стефан богоев – Kurir.mk

Богоев: Поминав цели 4 месеци со татко ми на Онкологија, ако е вистина тоа заслужува најстрога можна казна!

Ристе Здравков — Sun, 03 Sep 2023 15:43:49 +0000

Јас поминав цели 4 месеци со татко ми на Онкологија. Случајот во најмала рака е згрозувачки. Кој не бил, не знае што тоа значи. Ако навистина се препродавале лекови и терапија за сметка на животите на тешко болни луѓе, тоа заслужува најстрога можна казна! Поддршка за МВР и ОЈО да го истераат случајот до крај! Без разлика на партиска, етничка или верска припадност на криминалците! За никогаш повеќе никој да не помисли, а камоли да го направи ова злодело Фејсбук статус на Стефан Богоев

„Богоев да се извини пред граѓаните за лажната вест, дека фатил хартии од вредност, а за кои се утврди дека се неупотребливи“

Дарко Андоновски — Fri, 11 Aug 2023 07:01:30 +0000

Стефан Богоев треба веднаш да свика вонредна прес конференција, со иста помпа како претходната, само овојпат да се извини пред народот за ширење на лажни вести, ова денеска преку соопштение до јавноста го истакнаа од ВМРО-ДПМНЕ. -Вчера медиумите објавија дека хартиите од вредност биле со истечен рок, притоа немаат никаква употреблива вредност, а дополнително и сопственикот на истите бил починат. Хартиите од вредност како акции, обврзници, записи се дематеријализирани, односно се во електронска форма. Тоа кај нас е сторено уште во 2001-ва година со формирањето на Централниот депозитар, така што сите видови на хартии од вредност се во електронска форма. Ја разбираме потребата на Богоев, соочен со никакви резултати, со кои би се пофалил, да прави фешти пред граѓаните и да ги манипулира со непостоечки и лажни случаи, но вистината секогаш излегува на виделина, стои во нивното соопштение до јавноста.

„Медиумите открија дека обврзниците за кои Богоев правеше пиар имаат вредност на тоалетна хартија“

Тале Кристо — Thu, 10 Aug 2023 16:21:02 +0000

Стефан Богоев држеше вонредни прес конференции објавувајќи дека царината запленила хартии од вредност во вредност од 92 милиони евра. Но денеска, после само три дена од прес конференцијата на Богоев, медиумите објавија дека истите немаат никаква вредност бидејќи биле со истечен рок, а сопственикот на истите бил починат, велат од ВМРО ДПМНЕ. -Всушност медиумите открија дека обврзниците за кои Богоев правеше пиар имаат вредност на тоалетна хартија. Хартиите од вредност како акции, обврзници, записи се дематеријализирани, односно се во електронска форма. А тоа кај нас е сторено уште во 2001 година со формирањето на Централниот депозитар, така што сите видови на хартии од вредност сите се во електронска форма. Ова само покажува аматеризам и неспособност од страна на Богоев. Му порачуваме на Богоев наместо да држи прес конференции со кои се фали дека открил некаков криминал, енергијата да ја насочи кон работење бидејќи е платен од народни пари.

Богоев за заплената за обврзници: Патникот давал конфузни одговори, тоа беше причина за сомнеж

Ристе Здравков — Wed, 09 Aug 2023 09:15:33 +0000

Директорот на Царина Стефан Богоев, во летното издание на „Клик Плус“ на ТВ21 зборуваше за заплената на обврзници кое беше објавено вчера. „Судот Судот донесе одлука да ги одземе, се работи за турски државјанин. Вредноста е глема, се рабти за 184.000 обврзници, по 500.000 долари вредност. Јас сум горд што цариниците успеја да го запленат“, рече Богоев и додаде: „Кај патникот било сомнително тоа што цариниците добиле конфузни одговори. Варира приказната и има разлика од одговор до одговор. Првото прашање е каде одите и што е вашата цел. Каде ќе престојувате, што работите и тука имаме различни изјави. Тоа дава доза на дополнителен сомнеж. Има разлика меѓу името и податоци на патникот и името на сопственикот на обврзниците, и не биле на негово име, и сите овие работи ни даваат дополнителна основа. Инаку да напоменам дека се е поврзано со странски банки, со странски држави, единствено што тука кај нас се запленуваат и секоја помош меѓународна е добродојдена“, изјави Богоев.

Богоев: Не знам колкава ми е платата!

Дарко Андоновски — Fri, 07 Jul 2023 12:42:52 +0000

Новиот директор на Царинската управа, Стефан Богоев, на денешниот настан на граничниот премин Ќафасан беше запрашан дали ќе се откаже од зголемената функционерска плата по судски пат за 78 отсто, на што тој одговори дека уште не знае колку изнесува неговиот месечен доход. - Плата не сум примил и две недели сум само директор, ниту сум прашал колкава ми е платата. Фокусиран сум на реорганизација, ефикасност на средствата, а кога сме кај плати, пред се, сум фокусиран на зголемување на плати на колегите. Ако се откажам, ќе ве известам. Не знам ни која е платата. Треба да ја видам и да ви кажам, искоментира Богоев.

