стефан кирков – Kurir.mk

Кирков: Данела Арсовска да ги прекине скапите прошетки и да одговори за поморот на животни во Зоолошката градина

Ивана Ефремовски — Tue, 01 Aug 2023 09:29:02 +0000

Скопје не се развива по програмата „За модерно Скопје“ туку Скопје е темен град, град заробен од неспособноста на Данела Арсовска која со нејзиното водење на градот го уназади истиот во секое сегменти. Покрај колапсот на секое поле и низ сите јавни претпријатија која ги води Арсовска и нејзините кадри, за жал на ред дојде и скопската Зоолошка градина и животните во неа. Во скопската Зоолошка имаме помор на животните и епидемиј, вели Стефан Кирков, член на Градски Комитет на ВМРО-ДПМНЕ. -Сведоци сме на последните немили случувања во скопската Зоолошка каде истава установа која беше радост за сите генерации, место кое го посетуваа и туристи, установа која беше една од најпосетуваните установи во Македонија по само 2 години владеење на Арсовска оваа установа се претвори во место во кое слободно ќе кажеме е куќата на стравот, установа која е пишувана низ светските медиуми како место кое е логор за животните и установа која не ги задоволува основните карактеристики за да биде дел од Европската асоцијација за зоолошки и аквариуми и токму затоа го загуби и статусот на потенцијална членка. Во последниве месеци имаме голем помор на животни и сето тоа пред целокупната јавност умешно низ ПР пропаганда се сокриваат причините за истото. Пред само 24 часа Скопје ЗОО ги загуби 3-те коњи од расата ПРЕЖЕВАЛСКИ КОЊ кој важат за едни од најретките коњи во светот кои се вистинско богатско и раса која е пред исчезнување и заштитена со закон, вели тој. Посочи дека додека Арсовска која зема плата 2.000 евра и во моментов повторно е на посета по скапите метрополи и после 24 часа, немаме никакво известување од ПР службите на оваа установа, ниту од Град Скопје, умешно се молчи со цел да се сокријат причините за смртта на коњите и целокупниот помор кој што се случува во моментов во скопската Зоолошка градина. -Од тука јавно сакаме да ја прашаме установата Скопје ЗОО и Данела Арсовска како одговорна, ако на секои 3 месеци се распишува тендер за набавка на свежа храна во износ од 10-тици илјади евра, како истото е можно и зашто животните се хранат со донирана непроверена храна за која не постои технолог вработен во оваа установа за проценка на квалитетот на храната и дали треба да се хранат животните со истата, каде завршува храната која редовно се дистрибутира од постапките кои што се со завршен тендер и потпис? Дали поморот на животни се должи од нездравата исхрана со која се прехрануваат животните? Дали паталошкиот наод од смртта на жирафата покажа бактерија салмонела која исто е создадена од неправилна расипана исхрана? Бараме веднаш итна истрага за сето ова кое се случува во оваа установа, нашите сомнежи се издржани низ овие прашања, ги повикуваме државните институции веднаш и детално да ги испитаат овие наоди како и јавно да се произнесат за епилогот од истото. Ја повикуваме Данела Арсовска да се врати веднаш од скапите патувања низ европските метрополи и за сето ова кое се случува во скопската Зоолошка градина целиот тим кој таа го постави со менаџерски скапи договори за плата, веднаш да си поднесат одговорност и неотповикливи оставки, вели Кирков.

Кирков за состојбата во Зоолошка: Откако дојде Арсовска на чело на Скопје, Зоолошката стана куќа на стравот, се колат и умираат животни, неспособноста нејзина со рачиштата во медот го уназади Скопје

Ристе Здравков — Mon, 31 Jul 2023 07:19:35 +0000

Помор на животни во скопската ЗООЛОШКА!!! Жирафата погина поради непрочистување од паразити што треба да е рутинска нега, сега се отруени два коњи! Од кога дојде Данела Арсовска нашата ЗОО стана куќата на стравот, се колат и умираат животни!!! Каде се сега друштвата за заштита со реакција и барање одговорност, во скутот на Данела и во управните одбори и директорски фотелји, тие се ФОТЕЛЈАШИ и ништо повеќе од тоа, перални за пари низ проекти и фондации!!! Неспособноста на Данела не уназади на секое поле, и овде има од нејзините рачишта во медот со тендерите за набавка на храна! Жал ми е за животните но јас освен на ФБ сум немоќен за ништо повеќе! Новинари, охрабрете се и побарајте одговорност и испитајте го случајот, ви стојам на располагање за сите изјави и емисии со свои сознанија! Фејсбук статус на Стефан Кирков

