Стерјо Зиков – Kurir.mk

Зиков: Не сум задоволен од пресудата за Ѓоко Поповски

Даниел Василев — Tue, 22 May 2018 13:21:11 +0000

Адвокатот на осудениот Ѓоко Поповски, Стерјо Зиков попладнево изрази незадоволство од изречената пресудата и од висината на казната. - Да се даде девет години за кривично дело сторено пред 10 години во јавна набавка за која сега постои различно толкување на прописите дали биле правилно применети или не, сметам дека е работа за која не треба да се коментира. Ќе се обидам да се воздржам, тоа го бараше и Ѓоко од мене достоинствено да ја сослушаме пресудата и да продолжиме понатаму да се бориме со поднесување жалба до повисокиот суд, изјави Зиков пред Кривичниот суд. Додаде дека ќе поднесе жалба за изречениот притвор за Поповски, но оти не очекува ефект од тоа. Зиков рече дека неговиот клиент сериозно е загрижен и за утрешното изрекување на пресудата во случајот „Тенк“ за набавката на луксузниот мерцедес, каде е еден од обвинетите. Поповски, како што рече Зиков, побарал од него да каже дека утре не сака да присуствува во Судот при изрекувањето на пресудата. МИА

Одбраната во случајот „Тенк“ се сомнева во стручните познавања на вештакот Герамитчиевски

Матеја Петровски — Wed, 25 Apr 2018 14:50:14 +0000

Одбраната во случајот „Тенк“ се обидуваше да извлече одговори од сведокот вештак, Тале Герамитчиевски за како што кажа адвокатот Стерјо Зиков, да ги докаже неговите стручни познавања во врска со тендерската документација и во делот на спецификациите на возилото. Но, безуспешно. Судијата Кацарска ги усвојуваше сите приговори на ЈО на прашањата од одбраната. Адвокатите беа спречени во обидот да извлечат нешто повеќе од вештакот, кој бил задолжен да ги анализира и споредува техничките карактеристики од листата на спецификации со набавеното возило Мерцедес с 600 Гард. Па, според тоа адвокатката Сања Алексиќ рече дека одбраната се сомнева во стручните знаења на вештакот Тале Герамитчиевски. И денешното рочиште за Тенк заврши по работното време. Иако Коалицијата Сите за правично судење ја истакнаа својата загриженост по однос на динамиката на движење и траење на овој случај, овој судски совет продолжува да го прекршува членот 6 од Европската конвенција за човекови права кој упатува на минимални утврдени права на обвинетиот меѓу кои и обезбедување на време и услови за подготвување на одбраната. Со пролонгираното времетраење на рочиштето, а по завршувањето на работното време на судот, се смета дека се постапува на штета на обвинетите во постапката со тоа што се врши повреда на нивното право на одбрана, се вели во овој член. Следното рочиште е закажано за 8 мај на кое ќе се читаат писмените докази од страна на одбраната.

Зиков: Судот им нареди на СЈО да ни ги достават преслушкуваните разговори и СМС пораки, но откако СЈО не го испочитува, судот си го отповика решението

Катерина Бојаџиева — Thu, 15 Feb 2018 17:24:09 +0000

Адвокатот на одбраната за обвинението „ТНТ“ Стерјо Зиков, во кој обвинети се поранешниот лидер на ВМРО-ДПМНЕ Никола Груевски, Миле Јанакиевски и екс градоначалникот на Гази Баба Тони Трајковски, во телефонски разговор во Вестите на Сител истакна дека од судот барале да направат копија од разговорите и СМС пораките како доказ кои ќе се користат во постапката. Судот на првото рочиште го задолжило СЈО да им ги достави материјалите на адвокатите на одбраната, но откако СЈО тоа не го направиле, на следното рочиште судот го отповикал своето решение. Главната расправа се заглави и застана во главно околу ова прашање. Судијата на првата расправа ги прифати нашите аргументи и го задолжи СЈО да ни достави цедињата, меѓутоа на следната расправа од кога тоа СЈО не го стори, судот го отповика своето решение. Исто така како што ви кажав без да ни даде соодветно образложение за тоа, рече Зиков. Тој додаде дека тие како одбрана барале од судот да дозволи да се да се направи копија од цедињата и да им се достави, се со цел во свои услови да ги погледнат и да ги преслушаме овие снимки доколку има потреба да направат и некои други дополнителни истражувања. Овие докази не може да бидат соодветни и да се сметаат исто како доказите што во други предмети на пример се применуваат со посебни истражни мерки., каде што тоа се прави во една строго пропишана процедура, тогаш доказите остануваат во судот и се во еден примерок. Меѓутоа овие докази не се од таков карактер, не се прибавени со посебни истражни мерки и во таа смисла ги сметаме дека се обични докази како и сите други докази што се во предметот, што обвинителството без никаков проблем ни ги достави, заврши Зиков.