стефанос циципас – Kurir.mk

Циципас и тенисерите од грчката репрезентација задоволни што ќе играат на античкиот олимписки стадион „Панатенаик“

Ивана Ефремовски — Fri, 15 Sep 2023 13:33:40 +0000

Задоволство изразија тенисерите од грчката репрезентација, меѓу кои и Стефанос Циципас, за одлуката натпреварите со Словачка во првата група од Дејвис купот да се играат на античкиот олимписки стадион „Панатенаик“, потенцирајќи дека ќе имаат уникатно искуство, јави дописничката на МИА од Атина. Натпреварите ќе се одржат во текот на викендот, а на историскиот стадион во Атина за првпат ќе се игра тенис. Денеска беше одржана ждрепката за натпреварите, по што следеше и прес конференција како на селекторите на Грција и Словачка, така и на грчката репрезентација, а тенисерите коментираа дека ќе имаат уникатно искуство да играат на античкиот стадион. Број пет рекетот во светот Циципас рече дека е задоволен и од теренот и од стадионот по вчерашниот тренинг, истакнувајќи дека е во ист стил како и Австралија Опен. -Многу е убаво чувство да играш на еден ваков стадион. Имав можност како турист да го посетам пред неколку години и кога бев мал за време на училишни екскурзии, па така, да играм на овој стадион, за мене е нешто многу посебно, рече Циципас. Се осврна и на актуелната ситуација во Грција, велејќи дека ќе играат за сите оние „кои беа погодени од пожарите и поплавите во изминатите месеци во земјата“ и додаде дека тоа за нив ќе биде дополнителен мотив за да дадат сѐ од себе. Селекторот на грчката репрезентација Апостолос Циципас побара поддршка од гледачите да дојдат на стадионот да ја бодрат репрезентацијата, бидејќи навивачите се „дополнителна сила за играчите“. -Како што кажа и Стефанос поминуваме тешки моменти, а во овие тешки моменти особено за Тесалија, важно е да бидеме сите обединети, рече селекторот. Во текот на викендот ќе се одиграат вкупно пет натпревари, четири сингл и еден во двојки. Утре, на првиот ден од турнирот ќе играат број еден тенисерите од едната со број два тенисерите од другата репрезентација, натпреварите ќе ги отворат Александрос Скорилас и Алекс Молкан, а пота ќе следи и дуелот меѓу Стефанос Циципас и Лукаш Клеин. В недела е натпреварот во двојки, а потоа и останатите два сингл натпревари. На прес конференцијата во Атина присутна беше и девојката на Циципас, шпанската тенисерка Паула Бадоса. (МИА)

Циципас ќе испадне од топ 5, Руне ќе стане број 4

Ивана Ефремовски — Thu, 17 Aug 2023 19:34:41 +0000

Четвртиот светски рекет Стефанос Циципас загуби од Хуберт Хуркач во третото коло на Мастерсот во Синсинати со 3:6 и 4:6. Гркот не го одбрани минатогодишното финале и на следната АТП ранг-листа ќе падне на седмото место на ВТА, додека Холгер Руне сега ќе стане четврти светски рекет. Хуркач победи противник во топ-10 за прв пат во 2023 година. Тој ја прекина серијата од шест порази против играчи од ова ниво. Сега неговиот биланс против тенисери од топ-10 е 15:25. (МИА)

Циципас ја прекина серијата од пет порази во финалето на АТП турнирите

Ивона Петрова — Sun, 06 Aug 2023 10:46:04 +0000

Грчкиот тенисер Стефанос Циципас утрово го совлада Австралиецот Алекс Де Минаура со 6:3, 6:4 во финалето на турнирот во Лос Кабос. Дваесет и четиригодишниот Грк дојде до трофеј во Мексико и со тоа ја прекина серијата од пет порази во финалето на АТП турнирите. Во претходните финалиња Циципас загуби на Мастерсот во Синсинати 2022 година, Астана 2022, Стокхолм 2022, Австралија Опен 2023 и Барселона 2023 година.

Алкараз ја одбрани титулата во Барселона, Лајовиќ победи на турнирот во Бања Лука

Бошко Тасиќ — Sun, 23 Apr 2023 17:58:07 +0000

Шпанскиот тенисер Карлос Алкараз го освои турнирот во Барселона каде во големото финале го совлада петтиот светски рекет, Стефанос Циципас од Грција, со резултат 2:0 во сетови 6:3 и 6:4 за 80 минути игра. Тенисерот од Мурсија така ја потврди одличната форма, ова му беше деветта титула во кариерата, а трета оваа сезона, откако претходно ги освои Буенос Ајрес и Индијан Велс. Душан Лајовиќ од Србија е победник на турнирот во Бања Лука (Босна и Херцеговина) откако 2:1 во сетови 6:3, 4:6, 6:4 во завршната битка за пехарот беше подобар од Русинот Андреј Рубљов. За Лајовиќ ова е втора професионална титула во неговата кариера откако првата ја освои во 2019 година во Умаг. Лајовиќ не само што ја прекината серијата на Русинот од осум победи во низа, туку на овој турнир триумфираше над двајца играчи од ТОП 10. Претходно во четвртфиналната фаза го елиминираше сонародникот и прв светски рекет, Новак Ѓоковиќ.

