Стефан Цветковиќ – Kurir.mk

Вучиќ: Исчезнатиот новинар е пронајден

Даниел Василев — Fri, 15 Jun 2018 13:12:48 +0000

Исчезнатиот новинар Стефан Цветковиќ е пронајден и е добро, соопшти на прескофенренција за медиумите, претседателот на Србија, Александар Вучиќ, пренесува Б92. -Жив, здрав, поздрав не може да биде, рече Вучиќ за Цветковиќ кој, како што рече, сега се наоѓа на испитувања во Управата на криминалистичката полиција. Вели дека е горд на безбедносните сили, но истакнува дека Цветковиќ има многу работи кои треба да ги објасни. Цветковиќ бил пронајден во претпладневните часови во широкиот регион на Бела Црква. -Во добра состојба е. Тој изнесе некои свои тврдења. Дали се вистина или не, нашите безбедносни органи се сомневаат во тие тврдења, но ние ќе се однесуваме како да е вистина тоа што го каза, рече Вучиќ. Истакна дека сослушани се десетина лица, дека се прегладени повеќе снимки од надзорни камери, и оти ниту една снимка не излегла во медиумите.

Исчезна новинар кој работел на истражување на убиството на Оливер Ивановиќ

Ивона Петрова — Thu, 14 Jun 2018 09:30:21 +0000

Српската полиција распиша потерница по новинарот Стефан Цветковиќ откако било пронајдено неговото напуштено возило. - Во полициската станица во Бела Црква ноќеска е пријавено за паркирано возило марка Поло, на кое била отворена вратата и вклучени светлата, соопшти МВР на Србија. За случајот е известено Обвинителството и полицијата по него интензивно трага, јавуваат српски медиуми. Цветковиќ работеше на извештаи за убиството на косовскиот политичар Оливер Ивановиќ и во мај оваа година беше задржан на преминот Јариње и спроведен до полициска станица поради информативен разговор. Во февруари во Белград одржа прес конференција под наслов Колку чини ликвидација на север на Косово, и покажа фотографии од лица кои биле наводно, вмешани во ликвидација на Ивановиќ и изнесе тврдења дека атентатот бил платен 40.000 евра. МИА