стевче јакимовски – Kurir.mk

Советникот од Град Скопје Милетиќ до Јакимовски: Честитки што веќе не се криеш дека одработуваш за СДСМ

Тале Кристо — Thu, 31 Aug 2023 17:37:45 +0000

Честитки за храброста која денес ја покажа Стевчо Јакимовски. Конечно, импонира неговата одлука да покаже дека не се крие дека одработува за СДССМ и го симна актерскиот "веризам" за лажен опозиционер. Денешното отворање на новиот објект на најстарата градинка во државата „Орце Николов“ во скопски Карпош, ја потврди релацијата на Стевчо и Владата предводена од Артан Груби и заменикот Ковачевски и нивните пазарни релации. Воедно, се надевам дека идентична доблест и храброст ќе покаже и лидерот на Левица и ќе се фотографира со заменикот Ковачевски или со Талат. Доколку ве збунив со Талат и "лидриштево" од Левица, да ве информирам дека гореспоменатиов тандем според утврдено сценарио, ЈАКО го напаѓа собранискиов спикер, а јавноста му аплаудира, ги апострофира неговите реплики и милозвучноста ја шерува во бесконечни web граници. За македонската кауза ТОЈ, "лидериштето" ќе се пресмета и физички со спикерот ако треба. Но, дилот е ТОЈ, супериорниот Апасиев да стане супер Facebook херој и да направи огромна штета на коалицијата за обнова на Македонија, предводена од ВМРО. Впрочем, наградата за неговата посветеност кон СДССМ е евидентна веднаш по шарената револуција кога беше богата награден со позиција во Специјалното обвинителство, а потоа и со регистрирање на Левица, а со силна финансиска потпора на СДССМ. Го помните Заев, лут и нервозен кога кажа дека ги финансирал? Набрзо очекувам дека многу маски ќе паднат и секојдневно ќе се соочуваме со вистински СУРАТИ,пишува на социјалната мрежа на Фејсбук советникот во Град Скопје Петар Милетиќ.

Белчев: Јакимовски со цел да привлече медиумско внимание се служи со креирани невистинити приказни

Ивана Ефремовски — Thu, 03 Nov 2022 08:56:03 +0000

Со длабоко жалење за нивото на комуникација можам да констатирам дека претседателот на ГРОМ, Стевче Јакимовски со цел да привлече медиумско внимание се служи со креирани невистинити приказни во кои со жалење можам да констатирам дека го злоупотребува моето име, посочува Живко Белчев. Во продолжение го пренесуваме неговиот Фејсбук статус: „Во емисија на еден електронски медиум, Стевче Јакимовски вчера раскажува целосно измислен разговор кој јас сум го водел со Советникот од општина Илинден од ГРОМ. Целосно го демантирам она што го кажува Стевче Јакимовски. Со Советникот од општина Илинден освен краток пријателски разговор на средбата на обуката во Хилтон ништо друго не беше разговарано. А кога се однесува на делот на апсење и носење со лисици, можам само да го потсетам Стевче Јакимовски кога власта го апсеше со финансиска полиција во доцните часови на таа ноќ јас бев еден од десетината луѓе кои стоеа пред зградата на Финансиската полиција за да му дадат поддршка. На крај сакам и јавно како што тоа го сторив и во личната комуникација со Јакимовски, да го замолам да не го валка моето име во јавноста. Ниту го споменувам, ниту сакам да ме споменува“.

Општина Аеродром со реакција на изјавата на Стевче Јакимовски!

