стенковец – Kurir.mk

Обука на армиските единици на вежбовниот полигон и стрелиште „Стенковец“

Ивона Петрова — Thu, 05 May 2022 11:53:28 +0000

На вежбовниот полигон и стрелиште „Стенковец“ од вчера па до 8 мај во вечерните часови ќе се изведува обука на армиските единици во склоп на која ќе се користат вежбовни артифиции, информира Министерството за одбрана (МО). -За време на изведување на планираните активности во склоп на обуката, во одредени периоди ќе се слушаат истрели од вежбовна муниција и други вежбовни средства, а ќе има и зачестено движење на воени возила, додека во утринските часови на ден 6 мај ќе има и активности во воздух, соопшти МО. Наведените активности, се вели во соопштението, се дел од редовните планови за изведување на неопходната обука на припадниците на армиските единици на овој полигон, при што се преземени сите неопходни превентивни мерки за безбедност на учесниците и околината. -Согласно процедурите, со наведената активност се запознаени и надлежните институции на територијата на град Скопје, потенцираат од МО.

Четири дена ќе слушаме пукање и ќе гледаме воени возила: Не се вознемирувајте, еве што ќе се случува во Скопје и околината

Ивана Ефремовски — Wed, 04 May 2022 15:11:01 +0000

Армијата на Република Македонија со цел транспарентно прикажување на активностите кои можат да предизвикаат зголемен интерес, ги информира граѓаните на Скопје и околината дека од вечерните часови на ден 04.05 до 08.05.2022 година, на вежбовниот полигон и стрелиште „Стенковец“ ќе се изведува обука во склоп на која ќе се користат вежбовни артифиции. За време на изведување на планираните активности во склоп на обуката, во одредени периоди ќе се слушаат истрели од вежбовна муниција и други вежбовни средства, а ќе има и зачестено движење на воени возила, додека во утринските часови на ден 06.05.2022 година ќе има и активности во воздух. -Наведените активности се дел од редовните планови за изведување на неопходната обука на припадниците на армиските единици на овој полигон, при што се преземени сите неопходни превентивни мерки за безбедност на учесниците и околината. Согласно процедурите, со наведената активност се запознаени и надлежните институции на територијата на град Скопје, информираат од АРМ.

В недела отворен ден за воздухоплови на спортскиот аеродром „Стенковец“, еве што ќе можете да видите

Ивона Петрова — Wed, 04 May 2022 12:36:17 +0000

В недела на 8 мај на спортскиот аеродром „Стенковец“ граѓаните ќе имаат уникатна можност одблиску да видат дел од воздухопловите кои се користат на вежбата „Swift Response 22“ која се реализира на армискиот полигон „Криволак“, информираат од Министерството за одбрана. Ги повикуваат граѓаните да го посетат отворениот ден за воздухоплови, што ќе трае од 10 до 16 часот, и нагласуваат дека дел од отворениот ден за воздухоплови ќе бидат хеликоптерите АХ-64 Апачи, УХ-60 Блек Хоук, ЦХ-47 Чинук, ХХ-60, Ми-17 и Бел, авионите Злин, а во периодот од 11:30 до 12:30 часот прелет над аеродромот ќе направат авиони А-10 Тандерболт 2, ловци Ф-16 и Ее Тректор. За време на отворениот ден, граѓаните ќе можат да се запознаат и со воената професија, како и со содржините на магазинот на Министерството, „Штит“. В недела Министерството за одбрана ќе организира превоз од спортската сала „Борис Трајковски“ (голем паркинг на салата) до спортскиот аеродром „Стенковец“ и обратно. Тргнувањето од салата „Борис Трајковски“ ќе биде во 9:30, 10:30 и 11:30 часот, а тргнувањето од „Стенковец“ во 13:30, 14:30 и 15:30 часот.

Нападнат полицаец за време на полициски час, напаѓачот уапсен

Ристе Здравков — Sun, 24 May 2020 10:01:09 +0000

На 23.05.2020 во 20.45 часот на пункт „Стенковец“ во Скопје полициски службеници од СВР Скопје го лишиле од слобода М.М.(27) од Скопје бидејќи физички нападнал полициски службеници при вршење на службени дејствија. За настанот е известен јавен обвинител, а по целосно документирање на случајот против пријавениот ќе биде поднесен соодветен поднесок.

Од денеска изменет сообраќаен режим на патот Хиподром-Стенковец

Тале Кристо — Wed, 20 May 2020 06:42:29 +0000

Од денеска на патниот правец Хиподром – Стенковец поради градежни активности ќе има изменет сообраќаен режим во времетраење од два дена. Од Авто мото сојузот на Македонија информираат дека ќе се поставуваат индуктивни јамки на автопатот А2, патен правец Хиподром-Стенковец.

Османи: Во областа Стенковец ќе изградиме меморијален центар на албанскиот холокауст во спомен на избрканите од војната на Косово

Ивона Петрова — Sun, 21 Oct 2018 13:35:44 +0000

Вицепремиерот задолжен за европски прашања, Бујар Османи, кој беше поканет на третиот Конгрес на лигата на Албанците во светот, каде што освен раководство и делегати на Лигата на Албанците во светот, присутни беа и многу други личности од различни области, бизнисот, културата, уметноста, исто така присуствуваше и вицепремиерот на Косово, Енвер Хоџај. -Албанците насекаде ги живеат најсветлите моменти во нашата национална историја, со една Албанија во НАТО и која стабилно оди по патот кон Европската Унија, со независно и слободно Косово која пред неколку дена ја формираше своја војска и со Македонија што ја унапредува улогата на Албанците во нивната позиција за формирање и градење на државата, меѓу другото, истакна Османи, пренесува Журнал.мк. За време на неговиот говор, заменик премиерот Османи пред присутните денес ексклузивно изјави дека се прават напори за заокружување на идејата дека многу брзо во областа на Стенковец ќе се изгради најголемиот центар на албанскиот холохаус во спомен на сите оние кои беа протерани во војната на Косово и кои беа примен во Македонија, но и во спомен на минатото, но, исто така, и да се изгради една платформа што ќе биде доволна за помирување на народите која е единствена гаранција за стабилен регион ориентирана кон интеграција во евро-атлантските структури.