Кирков: Владе хаос по улиците, државата мора да најде трајно и системско решение за бездомните кучиња за да немаме немили настани и финансиски загуби

Тале Кристо — Sat, 22 Apr 2023 11:28:55 +0000

Стефан Кирков, кинолог, активист и сопственик на одгледувачница за Француски булдог, на денешната трибина во организација на ВМРО-ДПМНЕ насловена „Законска регулација на урбано чување на миленици, нужност и потреба“ вели дека во државата владее една хаотична ситуација со бездомните кучиња и поради тоа граѓаните не се чувствуваат безбедни во своите места каде што живеат, додавајќи дека мора да се изнајде системско и трајно решение за овој децениски проблем. Понесени од последните случувања кај нас од немилите настани кои се случија, потребата да се одржи ваква панел дискусија со експерти од оваа област сметаме дека е нужна. Владее една ситуација каде што имаме зголемен број на бездомни кучиња и нашите граѓани се навистина изложени на постојани напади и се чувствуваат во своите градови каде што живеат небезбедно, затоа што бездомните кучиња се собираат во глутници и буквално не постои законска регулација со која би се решил оној децениски проблем кој го имаме со бездомните кучиња општо на целата територија на Македонија, истакна тој. Кирков додаде дека додека владее хаос по улиците, општините се соочуваат и со големи финансиски загуби од буџетите кои се исплаќаат на граѓаните како обештетување од искасани бездомни кучиња, потенцирајќи дека и јавното претпријатие Лајка е натрупано со извршни решенија по овој основ. Владее навистина еден хаос по улиците, а од друга страна пак имаме огромни финансиски средства кои што се одлеваат од буџетите на општините и градовите, кои потоа граѓаните ги тужат овие институции и си бараат соодветно обештетување бидејќи биле нападнати од бездомни кучиња, и сето тоа е на товар на буџетот на овие институции и буквално се наоѓаме во ситуација каде што ЈП Лајка е натрупано од извршни решенија од граѓани кои го тужат јавното претпријатие, додаде Кирков. Околу бездомните кучиња се сложуваме дека не ги сакаме на улица и дека државата мора да најде трајно и системско решение, смета Кирков.

Кирков: Неспособноста на Спасовски оди до таму што и по 24 часа не можат да го најдат сторителот на грозоморните убиства на кучиња во Струга

Ивана Ефремовски — Wed, 11 Jan 2023 10:25:20 +0000

Спасовски и Ковачевски ја урнисаа МВР, неспособноста оди до таму што и по 24 часа не можат да го најдат сторителот на грозоморните убиства на кучиња во Струга. А, сите пак ние очекуваме да бидат способни и да го решат проблемот со дојавите за бомби или со некои потешки кривични дела, обвинува Стефан Кирков од ВМРО-ДПМНЕ. -Што треба јавноста да мисли кога МВР под власт на СДС не може да пронајде човек кој со огнено оружје се шетал низ Струга и убивал животни? Што може и за што е способна МВР? Што прави Спасовски, за што е способен, еден криминалец нема фатено, единствено достигнување на раководството на МВР очигледно е спиењето по хотели каде што ноќевање чини 20.000 евра. Бездомните кучиња се голем проблем која оваа власт не успеа да го реши со години, и тоа од неколку аспекти, Владата со години не презема буквално ништо и ги става граѓаните да бидат често мета на напади кој за жал завршуваат понекогаш и со фатални последици. Сето тоа пак придонесува државата да исплаќа сериозни финансиски средства за добиени судски постапки кои граѓаните ги добиваат по основ на оштета, вели тој. Кирков посочува дека едно од главните места каде има проблем со бездомни кучиња е Скопје. -Главниот град е преплавен од бездомни кучиња, а Градот нема никаква идеја за справување со овој проблем и покрај големите финансиски средства кои ги исплаќа кон јавното претпријатие „Лајка“ кое кучињата ги враќа и ги остава повторно да бидат на улица. Кучињата не треба да бидат убивани и не треба да бидат на улица, тие не се виновни за тоа, тие често се мета на сообраќајни незгоди и на вакви немили настани. Владата и Градот Скопје не покажуваат дека имаат некаква идеја и желба за решавање на проблемот, за кој мора под итно да се најде системско и трајно решение и да се отстранат кучињата од улиците во сите градови на Републикава каде проблемот е навистина огромен. Сметаме дека со изградба на професионални стационари и со еден хуман третман низ кастрација и целосна стерилизација овој проблем бргу би се решил и со воведување на еден итен ригорозен закон за урбано чување на домашни миленици. Во спротива ќе гледаме вакви немили сцени од убиени, отруени кучиња, стотици искасани и повредени граѓани, често и сообраќајки причинети како последица на овој проблем со бездомните кучиња кој повеќе години го мачат градот Скопје и целата држава, порача тој.