Тале Кристо — Fri, 14 Oct 2022 13:56:59 +0000

Советот на Општина Аеродром и градоначалникот Тимчо Муцунски имаат одлична соработка, а советничката група на ВМРО-ДПМНЕ има апсолутно мнозинство, така што голем дел од одлуките се носат консензуално, со вклучување на сите партии кои се дел од советот. Оттаму, обвинувањата што Стевче Јакимовски денеска ги изнесе на прес-конференција за наводно посредување за вработување од страна на градоначалникот Муцунски за советник на ГРОМ се груба лага и невистина. За да се изнесе вакво тенденциозно тврдење пред македонската јавност, Јакимовски треба да располага со конкретен доказ со што би се докажало евентуалното влијание на градоначалникот Муцунски. Доколку Јакимовски поседува доказ за такво нешто, го повикуваме јавно да го приложи, а доколку го нема, само докажува дека неговата политичка култура е на најниско ниво. Како политичар и народен избраник за неговата позиција, тој треба да се занимава со прашања за кои е избран, а не да се служи со политиканство, измами и лаги. И покрај тоа што изнесува лаги и манипулации за градоначалникот на Општина Аеродром, Муцунски на Стевчо Јакимовски му посакува добро здравје и работа насочена кон граѓаните на Карпош. Впрочем, тој беше избран од граѓаните на Аеродром и во неговата кампања пред нив чесно вети дека ќе работи во служба на народот и ќе ја промени негативната перцепција за македонската политика, бидејќи граѓаните сакаат подобар живот, резулатите и проекти, се вели во реакцијата на општина Аеродром на изјавата на Стевче Јакимовски.

Стефан Богоев во одбрана на Јакимовски: Го разбирам целосно

Ивона Петрова — Thu, 09 Jun 2022 09:38:25 +0000

За мене некое преголемо изненадување вчерашната одлука не беше, затоа што Јакимовски имаше едно интервју минатата недела за некој веб портал. После кое што следеше и настап на советничката група на ВМРО-ДПМНЕ. Јас бидејќи бев таму градоначалник нели нормално, поинтересно ми е да ги следам случувањата во таа Општина отколку во бил која друга, на крајот од краиштата и таму живеам. И тука се виде веќе дека нешто не чини. По информациите од советниците на СДСМ кои што се во Советот тоа да кажам некое време дури и на седниците на Совет се гледало и тлеело, истакна Стефан Богоев, потпретседател на СДСМ во гостување во утринска емисија на радио „Лидер“, коментирајќи го заминувањето на Стевче Јакимовски од коалицијата на ВМРО-ДПМНЕ. Богоев додаде дека претпоставува дека добар дел од тоа што го кажа Јакимовски се причините за да си замине од коалицијата на ВМРО-ДПМНЕ. -Ја слушнав и изјавата на Мицкоски, таму не видов конкретен одговор, таму беше одговорот нели дека тој бил вчудоневиден од изјавата на Јакимовски и дека доколку имало некакви индиции да се пријавеле во надлежните органи, полиција, обвинители и сл. меѓутоа некоја материјална расправа или дискусија од страна на Мицкоски немаше, рече Богоев. Богоев при своето гостување застана во одбрана на Јакимовски при што посочи дека го разбирал. -Општината е во многу деликатна состојба, и јас тука го разбирам целосно во делот да речеме штедењето на електричната енергија. Мислам дека беше малце грешен потег на почетокот на штедењето со гасење комплетно на уличното светло. А, овој начин со секоја втора светилка ги дава истите резултати 50% заштеда,а сепак во текот на целата вечер имате некакво осветлување односно логиката кажува дека 50% имате осветлување, појасни Богоев оправдувајќи ги мерките на Јакимовски.

Горан Ангелов го демантира Јакимовски: Каде беше досега да не спомнеш, сите имаме исти услови

Ивона Петрова — Thu, 09 Jun 2022 05:50:43 +0000

Горан Ангелов кој е осуден на 12 години затворска казна за случувањата во Собранието на 27 април преку објава на Фејсбук го демантира претседателот на ГРОМ, Стевче Јакимовски. -Не е вистина твоето тврдење! Сите осуденици имаме исти услови, исто сме третирани во зависност од однесувањето према куќниот ред! Кај беше досега да не спомнеш ако ти беше толку грижа! Мицковски имал и ќе има поддршка од мене ,јас сум ВМРО и не менувам партии, пишува Ангелов на Фејсбук.

