Петриќ јуниор две години „црвено-црн“

Ристе Здравков — Tue, 30 May 2023 14:29:57 +0000

Македонскиот ракометен тим Вардар 1961 ќе прави реконструкција на тимот за следната сезона по разочарувачкото трето место во тукушто завршената кампања, а веќе е потврдено второто ново име. 22-годишниот ракометар на Партизан, Стефан Петриќ, постигна договор со вардарци, објави српски портал. Големиот ракометен потенцијал кој настапува на левата бековска позиција доаѓа како замена за Филип Талески кој се прости од Вардар. Претходно, Вардар го донесе и левото крило на Металопластика, Марко Срдановиќ. Синот на некогашниот ракометар на вардарци Владимир Петриќ ќе се стави на располагање на подготовките, а договорот е на две години. Петриќ веќе еднаш беше во Македонија, играше на У19 Светското првенство. Вардар чека потврда за настап во еврокуповите, а доколку таа пристигне, тогаш најтрофејниот македонски клуб ќе игра во квалификациите за Европската лига.

Вардар го бара Стефан Петриќ

Ристе Здравков — Wed, 17 May 2023 08:55:18 +0000

Левиот бек на Партизан, Стефан Петриќ, се наоѓа пред потпис со тимот на Вардар, пишува „Моцарт Спорт“. Иако за Петриќ има интерес од португалскиот Порто, сепак и македонскиот тим е во игра и има поголеми шанси да го добие неговиот потпис. Младиот лев бек, кој е син на поранешниот играч на Вардар, Владимир Петриќ, во јуни го завршува својот четиригодишен престој во Партизан и се подготвува за нов предизвик во кариерата. Владимир Петриќ ја заврши кариерата во Вардар во 2015 година, а дојде во 2011 во времето кога „црвено-црниот“ тим беше се уште под палката на Михајло Михајловски, како што е и сега. Вардар го очекува реконструкција на тимот ова лето, а потврдено е доаѓање на уште еден Србин, левото крило Марко Срдановиќ. Нема да биде изненадување ако уште некој српски интернационалец се пресели во Скопје.

стефан петриќ – Kurir.mk

Петриќ јуниор две години „црвено-црн“

Вардар го бара Стефан Петриќ