Стефан Филиповски – Kurir.mk

„Ние редовно одиме на проби… а, понекогаш може и да не одиме“ – ја препознавате ли оваа денес голема македонска музичка ѕвезда? (ФОТО)

Ристе Здравков — Mon, 25 Apr 2022 14:50:10 +0000

Голем дел од македонските музички ѕвезди имаа и класична наобразба. Нижо музичо, средно музичко училиште, музичка академија… Теоретска настава, соло пеење, свирење разни музички инструменти… Но, некои од нив со музиката се сретнале многу рано, уште во предшучилишната возраст, кога родителите или некој од семејството, соседството, градинката, училиштето… И како по правило детските училишни хорови, или оние на најпознатите детски фестивали се местата каде денешните естрадни уметници ги направиле првите чекори, за прв пат пуштиле глас, ја испеале првата песничка… А за да се биде добар и успешен треба постојано да се вежба и мора редовно да се оди на проби… Или баш и не мора? Така и тие, односно тој…Таков е барем неговиот наивен детски одговор во годините кога бил дете и гостин на една од емисиите на тогашната МТВ, кај новинарката и ТВ водителка Ели Танаскова, која го прашува од колку години заедно со брат му одат во хорот на „Златно славејче“, дали имаат таму другарчиња со кои се дружат и дали за да бидат успешни, треба редовно да одат на проби? А тој, тоа го потврдува, па потоа го негира во негов стил: „Ние редовно одиме на проби… а понекогаш, може да не одиме“! Чесно и искрено! Не веруваме дека лесно ќе го препознаете по ликот кога бил малечок, но затоа пак, денес и тоа како е препознатлив во она што го прави. Се разбира со неговиот брат близнак Мартин. Да тоа е тој, Стефан Филиповски, вокалот на „Некст тајм“. Така беше тогаш, а денес…? „Нешто ќе те питам мајко, право да ми кажеш…?!“ „Слушаат ли децава, умни ли се? Вежбаат ли така напорно и посветено и денес и одат ли редовно на проби или… Понекогаш, може и да не слушаат?“

Уживаат во снежна планинска романтика: Пејачот на „Некст тајм“ и манекенката не ја криjат љубовта (ФОТО)

Ивона Петрова — Fri, 03 Jan 2020 11:13:06 +0000

Браќата од дуото „Некст Тајм“ Новата 2020 година ја отпочнаа на планина, со чист воздух и чисти мисли за деновите пред себе. Тие моментално уживаат во снежната планинска белина, а оттаму на своите фанови и следбеници им ја честитаат годината, сублимираат за она што им се случи минатата и се водат со верба, мотив и желба за она што им претстои. -2019 беше одлична година за нас, покрај “Нешто ќе те питам Бабо” и “Јовка Кумановка”…Тука беа и настапите што ги имавме во текот на целата година. Ќе го памтиме настапот во „Јане Сандански“ на мечот Вардар-Пик Сегед но и повторно среќни што бевме дел од @onelovetour и насекаде каде што пеевме низ нашата земја Македонија. Веруваме во уште поголем успех во 2020 год. Работиме на проект на комитски песни кои што верувале или не, почна уште во 2014 год. со “Ја излези Ѓурѓо”. Веруваме во настапи и надвор од границите на нашата земја, каде што има и публика која не не слушнала како изведуваме во живо и тоа е мотив плус да докажеме кои се „Некст Тајм“. Тоа е за нас, но на вас би ви посакале да сте здрави живи, среќни и исполнети со позитивна и убава енергија. Убаво поминете си каде и со кој и да сте, и се гледаме во 2020!!! Ве сакаат Мартин и Стефан Филиповски „Некст тајм“ -пишуваат браќата на својот профил на Фејсбук.

Но, на социјалните мрежи кога е приватноста во прашање, Стефан ја стартуваше без криење на неговата нова љубов, манекенката Маја Ристевска со која е заедно во својата планинска авантура.

Изминатата 2019 година и двајцата беа резервирани за потврда или демант дека се во врска, но сега новите фотографии беа доволна потврда дека нивната врска само зајакнала.

Мартин пак, кога е љубовта во прашање не е резервиран да покаже која е во неговото срце и е во долгогодишна врска со ракометарката Андреа Белеска. извор: Вистина.мк

Се присети на детството: Ќе препознаете ли кој македонски пејач е на фотографијата?

Катерина Бојаџиева — Fri, 24 Aug 2018 20:32:59 +0000

Кога ги прегледуваме старите фотографии во албумите може да си вратиме спомени од детството. Кога сме возрасни и успешни во својата професија често знаеме да се потсетиме на тој дел од периодот и да разбудиме носталгија. Така беше и со македонскиот пејач од братското дуо „Некст тајм“, Стефан Филиповски. Стефан на „Инстаграм стори“ сподели ретро фотографија кога бил мал, а во описот напиша: од мал со стил.