По одлуката на Јакимовски, голем број на негативни коментари за потегот во Карпош (ФОТО)

Тале Кристо — Wed, 08 Jun 2022 15:52:55 +0000

Одлуката на градоначалникот на општина Карпош, Стевче Јакимовски за излегување од коалиција со ВМРО-ДПМНЕ, предизвика голем револт кај македонските граѓани. Имено, откако Јакимовски објави дека излегува од коалиција со партијата на Мицкоски, следеа го голем број негативни коментари по ваквиот негов потег. Ваквиот потег на Јакимовски краткого искоментира и лидерот на ВМРО-ДПМНЕ Христијан Мицкоски ко за наводните обвинувања му порача да ги пријави во институциите и му посака успех во политичката кариера. -Па јас со господинот Јакимовски немам комуникација уште од пред нова година, тогаш еднаш или два пати се видовме да му честитам на тоа што беше избран за градоначалник, ги отфрлам овие навреди, вчудоневиден сум, претпоставувам ако има такви индиции треба да соработува со органите на прогонот и да го пријави, го охрабрувам да го пријави затоа што во спротивно ако не го пријави тоа што го кажува тогаш станува соучесник, нели ја сокрива правдата. Еве јас го охрабрувам тоа да го стори веднаш таму каде што тој еве како искусен човек и политичар мисли дека треба да го стори дали во обвинителството дали во МВР јас стојам тука на располагање сум ако има било какви такви индиции во спротивно за жал тогаш ќе прикрива кривично дело, затоа што обвинувањето е многу големо и сериозно. А што се однесува во делот на напуштање на коалицијата, тој е долги години во политиката јас му посакувам среќа успех понатаму во животот се надевам дека одлуката што ја донесе мисли дека е исправна и дека таа ќе му донесе некаков политички би рекол ете подобар комфор. Бидејќи како што го слушнав во изјават тој вели дека некој му вршел тортура,изживување и не знам уште што се не кажа а луѓето кои што ме познаваат вклучително и тој знам дека тоа не го мисли бидејќи јас сум се, само не сум таков човек. Со еден збор му посакувам среќа во понатамошната политичката кариера, нагласи Мицкоски. Во продолжение дел од коментарите на граѓаните кои што се разочарани од потегот на Јакимовски:

Јакимовски откри зошто се гаси уличното осветлување во Карпош по 01 часот по полноќ

Дарко Андоновски — Wed, 27 Apr 2022 13:19:26 +0000

Откако веќе десетина дена карпошани се жалат дека немаат улично осветлување и дека улиците кои се под надлежност на Општина Карпош се во целосна темница, со свој став околу настанатата ситуација излезе градоначалникот на Општина Карпош Стевчо Јакимовски. Имено, Јакимовски информираше дека, поради екстремно високи сметки за електрична енергија, Општина Карпош преземала мерки за штедење. Градоначалникот објасни дека на располагање се две можности – едната е да се штеди, а другата е да се зголеми цената за улично осветлување што ќе падне на грб на граѓаните. Според него, за да не се оптовари дополнително буџетот на граѓаните, одлучено било да се преземат мерки за штедење, но според Јакимовски, доколку јавноста смета поинаку, општината е подготвена да распише референдум на кој граѓаните ќе донесат конечна одлука како да се премости проблемот. – Набавивме 173 тајмери кои што после 1 часот по полноќ го гасат светлото од причини што сметките за електрична енергија се три ипол пати поголеми во однос на оние што сме ги имале претходните години во исто време, односно во 2021 и во 2020 година за улично осветлување сме потрошиле 13 милиони денари за цела година и такви историски трошоци биле предвидени за 2022 година. Но, за жал, само во првите три месеци годинава сме потрошиле 13 милиони денари за електрична енергија. Сметките кои биле 2 милиони денари сега се 7 милиони денари. Тоа се пет милиони денари плус секој месец, односно 80.000 евра – истакна градоначалникот. Според него, во моментов постојат само две отворени можности за да се реши овој проблем. – Јас како одговорен субјект кој ја води оваа општина имам на располагање две можности. Првата можност е да штедиме, а втората можност е да ја покачиме цената за улично осветлување. Тоа значи ако вие како граѓани сега плаќате по 150 денари по тарифно броило за улично осветлување, во иднина би требало да плаќате околу 500 денари за да можеме да ги покриеме трошоците. Ако граѓаните инсистираат на таа варијанта тогаш јас сум подготвен да одиме на референдум па како ќе одлучат граѓаните така- сакаат да штедиме или сакаат сметките да бидат поголеми. Во овој момент со ова исклучување од 1 часот по полноќ до 5 часот изутрина ние штедиме само 30 проценти од сметката. Тоа значи на тие 7 милиони денари, заштедуваме 2 милиони денари. Тоа значи дека и вака треба дополнително да издвојуваме 50 илјади евра од буџетот на општината – заклучува Јакимовски.

