полицискиот час за време на викендот да важи секој ден од 14 часот. Со ова според информациите натежнал ставот на Чулев кој сметаше дека граѓаните се дисциплинирани и заслужваат пофлексибилен полициски час, за сметка на ставот на Филипче кој сметаше дека полицискиот час треба да започне од четврток од 19 часот и да трае до понеделник до 5 часот. Неофицијално во владата постои сериозно незадоволство што при носењето на финалната одлука Премиерот Оливер Спасовски, но и поголемиот дел од министрите во владата го прифатиле гледиштетот на Чулев. Инаку Чулев во својата вчерашна објави на социјалните мрежи напиша дека граѓаните се совесни и размуми и свесни за ризикот од заразата со Covid19. Додека Министерот Филипче својот став го изнесе на прес конференција, при што нагласи дека ќе инсистира на донесување поригоризни мерки.

Мицевски: Нашиот став за Законот за одбрана е јасен и непроменет

Тале Кристо — Fri, 24 Jan 2020 14:44:53 +0000

Координаторот на пратеничката група на ВМРО-ДПМНЕ Никола Мицевски денеска истакна дека нивниот став во однос на членството на НАТО и Законот за одбрана е непроменет и јасен. – Не можеме да прифатиме обезличување на Армијата на Република Македонија, нешто што никој не го бара од нас. Впрочем поради таа работа ние поднесовме идентичен закон, тој што е отфрлен од страна на власта и во кој што единствена разлика беше непромената на името на Република Македонија, рече Мицевски, како одговор на прес-конференцијата на пратеникот Хари Локвенец од СДСМ. ВМРО-ДПМНЕ, потсети тој, ниту го поддржа Преспанскиот договор, ниту ги гласаше уставните измени, па така нема да гласа ниту за промена на името на Армијата.

САД го омекнуваат ставот за израелските населби

Тале Кристо — Mon, 18 Nov 2019 19:57:45 +0000

Американскиот државен секретар Мајк Помпео планира да објави дека САД го омекнуваат ставот за изградба на израелски населби во окупираниот Западен Брег, јавија американските медиуми. Се очекува Помпео да го отфрли правното мислење на Стејт департментот од 1978 година според кое изградбата на населби на окупираните територии не е во согласност со меѓународното право. Нацртот на неговата изјава, во имале увид некои американски медиуми, покажува дека администрацијата на Трамп смета дека правните прашања за населбите се прашања на израелските судови. – Тешката вистина е дека никогаш нема да има правно решение за конфликтот и оти аргументите за тоа кој е во право а кој греши, како прашање од меѓународното право, нема да донесе мир, вели Помпео во обраќање кое ќе го одржи подоцна.

Кој е најмоќниот став на светот?

Ристе Здравков — Mon, 10 Sep 2018 19:21:35 +0000

Сигурно понекогаш се прашувате во што е тајната на среќата. Можеби ќе ви звучи премногу едноставно, но тајната на среќата се наоѓа во благодарноста и сегашниот момент. Среќата е сега, овде, баш во овој момент додека ги читате овие редови, не е вчера, не е утре. Среќата секогаш е во сегашниот момент, а тој чист момент на радост ни ја враќа благодарноста. Благодарноста е поснажна од какви било молитви и молења. Во моментот на благодарноста вие сте во сегашноста, вие сте благодарни на она што ви е дадено во животот, благодарни сте за здравјето, семејството, љубовта... Што и да сакате да остварите, постигнете и стекнете, не може да го направите без помош на Бог, универзумот или како и да ја нарекувате таа енергија. Некој има кажано дека животот е бумеранг. Се прашувате што значи тоа. Во светите книги стои дека Бог ни дал слободна волја, а тоа подразбира дека вие секојдневно правите избор и секојдневни одлуки за себе. Сега, во овој момент, вие имате избор: Дали ќе изберете среќа и благодарност или нема да го направите тоа. Животот функционира како бумеранг, па ако сте благодарни, ќе имате повеќе причини за да бидете благодарни и обратно. Одлуката е ваша. Човекот не се раѓа со развиени навики, тој ги стекнува и гради во текот на животот и затоа не смее да постојат изговори дека нешто не можете, затоа што всушност вие сте тие кои сте заслужни за сопствената моментална ситуација и за одлуките кои ги правите. Научени сме да бидеме наблагодарни, да очекуваме од другите да го средат нашиот живот, па постојано слушаме работи од типот дека државата треба да ни даде нешто, родителите треба да ни купат нешто, итн. Многу од тие прашања се оправдани, но тој начин на размислување нема да ни помогне, напротив ќе донесе само повеќе штета. Животот ни го враќа она што му го даваме, ако даваме незадоволство, безволност и мрзливост, тоа и ќе го добиеме за возврат и цело време така во круг. Од тој маѓепсан круг можеме да излеземе само со свесна одлука, а одлука е следна: Сакам да напредувам, сакам да бидам среќен/среќна, затоа ќе го ценам она што моментално го имам, па ќе имам уште повеќе причини за радост и среќа. Во една од своите проповеди, Исус вели: „Сѐ ќе биде според твојата вера“. Токму оваа мисла длабоко навлегува во суштината на животот и ја открива тајната на среќата