стефан крстајиќ – Kurir.mk

Србинот Стефан Крстајиќ потпиша за Чаир 2030

Бошко Тасиќ — Sat, 19 Aug 2023 14:46:17 +0000

Скопскиот клуб денес го официјализираше потписот на Стефан Крстајиќ, кој доаѓа во Чаир 2030 од Струмица, клуб со кој не успеа да го обезбеди опстанокот минатата сезона. Крстајиќ е играч со големо искуство во македонската елитна лига, каде минатата сезона настапуваше со просек од 20,2 поени, 4,9 скока и 4,5 асистенции. Пред да го облече дресот на Чаир, 29-годишниот Крстајиќ настапуваше и за ФМП Академија, Пелистер и Струмица. Со ова засилување Чаир 2030 ја покажува својата сериозност и најавува доведување уште некое звучно име.

КК Пелистер го потврди ангажманот на Крстајиќ

Ивана Ефремовски — Sat, 16 Apr 2022 11:47:18 +0000

Третиот стрелец во регуларниот дел од сезоната во Првата македонска кошаркарска лига Стефан Крстајиќ ги засили редовите на Пелистер за претстојниот старт на разигрувањето за титулата, соопшти официјално попладнево битолскиот клуб. Довчерашниот кошаркар на Навико ФМП Академија потпиша договор со Пелистер до крајот на оваа сезона. Српскиот кошаркар (27), како што е соопштено, денеска ќе го има првиот тренинг во новата средина, а за Пелистер се очекува да дебитира в понеделник на натпреварот Феникс 2010. (МИА)

Стефан Крстајиќ од ФМП ќе игра во Пелистер

Бошко Тасиќ — Wed, 13 Apr 2022 18:02:18 +0000

кадемија ФМП и покрај тоа што се избори за место во Суперлигата, поради неможноста да го промени видот на трговско друштво нема да се натпреварува со најдобрите шест тима во мак-баскетот, а тоа значи и заминување на најдобрите кошаркари од Кисела Вода. Еден од нив е и Стефан Крстајиќ кој „сино-црвените“ бои ќе ги замени со „зелено-белите“ на Пелистер. Бекот кој веќе две сезони е во македонската кошарка се наметна како еден од најдобрите странци, а добрата игра од претходната сезона ја преслика и во новата со просек од 19.0 поени, 4.4 скока и 2.6 асистенции по натпревар.