Кирков до Шилегов: Скопје ниту е една поубава приказна со вас, ниту е Градот убав како што умеете да се фалите на социјалните мрежи

Катерина Бојаџиева — Tue, 05 Oct 2021 14:07:26 +0000

Иронично е кога го гледаме Петре Шилегов како со 4 -5 партиски војничиња излегува на прес и наводно ги посетува парковите за миленици и истиот со нив разговара на оваа тема кога дел од парковите за миленици во Градот од нивното поставување до ден денес не се реконстуирани и на нив не е закована ни една шајка, истите се со дотраeни реквизити искршени реквизити, оградите се скинати и истите паркови не се функционални, вели Стефан Кирков од ВМРО-ДПМНЕ. -Иронично е Петре Шилегов да разговара и да се праи љубител на бездомните кучиња кога и самиот тој пред извесно време купи расно куче од расата БИШОН ФРИЗЕ кое чини повеке од 700 евра. Иронично е Петре Шилегов да се фали јавното претпријатие Лајка во кое со докази се обелоденија партиските вработувања без конкурс и тоа со име и презиме, се обелоденија изјавите на мобинг кој е дозволен лично од него и од самиот почеток сите активисти и љубители на животни ги понижи и направи програма за работа без нивно мислење и на истите им забрани влез во претпријатието , иронијата да биде поголема тој без никаков срам и морал не треба да се фали со Лајка за кое од самото отворање го тресат низа скандали за криминално работење и корупција. Г-дине Шилегов, Скопје ниту е една поубава приказна со вас ниту е Градот Убав како што умеете да се фалите на социјалните мрежи, Лајка ви служи единствено за перење пари , скап маркетинг , партиски вработува и манипулација со активистите , здруженијата и љубителите на кучиња. Г-дине Шилегов, Скопје неможе да биде уште една поубава прикаска со вас, животните во градот не се само кучињата, секој ден гледаме паднати изнемоштени коњи по улиците, малтретирани коњи со кочии кој често предизвикуваат собраќајни несреки со големи последици, како и стресни слики. Секој ден гледаме кучиња на улиците, бројката од отворање на Лајка до ден денес се зголемува а не намалува, глутница кучиња се по улиците кој вие ги вракате од Лајка на улица а граганите на Скопје се под закана да бидат нападнати или пак да имаат незгоди во собракајот. Г-дине Шилегов , вашите денови се одбројани а после првиот ден од новото раководство следува целосна ваша ревизија и на лајка со одговорност а ден потоа нова програма со која професионалци во оваа област заедно со активистите и здруженијата наживотни ке ја изготват за Лајка која ке биде центар за целосно згрижување на кучињата и решавање на проблемот кој го носи овој Град децении наназад, пишува Кирков на Фејсбук.

Кирков: Шилегов го одобрува мобингот на Тина Петрушевска во ЈП Лајка, затоа што молчи и не презема ништо

Ивана Ефремовски — Sat, 25 Sep 2021 13:12:21 +0000

Тина Петрушевска директор на ЈП Лајка, поставена од Петре Шилегов ја злоупотребува позицијата и се изживува со вработените во ЈП Лајка и им врши мобинг. Ова не се само тврдења на ВМРО-ДПМНЕ, ова се жалби на вработените, кои се охрабриле и смогнале сили да ја пријават директорката Петрушевска. Тина Петрушевска веќе подолг период се изживува со раководителот на сектор Слаѓана Стаменкова, која во допис до УО на ЈП Лајка и Град Скопје се жали на мобинг од Петрушевска назначена од Шилегов и СДСМ, обвинува Стефан Кирков од ВМРО-ДПМНЕ. „На мобинг и притисок од ЈП Лајка се жалела и членката на УО на ЈП Лајка Теона Георгиевска, која е разрешена од страна на директорката Петрушевска. Мобинг од Петрушевска трпи и единствениот ветеринар во ЈП Лајка Виктор Груев, кој доколку ја напушти работата или добие отказ претпријатието ќе остане без ветеринар. За тоа дека Петрушевска и Шилегов не работат добро и се изживуваат со луѓето вработени во ЈП Лајка доказ се и над 20 луѓе кои веќе дале отказ од претпријатието токму заради притисоците и мобингот кој го трпеле од Тина Петрушевска. Информирани сме и дека над 10 вработени веќе и се обратиле до Петре Шилегов за притисоците со кои се соочуваат и мобингот кој им се врши, но Шилегов не реагира и не ги заштитува вработените. Целиот мобинг и притисок кој го врши Тина Петрушевска е одобрен и од Шилегов кој ја поставил и го премолчува нејзиниот терор врз вработените. Ги повикуваме институциите да ги истражат случувањата во ЈП Лајка. ДКСК до која се поднесени неколку претставки по разни основи исто така веднаш да реагира. А истовремено ги охрабруваме сите вработени да не подлегнуваат на притисоците и заканите на Петрушевска. По промената на власта ќе има ревизија на работењето на Тина Петрушевска, а тоа е за многу бргу“ - порача тој.

