стефан величковски – Kurir.mk

Македонскиот учесник во „Ѕвездите на гранд“ стана татко: Се породи нашата водителка, пејачот е најсреќен – но не го откри името на бебето (ФОТО)

Дарко Андоновски — Mon, 20 Jun 2022 08:16:52 +0000

Откако неодамна и официјално впловија во брачните води и потпишаа заклетва на вечна верност, пејачот Стефан Величковски и ТВ водителката Ана Николовска сега за прв пат се остварија и како родители. Имено, македонскиот учесник во „Ѕвездите на Гранд“ на својот фејсбук профил ја сподели радосната вест со јавноста дека „штркот долетал“ и во нивното семејно гнездо, кое сефа е е збогатено со принова. неговаат сопруга Ана, на свет донесе девојче, а гордиот татко не ги криеше среќата и воодушевувањето, признавајќи дека нивниот брачен сон станал реалност. „Ми се роди ќерка!!! од денес сум најсреќниот татко на светот. нашиот сон стана реалност Ана Николовска Величковска. Ве сакам премногу принцези мои“ – напиша музичарот во пораката со која го обзнани татковството, иако барем засега ниту тој ниту мајката јавно не го открија името кое ќе го носи малечката убавица. Уште за време на свадбената веселба во почетокот на март 2022 год. која ја правеа во еден скопски локал, само најблиските во семејствата и оние кои беа присутни на свадбената веселба знаеа дека невестата е бремена, преку неколку фоторафии и јавноста можеше да види колку и нараснало трудничкото стомаче на невестата и идна мајка. ТВ водителката својата бременост очигледно вешто ја криеше, иако понекогаш со своите другарки знаеше да се појави на некој од викенд настапите на нејзиниот сопруг. Како и да е, нека им е со среќа приновата на среќните и горди родители.

Ексклузивно: Македонец направи скандал во „Ѕвездите на Гранд“

Ивана Ефремовски — Wed, 04 Dec 2019 21:27:02 +0000

Стефан Величковски, македонскиот пејач кој имаше чест да ја отвори четиринаесеттата сезона на „Ѕвездите на Гранд“ одлучил своеволно да го напушти натпреварот, иако успешно го помина првиот круг и го доби Ѓорѓе Давид Николиќ за свој ментор, дознава КУРИР. Имено, Величковски не присуствувал на првите две проби со менторот и ја известил продукцијата дека повеќе нема да настапува во овој музички натпревар. - Ова ми е трета година по ред и навистина многу ми помогна во кариерата. Имам премногу настапи и не можам соодветно да се посветам на натпреварот годинава, потребна ми е пауза. Лани имав одлична соработка со Вики, а сега одлучив да се повлечам пред да му го трошам непотребно времето на Ѓорѓе Давид. Имам поддршка од Саша Поповиќ и Гранд за се што работам, па се надевам дека многу наскоро токму таму ќе промовирам нешто ново на македонски јазик, открива Величковски. Челниците на најголемата српска продукција „Гранд“ не успеале да го убедат да продолжи во шоуто, но својата врата му ја оставиле отворена за да ги промовира сите нови материјали, како и повторно во некоја следна сезона на „Ѕвездите на Гранд“, дознава КУРИР. Како потсетување, Стефан Величковски е дипломиран музички професор со стекната диплома при Факултетот за музичка уметност во Скопје на отсек Музичка теорија и педагогија.

Бура од емоции: Стефан сними кавер-верзија на најубавата балада од Тоше Проески (ВИДЕО)

Ивана Ефремовски — Thu, 14 Nov 2019 16:01:11 +0000

Македонскиот пејач кој повторно го гледаме во најпопуларното регионално музичко шоу „Ѕвездите на Гранд“, Стефан Величковски ја обработи најубавата балада на Тоше Проески и сними видео за неа. -Годините поминуваат, но спомените остануваат... Затоа во твоја чест, најголем меѓу најголемите Тоше Проески, ја испеав една од твоите најубави балади со надеж твојот лик и дело никогаш да не згаснат, напиша Стефан под видеото од кавер-верзијата. Аудио обработката на песната „Још увек сањам да смо заједно“ ја направи Дарко Ристовски, а видеото е снимено во просториите на продукцијата „ДРД Медиа“. Величковски годинава повторно учествува во „Ѕвездите на Гранд“ и негов ментор е рокерот Ѓорѓе Давид Николиќ. Минатата година негов ментор беше атрактивната пејачката Вики Миљковиќ која лавовски се бореше за него.

Македонец ја отвора новата сезона на „Ѕвездите на Гранд“

Ивана Ефремовски — Wed, 18 Sep 2019 14:15:53 +0000

Честа да го скрши мразот и да ја отвори четиринаесеттата сезона на најгледаното регионално музичко шоу „Ѕвездите на Гранд“ ја имаше фронтменот на Дипломатик Бенд, Стефан Величковски. Имено, во првата емисија од првиот круг која ќе се емитува во сабота на 21-ви септември, Стефан одлучи да ги отпее „Просјак и краљ“ од Адил и „Све је на продају“ од Саша Матиќ, а со тоа и да си обезбеди билет за вториот круг. Новата сезона повторно носи промени во концептот, па овој пат покрај веќе докажаното шестчлено жири ќе има и специјален гостин кој ќе може да биде ментор на некои од кандидатите. Победникот и оваа сезона ќе добие ексклузивен договор со продукцијата „Гранд“, песна со видеозапис, како и автомобил.

