стечајци – Kurir.mk

ВИДЕО: Координаторот на стечајците открива како биле излажани за да излезат на протести

Ивона Петрова — Sun, 12 Jul 2020 09:13:50 +0000

Ова е Васил Камчев од Кавадарци, координатор на стечајците. Васил раскажува како биле излажани за да излезат на протести во 2016 и што се лажно им било ветувано, стои во описот на видеото кое кружи на социјалните мрежи. Камчев воедно е еден од оние кои револтирани од лагите на СДСМ, за кои како што вели се ненародна партија, ја запали партиската книшка.

Стечајците од ОХИС и денеска протестираа пред Влада: Го бараме само она што е наше и заработено

Катерина Бојаџиева — Tue, 14 May 2019 12:00:44 +0000

Поранешни вработени во АД ОХИС, кој е во стечај, денеска пред Владата повторно протестираа и ги бараа неисплатените плати и придонеси за кои чесно работеле. Како што најавија, тие по најмалку два дена во неделата, вторник и петок, пред македонската влада од надлежните ќе бараат решение кое веќе неколку пати им било ветено. Како што истакнаа дел од нив за порталот „Република“ во петокот, како чесни работници го бараат само она што е нивно и заработено, а меѓу нив има луѓе кои се со неиплатени 24 плати и придонеси.

ВМРО-ДПМНЕ: Додека Царовска се слика, над 7000 стечајци се борат за својата егзистенција

Ивана Ефремовски — Wed, 28 Feb 2018 18:02:01 +0000

Министерството за труд и социјална политика предводено од Мила Царовска пука по сите линии и не успева да одговори на потребите на граѓаните и обврските што ги има, реагираат од ВМРО-ДПМНЕ. -Изневерени се очекувањата на пензионерите кои се надеваа дека ќе продолжи зголемувањето на пензиите започнато од страна на владата на ВМРО-ДПМНЕ. Малолетни девојчиња се силуваат по домовите, а изманипулирани се и стечајните работници. Над 7000 стечајни работници остануваат надвор од законскиот опфат. Додека Царовска се слика на владини пресконференции над 7000 стечајци се борат за својата егзистенција. СДСМ и Царовска од опозиција ветуваа експресно и целосно решавање на статусот на стечајните работници, за сега повеќе од 60% од стечајците да останат надвор од регулација со законот кој денес го најавија, се наведува во партиското соопштение. Од ВМРО-ДПМНЕ велат дека од поднесени над 12.000 барања, власта првично опфати едвај 2500. Стечајците чекаат СДСМ да ги исполни своите ветувања, порачуваат од ВМРО-ДПМНЕ,

Стечајците изиграни од СДСМ

Ивана Ефремовски — Wed, 21 Feb 2018 11:40:47 +0000

Новиот закон што го донесе СДСМ за стечајците доживеа вистинска катастрофа. Од 1600 стечајци колку што ги има во Агенцијата за вработување, а се од Куманово, само 54 од нив добиле решенија за надомест.

Новиот закон предвидуваше невработените лица од матичната приватизација која се случи токму во времето на СДСМ да бидат материјално обезбедени, но тоа се покажа како уште една голема лага на оваа власт. Дури и лидерката на стечајците и голем подржувач на СДСМ, Лилјана Георгиевски која воедно е координатор од сите градови, остана изиграна со ова законско решение. Таа во изјава за порталот „Сакам да кажам“ вели дека укажувања кои ги имало здружението на стечајци, не биле прифатени од Министерството за труд и социјална политика.

-И покрај нашите сугерирања дека во Куманово повторно ќе бидат опфатени многу мал дел на работници, бидејќи ги знаеме состојбите во фирмите, од некои само за нив познати причини, во Министерството за труд и социјална политика не нè послушаа. Се потврди народната дека треба да послуша паталец, а не гаталец. Да се прифатеа нашите укажувања, тогаш немаше да дојде до ова одолговлекувања и караници меѓу стечајците. Стечајците во Куманово поминаа катастрофално, разочарани се и се чувствуваат изиграно, изјави Георгиевска.

Георгиевска додава дека стечајците уште еднаш се изиграни, па дури и има најава дека повторно ќе излезат на улица да си ги побараат нивните права, поради лошата и неодговорна администрација.

Куманово беше еден од градовите со најголема индустрија во Македонија, но СДСМ со матната приватизација го доведе овој град на работ на преживување. Пропаднаа фирми кои вработуваа илјадници граѓани на Куманово како: Водостопанство, ДИ-ЕР, Монопол, ЧИК, ЗИК, Киро Фетак, Полет, Трготекстил, Искра, Лимарско и други.

СДСМ во предизборниот период им ветуваше на стечајците дека нивниот проблем ќе биде решен. Вакво ветување даде сегашниот министер за внатрешни работи Оливер Спасовски на неговите сограѓани од Куманово.

Новата влада е на власт речиси 8 месеци, а решението на проблемот со стечајците не е ни на повидок.

ФОТО: Сакам да кажам