Кирков: Негрижата и масакрот на било кое животно користејќи дури и единици на АРМ е одлика на владеењето на Влада кон заштитата на животинскиот свет

Катерина Бојаџиева — Sat, 24 Aug 2019 11:37:23 +0000

Пред само 3 дена, криминалната Влада донесе одлука дека Владата на Република Македонија поради некакви заштити и превентива ќе започне со отстрел на диви свињи на територијата на Република Македонија. Сакајќи да ја дефокусираат јавноста од големите криминални скандали кои ја пратат оваа влада, неуспесите во секое поле, како и особено неуспехот на полето на заштита на фауната во Република Македонија, излегуваат јавно и соопштуваат дека ќе започнат со уништување т.е отстрел на диви свињи на целата територија на Република Македонија притоа истото ќе го субвенцираат за ловците, а најсрамно е и вклучувајќи ги и единиците од Армијата на Република Македонија, истакна Стефан Кирков од ВМРО-ДПМНЕ. -Сметаме дека ваков начин на постапување на решавање на проблемот со болеста африканска чума која да напоменеме не е опасна по здравјето на луѓето е срамна, ниту една држава не постапува радикално на ваков начин за решавање на овој проблем туку за истото постојат закони согласно напишани стандарди кој ги применуваат сите земји членки на Европската Унија. Оваа одлука побуни реакции кај сите друштва за заштита на животни кои веднаш се екипираа и излегоа со заеднички став, а кон нивниот став ВМРО ДПМНЕ го дели истото и ја дава безрезервно својата поддршка, а пред се апелира да веднаш се прекине со акцијата за масакр на дивите свињи на територијата на Македонија, вели Кирков и додава: „Негрижата и масакрот на било кое животно користејќи дури и единици на Армијата на Република Македонија е само одлика на владеењето и пристапот на една Влада кон заштитата на животинскиот свет. Ако институциите на власта навистина сакаат да го решат овој проблем како што напоменав, постојат низа останати мерки. Проблемот може да се реши без притоа да се изврши масакр на животните што може да допринесе до целосно изумирање и исчезнување на некои видови на раси на дивити свињи. Особено е важно да напоменеме дека одредени видови на диви свињи се пред истребување и изумирање. Со овој отстрел, неколку видови диви свињи ќе бидат истребени и никогаш повеќе нема да виреат на нашата територијата“. Ова не е првпат, подвлекува тој, кога СДСМ врши отстрел на животни во Република Македонија, за жал се уште не е расчистен масакрот на дивите свињи што го направија високи функционери на СДСМ пред 2 години во Јасен, каде што се направи штета од стотици илјади евра. -Апелираме надлежните институции да се преиспитаат во одлуките и да не го реализираат овој масакр. Отстрелот на животни е најрадикална мерка која не смее туку така да се реализира.

Кирков: Имаме трајно решение за справување со кучињата скитници

Ристе Здравков — Sat, 17 Nov 2018 13:51:40 +0000

Ние не сакаме да бидеме сведоци на еутаназија на кучињата, меѓутоа бидејќи има и побезболни начини да се реши овој проблем, ви ја предлагам нашата програма, за која сме сигурни дека вистински и правилно ќе го реши овој проблем, изјави за Курир кинологот Стефан Кирков. -Еутаназија или убиство на кучиња е кривично дело и се лежи во затвор. Кучињата не се виновни што се наоѓаат на улица. Дека тие се на улица е сепак и од човечкиот фактор, поради оној нехуман третман од сопствениците на милениците, рече Кирков. Кирков истакна дека со програмата која ја нудат проблемот со бездомните кучиња ќе се реши засекогаш. Итно отварање на професионални стационари во секоја општина во Република Македонија, хуман и професионален третман при задомувањето на секое куче, извршување на нивна кастрација, чипирање и соодветен ветеринарен третман до крајот на животниот век на кучето, се само дел од проектите од програмата која ја престави кинологот Стефан Кирков. Кирков рече дека во Македонија конечно треба како и во повеќето држави во светот во склоп на Министерството за внатрешни работи да се формира „Полиција за животни“, популарна како „ animal police “.