стевче алушовски – Kurir.mk

Стевче Алушовски е нов тренер на РК Охрид

Бошко Тасиќ — Tue, 30 May 2023 20:00:39 +0000

Стевче Алушовски е нов тренер на РК Охрид, договор што би требало да биде официјализиран во наредните неколку дена. Долгогодишниот македонски репрезентативец на почетокот од тренерската кариера ги водеше Пелистер и Вардар, а потоа замина кратко време во исландскиот клуб Тор, но Алушовски сега е решен да се врати назад на домашната сцена. Допрва ќе биде формиран играчкиот ростер, а според последните информации нови имиња во Охрид ќе бидат двајцата ветерани од Еурофарм Пелистер, Кукоски и Ојлевски, кои се слободни играчи по истекот на договорот со битолчани.

Алушовски: Почувствував позитивна енергија, верувам дека овие момци ќе нè надминат

Бошко Тасиќ — Wed, 04 Jan 2023 06:13:38 +0000

По спектаклот Стевче Алушевски ги искажа своите емоции и позитивните вибрации кои ги почувствува на теренот. „Беше ова ревија и убава прилика да си посакаме среќни празници меѓусебе. Уживав во ова што се случуваше вечерва. По десет години пак сум на терен и пак пред полна сала. Осетив една позитивна енергија кај сите и верувам дека таа позитивна енергија ќе се пренесе на Светското првенство.За среќа на помладите повеќете од нас играа со нив во репрезентацијата. Тие имаат добар учител во селекторот Лазаров. Ние сме секогаш тука за позитивна критика и совет што е потребно за големи натпреварувања. Не мора веднаш, но можат по две-три години да го остварат тоа што ние го остваривме во Србија, а се надевам дека и ќе нè надминат“, рече Стевче Алушевски. Натпреварот имаше хуманитарен карактер, целата заработка од продадените влезници ќе биде донирана за СОС Детското село.

Стевче Алушовски се раздели со исландски Тор

Бошко Тасиќ — Wed, 23 Nov 2022 06:09:08 +0000

Македонскиот тренер Стевче Алушовски си заминува од Исланд каде беше тренер на екипата на Тор и во иднина ќе има нов предизвик. .Алушовски и Тор потпишаа тригодишен договор пред стартот на новата сезона, но второлигашот и македонскиот стратег спогодбено го раскинаа предвреме и така Алушовски е слободен за понатаму.

Стевче Алушовски се пресели во Исланд

Бошко Тасиќ — Sun, 15 Aug 2021 17:38:34 +0000

Македонскиот ракометен тренер Стевче Алушовски кариерата ќе ја продолжи во странство, каде во првиот интернационален ангажман ќе работи на Исланд. Тренерот кој до скоро беше предводник на европскиот великан Вардар, се пресели во исландскиот ракомет каде ќе работи во второлигашот Тор Акурејри. Договорот меѓу Алушовски и клубот е потпишан и важи за следната сезона и тимот ќе атакува на враќање во елитата од каде испадна лани. Алушовски веќе пристигна на Исланд, ги заврши сите формалности и ја имаше првата средба со екипата. Целта е да се состави добар тим, да се селектира најдоброто и да се обезбеди враќање во првата лига. Кај тренерот, постои голем оптимизам дека она кое се посакува ќе биде успешно сработено.

Стевче Алушовски: Остваривме три од четирите цели оваа сезона и честитки до играчите за максималното залагање до крајот

Бошко Тасиќ — Tue, 08 Jun 2021 18:58:28 +0000

Ракометниот шампион на Македонија Вардар ќе замине на одмор со победа над Металопластика и пласман во четвртфиналето во СЕХА лигата, рунда за која натпреварувањето дополнително ќе одреди термини и која ќе се одигра после извесно време. Стевче Алушовски стави крај на своајта етапа како тренер на македонскиот првак, но покрај него, од Скопје се збогуваа уште осум ракометари, а дури седум добија плакети со вардаровиот дрес за посебни заслуги. Јосип Векиќ, Васко Шеваљевиќ, Робин Кантегрел, Ловро Јотиќ, Марко Кизиќ, Кристијан Дисингер, Глеб Калараш и Иван Чупиќ се играчите кои си заминуваат од Вардар покрај тренерот Алушовски, кој на својот последен прес како тренер на Вардар нагласи дека си оди со остварени три од зацртаните четири цели на стартот од сезоната. – Сакам да им честитам на моите играчи за перформансите на двата натпревари против Металопластика. Не е лесно да се игра, да пронајдете мотивација во последните натпревари од сезоната и беше јасно дека се мачевме да најдеме ритам во првите 15-тина минути. Остваривме три од четирите цели оваа сезона и честитки до играчите за максималното залагање до крајот. Денеска добија шанса и оние кои помалку играа, но на крајот ги вклучив и поискусните за да се вратиме по негативата, изјави Алушовск

