Стефан Лихтштајнер – Kurir.mk

ФИФА пресече: Познати казните за Џака, Шаќири и Лихтштајнер

Ивона Петрова — Mon, 25 Jun 2018 17:48:56 +0000

Фудбалерите на Швајцарија Гранит Џака, Џердан Шаќири и Стефан Лихтштајнер нема да бидат отстранети од натпреварите на Светското првенство во фудбал, туку само ќе бидат парично казнети, објавија од ФИФА. Дисциплинската комисија при ФИФА отвори дело поради начинот на славење на погодоци во натпреварот со Србија (2:1) на Шаќири и Џака. Тогаш двајцата се радуваа на головите, имитирајќи го двоглавиот орел од грбот на Албанија. Тие се казнети со по 10 илјади швајцарски франци. Лихтштајнер пак е санкциониран, бидејќи во интервју по дуелот ги поддржа своите соиграчи. Тој е казнет со 5 илјади франци. Швајцарија игра во групата „Е“ на Светското првенство и во третиот круг од групната фаза настапува против Костарика на 27-ми јуни во Нижни Новгород.

Лихтштајнер преговара со Арсенал

Дарко Андоновски — Sat, 26 May 2018 08:48:57 +0000

Дефанзивецот на Јувентус, Стефан Лихтштајнер преговара за трансфер на Арсенал, вели „Гардијан“. Швајцарецот станува слободен агент во текот на летото и може да се приклучи без пари на „топџиите“. Според информациите, Лихтштајнер би можел да стане прв трансфер на новиот менаџер Унаи Емери. Ветеранот помина седум години во Јувентус, но, клубот одлучи дека нема да му понуди нов договор и тој го напушти „Алијанс“ стадионот. Пред извесно време беше кажано дека Борусија Дортмунд е заинтересирана за него, но подоцна Германците одлучија да се насочат кон Пол Лирола од Сасуоло.

Лихтштајнер ќе потпише договор со Борусија Дортмунд

Дарко Андоновски — Tue, 08 May 2018 07:18:34 +0000

Десниот бек на Јувентус, Стефан Лихтштајнер, ќе премине во Борусија Дортмунд по крајот на сезоната. Швајцарскиот репрезентативец веќе објави дека го напушта Јувентус, а медиумите во Италија открија дека следната дестинација во неговата кариера ќе биде Бундеслигата. „Калчомеркато“ тврди дека братот на дефанзивецот, кој исто така е и негов личен агент, имал успешни разговори со шефовите на Борусија. „Жолто-црните“ се обидуваат да го привлечат Лихтштајнер веќе две години, и нивните напори конечно вродија со плод. Договорот на 34-годишниот играч на Јувентус е до летото, а во наредните денови тој ќе преговара за личните услови со Борусија. Лихтштајнер помина седум години во Јувентус, а пред тоа играше за Грасхоперс, Лил и Лацио.

Лихтштајнер го напушта Јувентус

Дарко Андоновски — Sun, 06 May 2018 07:18:22 +0000

Дефанзивецот на Јувентус, Стефан Лихтштајнер изјави дека го напушта клубот на крајот од сезоната. Швајцарецот го призна ова по победата над Болоња синоќа (3:1), која ги донесе уште поблиску до седмата последователна титула. - Имам 14 дена во Јувентус, ми треба нова мотивација, нов предизвик, ќе ја продолжам мојата кариера надвор од Италија. Не можам да кажам каде, се уште не сум потпишал договор, рече Лихтштајнер по мечот. Десниот бек има запишано 203 натпревари за Јуве на сите турнири, со постигнати 12 гола. Тој е шесткратен шампион во Серија А и трипати го освои Купот на Италија и Супер Купот.