„Стејплс центар“ – Kurir.mk

„Стејплс центар“ ги отвора вратите, последно збогум за Коби и Џиана

Ивона Петрова — Mon, 24 Feb 2020 07:01:55 +0000

„Стејплс центарот“ денеска ќе биде отворен за сите кои сакаат да им оддадат последна почит на загинатиот кошаркар Коби Брајант и неговата ќерка Џиана. Јавната комеморација е закажана за денеска 24.2.2020, датум што симболично го означува бројот на дресот на Коби, неговата 20 годишна кариера и бројката (2) на дрес што ја носеше неговата ќерка. -Ние сме град во кој луѓето веруваат едни во други. Веруваме во нешто поголемо од самите себе. Ќе направиме апсолутно се за да овозможиме секој кој ќе посака да може да дојде, вети градоначалникот на Лос Анџелес, Ерик Гарсети. Коби и Џиана беа погребани на 7 февруари на приватна церемонија затворена за јавноста. Коби Брајант, неговата ќерка Џиана и уште 7 лица настрадаа во хеликоптерска несреќа која се случи на 26 јануари годинава. Останатите загинати се Алиса Алтобели (13), нејзиниот татко Џон Алтобели (56) и мајка ѝ Кери Алтобели, кошаркарскиот тренер од училиштето Харбор Деј, каде што учела Џиана, Кристина Маузер (38), Пејтон Честер (13) исто така соученичка на Џиана, Сара Честер (45) мајка на Пејтон, и пилотот Ара Зобајан.

ФОТО+ВИДЕО: Лејкерс го расчитува просторот пред „Стејплс“, љубовта од навивачите ќе заврши во домот на Коби

Ивона Петрова — Tue, 04 Feb 2020 09:25:28 +0000

Над 1.300 кошаркарски топки со разни пораки, дресови, маици, писма полни со емотици, играчки, патики се само дел од предметите кои бројните навивачи од сите страни на светот ги оставија пред „Стејплс центарот“ по смртта на Коби Брајант, а во негово сеќавање. Управата на домот на Лос Анџелес Лејкерс, одлучи една недела по големата трагедија, да го расчисти просторот пред „Стејплс“ кој по големата трагедија се претвори во меморијален центар. Оставените фотографии, маици, писма ќе бидат проследени до сопругата Ванеса во следните неколку денови. -Ванеса ни се јави и ни кажа: „Моето семејство ги сака тие работи.“ Ќе го означиме секој предмет, маица, писмо, кошаркарска топка, плишана играчка. Ќе ги ставиме во посебни контејнери и ќе ги испорачаме до семејството, изјавила претседателката на управата на центарот. За потсетување во хеликоптерска несреќа која се случи на 26 јануари животот го загубија 9 лица: Коби Брајант, неговата ќерка Џиана (13), бејзбол тренерот Џон Алтобели, неговата сопруга Кери и ќерката Алиса, Кристина Маузер, Сара Честер и нејзината ќерка Пејтон и пилотот Ара Зобајан.

ФОТО: Навивачи на Лејкерс се собраа пред „Стејплс центар“ во чест на Коби Брајант

Ивона Петрова — Mon, 27 Jan 2020 06:26:19 +0000

Стотици навивачи на Лос Анџелес лејкерс излегоа пред „Стејплс центар“ да му укажат последна почит на нивниот миленик и една од најголемите ѕвезди во историјата на клубот, Коби Брајант. Четириесет и едногодишниот Брајанат вчера почина во хеликоптерска несреќа во Калифорнија. Тој полетал со неговиот приватен хеликоптер заедно со неговата ќерка Џиана, уште двајца патници и пилотот. Ниту еден од патниците не ја преживеа несреќата по падот на хеликоптерот во Калабасас, Калифорнија.