Богоев на средба со претставниците на МАКАМ-ТРАНС

Ивана Ефремовски — Tue, 04 Jul 2023 16:16:51 +0000

Олеснувањето на трговијата и транспортот на стоки, модернизацијата на граничните премини, како и активностите кои Царинската управа ги спроведува во рамки на иницијативата Отворен Балкан, беа теми на денешната средба на директорот Богоев со претставниците на македонската транспортна асоцијација МАКАМ-ТРАНС, предводени од генералниот секретар Билјана Муратовска. Од страна на асоцијацијата изразија задоволство во делот на мерките што Царинската управа во континуитет ги презема во насока на унапредување на царинските процедури преку поедноставување на постапките, со цел забрзан проток на стоки и намалување на трошоците за транспортните компании. Континуираниот дијалог и соработката со бизнис заедницата е од голема важност во креирањето политики за унапредување на трговијата и транспортот.

Стефан Богоев официјално стана директор на Царинската управа

Ивана Ефремовски — Thu, 15 Jun 2023 11:14:14 +0000

Денеска во Царинската управа беше извршено примопредавање на функцијата директор на Царинската управа, каде новоназначениот директор Стефан Богоев официјално ја презема должноста од неговата претходничка Славица Кутиров. За време на средбата, Кутиров го информираше Богоев за делокругот на работа како и за тековните и планираните проекти и активности на Царинската управа, а истовремено му посака успех во продолжување на мисијата за заштита на финансиските интереси на државата и општеството, поддржувајќи го економскиот развој преку олеснување на трговијата, меѓународната соработка и понатамошна модернизација на Царината. Истакнувајќи дека веќе е запознаен со предизвиците, тековните и планираните проекти на Царинската управа, новоименуваниот прв човек на Царината ја потврди својата заложба за реализирањето на стратешките цели во оваа област, особено постигнувањето на понатамошни успеси со цел да бидеме водечка Царинска управа во регионот која ќе дава силна поддршка на локалната економија и ќе биде усогласена со стандардите на Европската Унија.

Стефан Богоев, нов директор на Царина

Ристе Здравков — Tue, 13 Jun 2023 14:29:02 +0000

Стефан Богоев е нов директор на Царина, неофицијално дознава ,”Фокус”. Тој доаѓа на местото на досегашната директорка Славица Кутиров. Богоев, претходно беше четири години градоначалник на скопски Карпош.

Богоев: Очекувам процесот за уставни измени во Собранието да започне во мај

Ристе Здравков — Fri, 03 Mar 2023 08:38:09 +0000

Уставните измени се важни за членството во ЕУ кое значи бројни придобивки за граѓаните и државата. Очекувам некаде во мај да почне процедурата во Собранието, потенцираше потпретседателот на СДСМ, Стефан Богоев во вечерашното интервју за емисијата „Патот кон“ на Алсат М телевизија. „Со заокружување на процесот на реконструкција на Владата очекувам да отпочнат јавно разговори за и околу јавната широка дебата за уставните амандмани. Практично да се отвори дискусија и со пратениците и со стручната фела и со јавноста, да се објасни на граѓаните што значат тие амандмани, дека тоа значи делови од народи, дел од Хрватите, Бугарите, Црногорците, да влезат во уставот. Да се објасни и да се дискутира со стручната фела како тие амандмани најдоборо може да изгледаат, но и да се објасни дека тоа може само да ја зајакне С Македонија, не може да ја ослабни. Доколку се движи според очекуваното темпо, јавната расправа и вклученоста на граѓаните и стручната фела во целата дискусија, можеби е за очекување некаде во мај да почне процедурата во Собранието“, рече Богоев.

„Семејството на Стефан Богоев купило имот со маркица за хотел на 4 спрата на самиот брег на Беровско езеро по цена од 400 денари за м2“

Катерина Бојаџиева — Mon, 14 Nov 2022 07:32:05 +0000

Семејството на Стефан Богоев купило имот со маркица за хотел на 4 спрата на самиот брег на Беровско езеро по цена од 400 денари за м2, велат од ВМРО-ДПМНЕ. -Имотот на Богоев се простира на над 7 илјади метри квадратни на самиот брег на езерото, и на истиот има маркица, а градба на хотел. Со хотел на таа површина Богоев буквално ќе го монополизира езерото. Сето ова се случува на неколку дена пред локалните избори минатата година кога од страна на членови на семејството Богоев е купено земјиштето, а веќе е регистрирана и фирма. Институциите да истражат како Богоев од градоначалнил на Карпош станува потенцијален инвеститор во хотел преку неговото семејство. Имотот кој го купува Богоев се наоѓа во општина каде локална власт е СДС, каде што самиот Богоев е потпретседател. Ја повикуваме ДКСК и ЈО да отворат случај, и да не го амнестираат Богоев по примерот на дезертерот Ковачевски, додаваат од партијата.