Соочија Македонци: Двајцата имаа одлични настапи, па продукцијата се уплаши да не загуби еден и направи неочекуван потег

Ивана Ефремовски — Sun, 28 Apr 2019 08:26:47 +0000

Бидејќи се ближи крајот на оваа сезона од регионалното музичко шоу „Ѕвездите на Гранд“, кругот од најдобрите се стеснува. Овој пат во дуел од трет за четврти круг се напреваруваа кандидатите на Јелена Карлеуша и Вики Миљковиќ, односно нашите Филип Пецовски и Стефан Величковски. Иако ова на некој начин значеше дека еден од нив може да ги напушти „Ѕвездите на Гранд“, бидејќи само еден кандидат продолжува директно, тоа нема да се случи, иако според приложената снимка на телевизија, Величковски не доби пласман за понатаму. Стефан пред неколку дена на својот „Фејсбук“ се пофали со новите успеси во музичкото шоу, односно дека поминал во четвртиот круг, што веројатно се случувало зад камерите, а Вики Миљковиќ му дала златен глас за да го врати. Иако имаше одлична изведба, Стефан доби само два гласа од Ѓорѓе Давид и Марија Шерифовиќ, токму тоа ја распламти Вики Миљковиќ како негова менторка, која почна да им вика на колегите „како не им е срам“ за тоа што му го направиле. Таа почна да плаче, па го напушти студиото. Саша Поповиќ исто така кажа дека Стефан не е кандидат за излегување, но мораше да и спомене на Вики дека ќе треба да го врати со златен галс. Токму поради тоа веројатно, откако се исклучиле камерите, се случувала дополнителна драма, но сепак Стефан повотрно ќе го гледаме во четвртиот круг иако на крајот од шоуто кое се прикажуваше на телевизија, тој не беше меѓу оние кои одат понатаму.

Безобразна одлука на „Гранд“: Двајца Македонци ќе се борат еден против друг

Ивана Ефремовски — Wed, 27 Mar 2019 13:09:41 +0000

Повторно двајца Македонци еден против друг ќе се борат во регионално музичко шоу „Ѕвездите на Гранд“. Во најголемото студио на продукцијата „Гранд“ се одржа ждрепка за третиот круг, па секој од менторите доби свој противник. Вики Миљковиќ едвај чекаше да и се падне Јелена Карлеуша за противник, па откако Јелена го избра Филип Пецовски, Вики го избра Стефан Величковски за негов противник. Со оглед на фактот дека во оваа фаза на натпреварувањето има мал број на Македонци, оваа одлука е безобразна бидејќи еден од нив ќе мора да биде исфрлен од другиот. Јавноста се сеќава кога во шестиот круг во месец мај 2015 година, Ален Хасановиќ го исфрли од игра Филип Божиновски, но подоцна во баражот се врати Филип и заедно со Ален стигнаа до големото финале на шоуто.

Карлеуша безобразно распали по македонскиот пејач: „Ти си нешто најодвратно„!

Ивана Ефремовски — Mon, 10 Dec 2018 17:03:51 +0000

Во последното снимање на емисијата „Ѕвездите на Гранд“, настапуваше Стефан Величковски од Скопје. Стефан доби четири гласа, односно од Вики Миљковиќ, Џорџе Давид, Јелена Карелуша и Ана Бекута. Тој истакна дека очекувал да има многу гласови, по што настана општи хаос во студиото на „Гранд“. „Едвај чекам да се појави некој пејач и да го отпее Саша Ковачевиќ како треба. Не знам дали да те земам или не и изгледа дека ти ќе ме учиш како се пее, а не јас тебе“ дополни Џорџе, на што Стефан истакна дека и тој може да го учи рок пејачот како се пее. Стефан истакна дека доколку требал да се одлучи меѓу Вики и Џорџ тој ќе ја одбрал Вики. „Ти си дечко безобрзазен до крај. Ти си нешто најодвратно во последните неколку емисии. Тој арогантен став нема да те одведе никаде. Оди си, ја доби Вики, оди си, не сакам повеќе да те слушам“, распали Карелуша по Стефан. Нашиот претставник испеа одлично и оди понатаму, во вториот круг. Ова однесување на Карлеуша е далеку од професионално.

ПУКНА ТИКВАТА: Пејачот Стефан Величковски го напуштил „Дипломатик Бенд“

Ристе Здравков — Wed, 31 Oct 2018 13:07:16 +0000

Македонскиот пејач Стефан Величковски повеќе не е дел од музичката група „Дипломатик Бенд“. Имено, извор близок до популарниот македонски бенд кој инсистира на анонимност, ни откри дека во неделата (28 октомври) по завршувањето на настапот, пејачот Стефан Величковски го собрал бендот и им соопштил дека повеќе не сака да настапува со нив. Неофицијално, според исказот на нашиот извор, причината за неговото заминување по речиси 5 години поминати заедно и одржани повеќе од 500 настапи ширум Македонија, биле несогласувањата околу развојот на музичкиот состав. Одговор побаравме од Величковски, тој одговори на нашиот телефонски повик и кратко прокоментира за скандалот. – Не е точно дека имало било каква расправија. Ние одлично се согласуваме и ќе останеме пријатели и понатаму. Одлучив дека е време да направам промена и да почнам нешто ново, тоа е единствената причина, вели Величковски. Какви се неговите следни планови и што е тоа ново кое се подготвува во неговата кариера останува да дознаеме во наредниот период. Извор: idrol.mk