Стефан Јовиќ – Kurir.mk

Стефан Јовиќ потпиша за Валенсија

Бошко Тасиќ — Wed, 20 Sep 2023 04:07:24 +0000

Српскиот кошаркар Стефан Јовиќ се враќа во Евролигата и ќе настапува за тимот на Валленсија, потврди клубот на својата официјална страница. Управата на шпанскиот клуб објави дека Јовиќ се обврзал на двегодишна соработка и се очекува тој да биде големо засилување за предизвиците во новата сезона. Србинот веќе ги мина задолжителните лекарски прегледи и го одработи првиот тренинг со новите соиграчи. Стефан Јовиќ беше еден од најдобрите поединци во составот на „орлите“ на неодамна завршениот Мундобаскет, а ова за него ќе биде втор ангажман во Шпанија, откако претходно настапуваше за тимот на Сарагоса.

Стефан Јовиќ ќе игра во Евролигата

Бошко Тасиќ — Thu, 14 Sep 2023 03:59:33 +0000

Стефан Јовиќ ги надмина проблемите со повредата и даде свој придонес во одличниот настап на Србија на Мундобаскет 2023, каде нашиот северен сосед стигна до сребрениот медал. Добрите игри на СП придонесоа Јовиќ да си обезбеди и трансфер во Евролигата, откако Валенсија тргна во офанзива за потписот на овој кошаркар. Јовиќ е под договор со Сарагоса, но во него има клаузула што му овозможува за извесна отштета да си замине во тим од елитното европско натпреварување. Валенсија пред неколку дена повторно остана без Хермансон, кој заработи нова тешка повреда на коленото. Овој евролигаш мора што поскоро да најде замена за повредениот плејмејкер, а изборот паднал токму врз Јовиќ, кој треба да даде стабилност во нападот, но и искуство во играта во одбрана на Валенсија.

Ц.Звезда се засилува со српски репрезентативец

Бошко Тасиќ — Tue, 27 Sep 2022 18:37:04 +0000

Актуелниот шампион на АБА лигата белградска Црвена звезда ќе се засили со Стефан Јовиќ пред стартот на новата сезона во АБА лигата и дуелот против МЗТ Скопје. Како што пишуваат грчките медиуми, Јовиќ ќе го носи „црвено-белиот“ дрес до крајот на сезоната. Ова воедно е враќање на српскиот кошаркар во тимот за кога ги бранеше боите во периодот од 2014 до 2017 година. Инаку, МЗТ Скопје и гостува на Звезда на стартот од новата сезона во АБА лигата, меч кој ќе се одигра в недела во салата „Пионир“.

Јовиќ блиску до позајмица во Фиорентина

Бошко Тасиќ — Sat, 18 Jun 2022 06:19:16 +0000

Фудбалерот на Реал Мадрид, Лука Јовиќ е блиску до преминување во Фиорентина на позајмица, објави „Марка“. Според шпанскиот спортски весник, преговорите меѓу двата клуба се во напредна фаза. Договорот се уште не е постигнат, но двете страни се оптимисти за позитивен исход. Јовиќ му се приклучи на Реал Мадрид од Ајнтрахт Франкфурт во 2019 година. Минатата сезона српскиот напаѓач настапи на 19 натпревари, постигна еден гол и забележа три асистенции. Договорот на Јовиќ со мадридскиот клуб е до 30 јуни 2025 година. Фиорентина сака Реал Мадрид да учествува во дел од платата на 24-годишниот српски интернационалец. Порталот „Трансфермаркт“ ја проценува вредноста на играчот на 16 милиони евра.

Стефан Јовиќ потпиша со Панатинаикос

Бошко Тасиќ — Sat, 08 Jan 2022 07:24:04 +0000

Српскиот кошаркар Стефан Јовиќ потпиша за грчки Панатинаикос до крајот на сезоната, со алтернатива таа соработка да биде продолжена на уште една година. Плејмејкерот последниот ангажман го имаше во руски Химки, клуб за кој минатата сезона во Евролигата имаше просек од 4,4 поени, 3,8 асистенции, два скока и една украдена топка.