Стелиос Пецас – Kurir.mk

Пецас: Карантинот во Грција продолжен до 7 декември

Ивона Петрова — Thu, 26 Nov 2020 12:02:29 +0000

Постоечките рестриктивни мерки за заштита од коронавирусот се продолжуваат до понеделник, 7 декември, во 6 часот наутро, соопшти портпаролот на грчката Влада Стелиос Пецас на денешниот редовен брифинг со новинарите, јави дописничката на МИА од Атина. Според тоа, карантинот во Грција, наместо на 30 ноември, ќе заврши една седмица подоцна. Пецас објасни дека оваа одлука на Владата се наметнува поради епидемиолошката слика во земјата.

Пецас: Грција ја поддржува ЕУ перспективата на регионот, но никој не може да спречи земја членка да покренува свои прашања

Тале Кристо — Mon, 16 Nov 2020 13:49:32 +0000

Ќе продолжиме да ја поддржуваме европската перспектива на регионот, но никој не може да спречи земја членка на Унијата да покренува свои прашања во пристапниот процес, рече портпаролот на грчката Влада Стелиос Пецас на денешниот редовен брифинг со новинарите, одговарајќи на прашањето на дописничката на МИА од Атина, за тоа каков е ставот на Грција за бугарските позиции во однос на патот на нашата земја кон ЕУ. Πецас, сепак изрази надеж дека на крајот ќе се отвори вратата за европска перспектива за земјите од регионот. – Ние традиционално сме за зајакнување на врските на земјите од целиот регион и секако ја имаме поддржано европската перспектива на земјите од Западен Балкан. И ќе продолжиме да го правиме тоа. Оттука, како што знаете и ние во минатото кажавме дека ќе одиме на отворање и затворање на преговарачките поглавја согласно и со нашите интереси. Ќе гледаме, во интегративниот процес да гарантираме дека се задоволени грчките интереси. Во овие рамки, никој не може да спречи никоја друга држава членка да покренува свои прашања во процесот. Се надеваме дека на крајот од патот навистина ќе се отвори вратата за европска перспектива и на овие земји, рече Пецас.

Пецас: Во континуиран контакт сме со надлежните власти од земјите од Балканот

Тале Кристо — Thu, 09 Jul 2020 13:02:53 +0000

За жал трендот на нови случаи во регионот е нагорен, во континуиран контакт сме со надлежните васти од балкански земји за да им пренесеме техничко знаење и да размениме мислења, изјави портпаролот на грчката Влада, Стелиос Пецас на денешниот редовен брифинг со новинарите, одговарајќи на прашањето во однос на евентуалната можност за отворање на копнените граници за државјаните од соседните земји на Грција по 15 јули. – Секојдневно, одблизу, го следиме развојот на позтивни случаи во сите балкански земји. За жал, трендот е нагорен и тоа нагло нагорен. Нешто што нѐ доведе до тоа да бидеме претпазливи. Во континуиран контакт сме со надлежните органи од другите балкански земји за да им пренесеме техничко знаење и да размениме мислења, објасни портпаролот на грчката Влада. Тој нагласи дека на почетокот одлуката на грчката Влада за влез на туристи да биде отворен само граничниот премин Промахонас (Кулата) наишла на критики, но дека сега со големиот број регистрирани позитивни случаи кај туристи е јасно дека „поинаква одлука би создала многу поголеми проблеми за Грција”. Во периодот од 1 до 6 јули, биле направени 31.169 тестови на посетители на Грција, а како што објасни Пецас, позитивни биле само 0,3 отсто од нив, односно 100 туристи. Тој исткна дека „увезените случаи претставуваат опасност, но не се главната опасност”. – Главната опасност е во внатрешноста и произлегува од опуштеноста. Опуштеноста се гледа. Кристално јасна е околу нас во сите апекти на економската и општествената активност и во наши раце е да ја запреме, истакна Пецас. Портпаролот на грчката Влада на денешниот редовен брифинг со ноинарите неколку пат се осврна и повтори дека во внатрешноста на земјатав постои опуштеност и објасни дека државниот механизам е подготвен да ги интензивира контролите за почитување на мерките, додавајќи дека казните за прекршувачите се строги. (МИА)

Грција секои две седмици ќе се ажурира листата со трети земји за влез

Тале Кристо — Thu, 02 Jul 2020 11:21:02 +0000

Грција секоја седмица ќе ја разгледува и ќе ја оценува ситуацијата со туристите во земјата, а секои две седмици ќе се ажурира листата со трети земји за кои ќе биде дозволен влез, рече портпаролот на грчката Влада Стелиос Пецас одговарајќи на прашањето на денешниот редовен брифинг со новинарите. -Листата ќе се ажурира секои две седмици, но ние секоја седмица ќе имаме проценка како поминала претходната, за навремено, да биде соопштено, секогаш во соработка со нашите партнери, за да постои неопходната подготовка, рече Пецас. За копнените граници, објасни дека на границата со Бугарија, влезот за посетители е дозволен само од преминот Промахонас (Кулата), додека пак на премините со Северна Македонија, Албанија и Турција, дозволени се само преминување oд есенцијални причини. Говорејќи за туризмот објасни дека епидемиолозите се подготвени за сите сценарија, доколку биде потребно да се интервенира при евентуален зголемен број на случаи на Ковид-19 и додаде дека првите 15 дена од месецов „ќе бидат денови кога ќе се собираат податоци и ќе се следи ситуацијата, не само со туристичките бранови, туку и со резултатите од спроведените тестови“. Во однос на вчерашниот прв ден од отвoрањето на аеродромите во Грција, Пецас рече дека на 16 од нив биле направени 5.889 тестови, а резултатите ќе бидат соопштени во текот на денешниот ден. За формуларот што е неопходен за сите кои пристигнуваат во Грција, портпаролот на грчката Влада објасни дека до недела ќе биде преоден период за туристите и ќе им се дава можност да го пополнат и при пристигнувањето, додека пак од понеделнк 6 јули, ќе биде задолжително да се пополни 48 часа пред патувањето. Денеска, по речиси четири месеци преку видеоконференција, брифингот на портпаролот на грчката Влада Стелиос Пецас се одржа со присуство на новинарите и странските дописници, но со сите неопходни мерки за лична заштита. (МИА)

Пецас: Правиме сѐ што можеме за да ги ублажиме негативните последици од национално штетниот Договор од Преспа

Ивана Ефремовски — Wed, 11 Sep 2019 12:00:59 +0000

Договорот од Преспа е национално штетен и правиме сѐ што можеме за да ги ублажиме негативните последици како за македонските производи така и во врска со македонскиот јазик и националност кои имаат некои негативни последици, вели портпаролот на грчката влада, Стелиос Пецас на денешниот редовен брифинг со новинарите, одговарајќи на прашањето како грчката влада го карактеризира Договорот од Преспа, јави дописничката на МИА од Атина. – Премиерот, како на саемот во Солун каде што беше прашан, но и во неговите меѓународни контакти со лидерите на други европски земји, како што беше во Франција, Германија и Холандија договорот го карактеризираше како национално штетен договор и правиме сѐ што можеме за да ги ублажиме негативните последици како за македонските производи така и во врска со прашањата за македонски јазик и националност што имаат некои негативни последици, рече Пецас. (МИА)