стефан ашковски – Kurir.mk

Ашковски: Кога играме за Македонија не постои замор

Бошко Тасиќ — Sun, 11 Jun 2023 04:56:03 +0000

Фудбалската селекција на Македонија ги започна подготовките за последните овосезонски обврски. Во рамките од квалификациите за следното Европско првенство, нашите фудбалери ги чека дуели против секогаш незгодната Украина и европскиот вицешампион Англија..Во пресрет на дуелите во Скопје и Манчестер, Стефан Ашковски вели дека заморот е во втор план, бидејќи кога се носи дресот на Македонија секогаш се дава максимумот. „Мило ми е што пак сме заедно, нѐ чекаат два натпревари против квалитетни селекции, но секако и шанса да видеме до каде се нашите можности.Тоа што се игра на крај на сезоната, мислам дека за сите е исто напорно, но кога играш за Македонија и на вакви натпревари, заморот го заборавате. Заморот за вакви натпревари е во втор план. Имаме победа од стартот и очекувам да ја продолжиме добрата низа на овие два меча“, рече Ашковски. Прв противник во јунскиот прозорец ни е Украина, на 16 јуни во Скопје, додека на „Олд Трафорд“ гостуваме три дена подоцна.

Ашковски: Ветуваме борба за триумф во мечот со Бугарија

Бошко Тасиќ — Thu, 26 May 2022 18:32:00 +0000

Македонскиот фудбалски репрезентативец Стефан Аншковски се приклучи на фудбалската репрезентација на Македонија во пресрет на стартот на Лигата на Нации. Првата пречка ќе биде селекцијата на Бугарија, а нашиот репрезетативец посакува триумф за старт. „За десет дена ќе имаме четири меча и ќе биде интересно. Бугарите се добра репрезентација, но одиме таму на победа, па ќе видиме што ќе биде. Ќе имаме проблеми, ќе ни фалат неколку играчи, но репрезентацијата е како едно семејство и знам дека кој и да игра во тимот ќе го даде својот максимум бидејќи ние сме Македонија и горди сме да играме за нашата земја. Ние ќе дадеме се од себе, можам да го ветам тоа, да стартуваме со победа против Бугарија“, изјави Ашковски.

Ашковски: Ќе направиме се за да ја израдуваме Македонија

Бошко Тасиќ — Sat, 26 Mar 2022 17:53:56 +0000

Стефан Ашковски вели дека Португалија има добри индивидуалци но верува дека Македонија со одлична тимска игра може да приреди уште едно изненадување и да обезбеди пласман на мундијалот во Катар. „Емоцииите полека стивнуваат, следува дуелот со Португалија и ќе дадеме се за да ја израдуваме цела Македонија, нормално и самите себе. Убеден сум дека можеме многу“ - вели Ашковски. „Не би сакал да говорам околку квалитетот на Португалија, сите знаеме дека се работи за одлична репрезентација, имаат сличен квалитет како Италија. Се надевам на уште подобар натпревар од оној во Палермо.Противникот има добри индивидуалци, но во фудбалот денес поважен е тимот. Италија исто така имаше одлични индивидуалци, но видовме дека како тим не беа така сплотени“.

Српските медиуми во делириум по сопругата на поранешниот фудбалер на Партизан – на стадионот во Палермо беше најубава Македонка (ФОТО)

Дарко Андоновски — Fri, 25 Mar 2022 14:55:52 +0000

И додека се уште денеска се собираат впечатоците од вчерашната победа на македонските фудбалери над Италија, ниту самите фудбалери не може да се соземат од тоа што го направија. Херој на мечот иако е Александар Трајковски, ништо помалку не се и останатите фудбалери, а еден од нив е и Стефан Ашковски за кого денеска пишуваат и српските медиуми. Имено некогашниот фудбалер на Партизан е во брак со Елена која вчера беше во центарот на вниманието на стадионот во Палермо. Убавата русокоса ги привлекуваше погледите на навивачите поради тоа што беше прекриена во боите на нашето знаме, а на лицето имаше нацртано и црвено срце за поддршка на сите, но најмногу на нејзиниот сопруг Стефан. Елена на својот Инстаграм профил сподели и неколку фотографии и видеа од целата атмосфера таму: Инаку таа еден ден претходно објави и фотографии од убавиот град Палермо во комбинација на која многу жени и подзавидуваат.

View this post on Instagram

A post shared by Elena Askovska 🐚🤱🏼🕊 (@elenaaskovska)

Ашковски: Со добра тимска игра да стигнеме до две победи

Бошко Тасиќ — Mon, 08 Nov 2021 18:43:21 +0000

Македонскиот фудбалски репрезентативец Стефан Ашковски смета дека македонската репрезентација во пресрет на натпреварите од квалификациите за СП 2023 ќе се подготви добро, и дека не е невозможна мисија да се забележат две победи. „Сигурно е дека ова се исклучително важни два меча, се надевам дека со добра игра ќе дојдеме до две победи. Работите не зависат од нас за пласман во баражот, важно е да играме тимски и сплотени, и да играме офанзивен фудбал. Ни недостасуваше среќата која не ни беше наклонета, но се надевам дека на последните два меча ќе ни се врати и ќе бидеме наградени. Имаме мали проблеми со повредени играчи, но верувам дека ќе го надополниме нивното отсуство“, изјави Ашковски.

Селекторот Ангеловски ги повика Ибраими и Ашковски за квалификациските натпревари за Светското првенство

Магдалена Андонова — Sun, 21 Mar 2021 11:52:21 +0000

Членот на Кукс од Албанија, Агим Ибраими и фудбалерот на романски Ботошани, Стефан Ашковски, се повикани во А репрезентацијата на Македонија за квалификациските натпревари за Свесткото првенство против Романија, Лихтенштајн и Германија. Селекторот Игор Ангеловски се одлучи на ваков чекор поради зголемениот број повредени, како и репрезентативци со позитивен тест на коронавирус. Иван Тричковски поради повреда отпаѓа за овој собир, а поради позитивни тестови нема да бидат во тимот ниту Ѓоко Зајков и Тихомир Костадинов. Македонската репрезентација Мундијалските квалификации ќе ги почне на 25 март со гостувањето во Романија, три дена подоцна се среќава со Лихтенштајн, а на 31 март ќе се соочи со германскиот национален тим. (МИА)

Игор Ангеловски го повика Стефан Ашковски

Бошко Тасиќ — Mon, 15 Feb 2021 18:57:36 +0000

Македонскиот фудбалски селектор Игор Ангеловски ќе прави мини-камп на кој ќе ги разгледува сите нови опции од домашното првенство, но и од неколку играчи кои ќе добијат дозвола да пристигнат од странство. Дополнителен повик доби Стефан Ашковски кој настапува во романски Ботошани. Ашковски е член на сениорската репрезентација од 2015 година и има запишано досега три настапи. Кампот ќе се одржи од 15-17 февруари, а тренинзите ќе се одржуваат на комплексот „Петар Милошевски“ во Скопје. Тест-натпреварот против Работнички е закажан за последниот ден со почеток од 14:00 часот.