Циципас и Алкараз ќе играат во финалето на турнирот во Барселона

Бошко Тасиќ — Sat, 22 Apr 2023 19:27:22 +0000

Грчкиот тенисер Стефанос Циципас, се пласираше во финалето на турнирот во Барселона по победата над Лоренцо Музети од Италија со 2-1, по сетови 6-4, 5-7 и 6-3. Циципас го победи 20-тиот играч на ранг листата после еден час и 29 минути игра. Гркот во финалето го чека шпанскиот тенисер Карлос Алкараз. Алкараз со 2-0 го совлада Даниел Еванс од Велика Британија, по сетови 6-2, 6-2.

Циципас: Монте Карло е уникатно место и мило ми е што повторно играме на овие терени

Тале Кристо — Wed, 12 Apr 2023 08:15:19 +0000

Грчкиот тенисер Стефанос Циципас го коментираше првиот меч сезонава на земјена подлога. Во второто коло на турнирот во Монте Карло, Циципас забележа победа, откако неговиот ривал Бенџамин Бонзи се повлече поради повреда при водство на Гркот со 4:1. - Почнав одлично. Водењето 3:0 е секогаш добро. Генерално, мило ми е што се вратив на тлото на Монте Карло. Тоа е уникатно место на турнејата и мило ми е што повторно играме на овие терени. Враќа многу пријатни спомени. Жално е што ова му се случи на мојот противник. Му посакувам се најдобро, изјави Циципас за „АТП“. Во следниот натпревар Гркот ќе игра со победникот од мечот Николас Хари (Чиле) - Алексеј Попирин (Австралија). Гркот е актуелен шампион на Мастерсот во Монте Карло.

Циципас прв финалист на Австралија опен

Катерина Бојаџиева — Fri, 27 Jan 2023 08:29:20 +0000

Гркот Стефанос Циципас е првиот финалист на Австралија опен, откако во денешното полуфинале во Мелбурн го совлада Карен Хачанов од Русија со 3-1 во сетови (7-6, 6-4, 6-7, 6-3). За Циципас, четврто рангиран на АТП листата, ова ќе биде негово второ грен – слем финале во кариерата по Роланд Гарос во 2021 година. Противник на 24-годишниот Циципас во недела ќе биде победникот од вториот полуфинален дуел меѓу американскиот тенисер Томи Пол (АТП-35) и Србинот Новак Ѓоковиќ, кој допатува во Мелбурн со цел да ја освои својата 22. Грен – слем титула.

Полуфинале за Циципас на Австралија Опен

Ивона Петрова — Tue, 24 Jan 2023 14:51:53 +0000

Грчкиот тенисер Стефанос Циципас ќе игра во полуфиналето на Австралија опен. Гркот денес во три го победи Јири Лехечка со 6:3, 7:6 и 6:4. Противник на третиот носител во полуфиналето ќе биде Карен Качанов од Русија. Другата полуфинална двојка на Грен слемот во Мелбурн ќе биде позната утре по мечевите: Бен Шелтон (САД) – Тому Паул (САД) Новак Ѓоковиќ (Србија) – Андреј Рублев (Русија).

Искуството пресуди – Циципас го победи Лехечка

Ристе Здравков — Tue, 24 Jan 2023 12:59:25 +0000

Стефанос Циципас ќе му се спротивстави на Карен Хачанов во првото полуфинале на Австралија опен. Гркот во последниот меч од денешната програма го победи Јиржи Лехечка. Циципас на искуство славеше против 21. годишниот Чех, со што го повтори резултатот од минатата година кога исто така играше во полуфиналето, во кое беше поразен од Данил Медведев. Циципас славеше во три сета со 6:3, 7:6, 6:4. Првиот сет го доби откако направи брејк во вториот гем. До 2:0 во сетови дојде во тај-брејкот, откако во четвртиот гем спаси пет брејк топки. Еден брејк и тоа во 10.гем му беше доволен да го освои третиот сет, откако претходно во седмиот гем спаси три врзани брејк топки.

Циципас по пет сета го совлада Синер за четвртфинале во Мелбурн

Бошко Тасиќ — Sun, 22 Jan 2023 13:30:04 +0000

Грчкиот тенисер Стефанос Циципас се пласираше во четвртфиналето на Австралија Oпен, oткако по пет сета славеше над Јаник Синер (6-4, 6-4, 3-6, 4-6, 6-3). Мечот траеше нешто повеќе од четири часа, Циципас во четвртфиналето ќе игра со Јиржи Лехеко. Четврторангираниот светски тенисер до водство во сетови стигна по двата врзани брејка, а слична беше ситуацијата и во вториот сет. Гркот беше поконцентриран во клучните моменти и заслужено поведе со 2-0. Сепак, Синер покажа квалитет и ја врати неизвесноста на натпреварот. Во третиот сет славеше со 6-3, додека во четвртиот одново го исфрли од игра фаворизираниот противник и израмни на 2-2. Решавачкиот сет беше решен во шестиот гем, кога Циципас ја врати играта од првиот сет и успеа да ја зачува предноста до крајот. .