Стевче Алушовски: Горд сум на играчите, ова е нивна титула

Бошко Тасиќ — Wed, 02 Jun 2021 20:43:56 +0000

Ракометниот стратег Стевче Алушовски со Вардар ја прослави и првенствената титула. Како тренер на „црвено-црните“, Алушовски успеа да ја освои својата прва шампионска титула со најтрофејниот македонски тим. „Ова ми е прва титула како тренер и навистина ми е драго и чест што работев со оваа група момци. Горд сум на сите нив, ова е нивна титула. Од февруари до денеска одигравме 33 натпревари, беше напорно, со мал ростер и играчи кои требаше да ги извојуваат главните битки. Презадоволен сум, пресреќен и прегорд на момците, на сите што работат во клубот. За жал оваа сезона ја игравме без публика, можеби спектаклот ќе беше поголем, но што е тука е. На Вардар му посакувам уште многу двојни круни“, изјави Алушовски, кој по завршувањето на официјалната сезона.

Алушовски потврди, заминува од Вардар – Вујовиќ се враќа во црвено-црните?

Ивона Петрова — Tue, 04 May 2021 06:52:14 +0000

Стевче Алушовски по завршувањето на оваа сезона повеќе нема да биде предводник на Вардар 1961. -Точно е, по завршување на сезоната повеќе нема да бидам тренер на Вардар. Засега нема ништо дефинирано, сакам добро да размислам. Во секој случај сум благодарен за оваа шанса што ја добив, за мене е големо искуство. Останува до крајот да го исполниме зацртаното, истакнал Алушовски за Спортмедиа. Предводникот на „црвено-црните“ има шанси да остане во клубот, но истовремено размислува и за други опции. Алушовски во Вардар го наследи Едуард Кокошков во 2019 година и најголем успех му беше осминафиналето во Лигата на шампионите каде беше сопрен од Веспрем. Секако пред да го напушти кормилото на Вардар пред Алушовски останува битката за суперлигата и куп титулата. Најверојатно наследник на Алушовски ќе биде Веселин Вујовиќ кој се споменува како нов тренер.

Стефче Алушовски на крајот од сезоната заминува од Вардар

Бошко Тасиќ — Mon, 03 May 2021 16:33:03 +0000

Македонскиот ракометен шампион Вардар 1961 од следната сезона ќе добие нов тренер. Имено, договорот на Стевче Алушовски истекува на крајот од оваа сезона, па на средината од јуни, кога ќе заврши плеј-офот, македонскиот стратег ќе биде слободен да побара нова средина. Преговори за нов договор нема, па Алушовски и Вардар 1961 ќе се разделат, а на клупата на скопскиот клуб ќе седне нов тренер. Вардар оваа сезона стигна до осминафиналето на Лигата на шампионите , а на домашна сцена е лидер во плеј-офот по осум одиграни кола во Супер лигата. Алушовски ќе се обиде да ја освои двојната круна до крајот на својот договор со Вардар 1961. Најсериозен кандидат за наследник на Стевче Алушовски на клупата на Вардар 1961 е Веселин Вујовиќ.

Алушовски се огласи по тешкиот пораз на Вардар

Ивана Ефремовски — Thu, 01 Apr 2021 19:00:58 +0000

Стевче Алушовски, тренерот на Вардар, посочи дека и во вакви тешки моменти може да се извлече поука. „Честитки до Веспрем за големата победа и без разлика што треба да се одигра реваншот, тие се веќе во четвртфиналето. По ваков тежок пораз, не би знаел што да кажам. Тешко е, лошо го отворивме натпреварот. Не искористивме шанси да бидеме егал во моменти кога на теренот имавме двајца играчи повеќе, по што беше невозможно да се надополни недостижната разлика. По овој пораз треба сите да се погледнеме во очи, ова е големо разочарување за играчите, за мене, за претседателот, за клубот… Се надевам ќе се потрудиме да одиграме подобро во Унгарија“, истакна Алушовски. Возвратниот натпревар меѓу Вардар и Веспрем е предвиден за седум дена, на 8 април.

Стевче Алушовски: Жалам што не победивме со поголема разлика

Бошко Тасиќ — Sat, 27 Mar 2021 19:54:45 +0000

Стратегот на актуелниот ракометен шампион Вардар 1961 Стевче Алушовски беше презадоволен од победата, но додаде и дека можеле да победат со повеќе гола разлика. „Честитки до Е.Пелистер за коректната борба, ние одигравме одлично во одбраната. Мислам и дека конечниот резултат не е вистински приказ на тоа што се случуваше на теренот. Жалам што не победивме со поголема разлика, сепак ако некој пред мечот ми понудеше победа со осум гола разлика нормално дека ќе ја прифатев. Моите играчи го испочитуваа она што се договоривме до крај, постигнавме 35 гола и мора да сум за задоволен. Ова е голем чекор кон освојувањето на 14. титула во македонското првенство“, изјави Алушовски