Ставре Јада – Kurir.mk

Јада последен на крос-кантри маратонот, победник Бољшунов од Русија

Ивона Петрова — Sat, 19 Feb 2022 09:22:32 +0000

Македонскиот нордиски скијач Ставре Јада го освои последното, 56. место на денешниот маратон на Олимпијадата во Пекинг. Јада патеката која од 50 беше скратена на 28 километри, ја мина со време 1:25:41.8 час, односно 14 минути заостанување зад победникот Александар Бољшунов од Русија. Рускиот скијач до златото дојде со време 1:11:32.7 час. Тој освои медали на сите олимписки трки на кои учествуваше. Има четири медали на Олимписките игри во Пјонгчанг: бронза во спринт и сребро во штафетата, екипен спринт и маратон. На Игрите во Пекинг, Бољшунов има злато во скиатлон, штафета, маратон, сребро во класично трчање и бронза во екипен спринт. Второто место го зазеде уште еден Русин, Иван Јакимушкин, кој заостана 5,5 секунди зад сонародникот, додека трет беше Норвежанецот Симен Кругер со заостанување од седум секунди. Русија со шест златни медали се искачи на 8. место во поредокот на земјите медалисти на ЗОИ 2022.

Ставре Јада на 86 место од 88 натпреварувачи во квалификациите на 1,5 км

Ивона Петрова — Tue, 08 Feb 2022 10:35:45 +0000

Македонскиот репрезентативец, Ставре Јада во конкуренција на 90 натпреварувачи од кои 88 настапија во квалификациите во Крос-кантри спринтот на 1,5 километри го освои 86 место. Јада во квалификациите оствари време од 1:34:8 што беше доволно за да има подобар резултат од Тавк од Либан и Кинтана од Колумбија. -Во останатиот период тој ќе продолжи да се подготвува за неговата втора и последна трка, која на програмата на ЗОИ е на 19-ти февруари, посочија од МОК.

Ставре Јада последен во трката на 10 километри

Бошко Тасиќ — Fri, 12 Feb 2021 18:20:58 +0000

Македонскиот репрезентативец Ставре Јада го освои последното место на трката на 10 километри на Светското првенство во биатлон што се одржува во Покљука. Нашиот биатлонец во конкуренција на 104 натпреварувачи заврши последен со осум минути и 15 секунди послабо време од победникот Мартин Понсилума од Шведска. Среброто му припадна на Симон Дестио од Франција, кој имаше за 12 секунди и 10 десеттинки заостанување зад победникот додека бронзениот медал го освои неговиот сонародник Емилиен Жаклелин.

Јада на 99-то место во крос-кантри

Ивана Ефремовски — Fri, 16 Feb 2018 09:44:46 +0000

Ставре Јада го освои 99.место во крос-кантри трката на 15 километри на Зимските олимписки игри во Пјонгчанг. Златото на оваа трка му припадна на Швајцарецот Дарио Колоња, кој стана првиот крос-кантри скијач кој освоил три златни медали во оваа дисциплина. Јада малку го поправи впечатокот во својот вто настап на ЗОИ во Пјонгчанг. Откако во спринтот на 1,4 километри беше последен од оние кои стигнаа на целта, во трката на 15 километри тој заврши на 99.место. Траката ја стратуваа 119 скијачи, а на целта пристигнаа 114. Јада оствари време 42:14.4 минути што му беше доволно за 99. позиција.

Ставре Јада последен во квалификациите на спринтот

Ивона Петрова — Tue, 13 Feb 2018 10:22:11 +0000

Симболичен беше денешниот настап на Ставре Јада, првиот Македонец кој се појави на Зимската олимпијада во Пјонгјанг. Јада се појави на стартот на квалификациската трка спринт класично на 1,4 км. и заврши на 80.место. Македонецот на целта стигна со време 4:23.85 минути, односно 1:15.31 минута побавно од првопласираниот. Најдобро време во квалификациите оствари Ристомати Хакола – 3:08.54 минути. Пласман во следната фаза обезбедија најдобрите 30 спринтери.

Ставре Јада го развиори македонското знаме на отворањето на ЗОИ

Ивона Петрова — Fri, 09 Feb 2018 13:15:15 +0000

Ставре Јада, еден од тројцата македонски олимпијци кои ја претставуваат Македонија на Зимските олимписки игри (ЗОИ) кои се отворени денеска во Пјонјанг, го развиори македонското знаме на свеченото дефиле. Македонија на Игрите во Пјонгјанг ќе ја претставуваат тројца спортисти. Ставре Јада, Антонио Ристевски и Викторија Тодоровска се спортистите во црвено-жолто кои ја бранат честа на нашиот спорт на ЗОИ. – Не можеме да ја скриеме возбудата од учеството на најголемиот спортски настан. Веруваме дека нема да ја разочараме Македонија, а искрено од срце ќе се обидеме достоинствено да ја браниме македонската спортска чест – вели Ставре Јада, кој со штотуку наполнети 18 години беше знаменосец на церемонијата на свеченото отворање.

Ставре Јада ќе го носи македонското знаме на ЗОИ во Пјонгчанг

Ивона Петрова — Mon, 05 Feb 2018 15:06:32 +0000

Скијачот во нордиски дисциплини, Ставре Јада ќе го носи македонското знаме на Свеченото отворање на Зимските олимписки игри. Покрај Јада, Македонија на Олимпијадата во Пјонгчанг ќе ја претставуваат Антонио Ристевски (алпско скијање) и Викторија Тодоровска (крос кантри). Македонските репрезентативци денеска беа примени од претседателот на Македонскиот олимписки комитет, Васил Тупурковски, кој им даде поддршка и најави подобри услови за натпреварувачите во зимските спортови. - Ќе се обидеме да издејствуваме подобрување на условите за работа на овие спортисти, поголеми вложувања и подобрена инфраструктура Дури потоа може да се бара подобри резултати. Нашата репрезентација ја има поддршката од МОК. Репрезентативците располагаат со квалитет кој не треба да се потценува. Во среда на средба со државниот врв ќе се обидеме да најдеме решенија за проблемите со кои се соочува спортот кај нас, изјави Тупурковски. Зимските олимписки игри во Пјонгчанг, Јужна Кореја ќе се одржат од 9 до 25 февруари.