Стевче Јакимовски е позитивен на коронавирусот

Дарко Андоновски — Tue, 18 Jan 2022 20:47:10 +0000

радоначалникот на Карпош, Стевче Јакимовски е позитивен на коронавирусот. Информацијата ја соопшти на социјалните мрежи. „Сакам да Ве известам дека денес направив тест за COVID-19 и сум позитивен на корона вирусот. Иако ги почитуваме сите протоколи, како општинска администрација не можеме комплетно да се изолираме и да ги занемариме проблемите на граѓаните, па вирусот не нѐ заобиколи. Ве замолувам сите кои бевте во контакт со мене овие денови да бидете совесни, да ги следите протоколите за самоизолација и да ги превземете сите потребни мерки. Јас се чувствувам добро и се надевам дека наскоро ќе се вратам на обврските во Општина Карпош!“, пишува тој.

Јакимовски: Од следната година децата од други општини кои се запишани во градинките во Карпош ќе бидат отпишани

Дарко Андоновски — Tue, 30 Nov 2021 10:58:26 +0000

Стевчо Јакимовски, старо-новиот градоначалник на Карпош, во утринската емисија на ТВ Алфа објави дека од 1 јуни 2022 се враќа реонизацијата. Тоа значи дека децата што не се од оваа општина нема да може да бидат згрижени во градинките на територијата на Карпош. – Најверојатно јас ќе предложам на Советот овие деца што се од други општини да останат кај нас до 1 јуни 2022. После 1 јуни, ги известуваме граѓаните да си најдат каде нивните деца ќе продолжат да бидат сместени, затоа што мора да обезбедиме простор за децата од Општина Карпош, рече Јакимовски. Четирикратниот градоначалник на Карпош рече дека буџетот на општината е намален од 11,5 на 5,5 милиони евра и дека следната година ќе биде година на, како што рече, финансиска стабилизација. Тој додаде дека 2,5 милиони евра општината годишно дава за плати на 380 вработени. – Ако останеме без прихопди, ние не можеме да им служиуме на граѓаните Подготвен сум да извршам одредена редукција, нема логика да немаме инвестиции, а парите да ги трошиме за плати. Подобро да земеме аутсорсинг компанија од Америка, подобро ќе ги услужи граѓаните. Има луѓе кои што ништо не работат, најдов луѓе кои се тројца, живеат во странство, а се на платен список. Има и луѓе кои се уште ги користат мобилните линии, а не се веќе вработени, наведе Јакимовски.

Јакимовски на терен: Со месеци не расчистен смет ќе биде исчистен за еден ден

Дарко Андоновски — Fri, 12 Nov 2021 13:14:24 +0000

Градоначалникот на Карпош, Стевчо Јакимовски преку статус на Фејсбук пишува дека Карпош мора да биде чист. -Почитувани граѓани на Карпош, После пријава од граѓани дека околу трговскиот центар Антико во Карпош 4 има смет кој не е расчистен со месеци, утрово лично направив обиколка. Можам да заклучам дека: Во ТЦ Антико не е собиран смет со месеци Се таложи отпад и локацијата е навистина во лоша состаојба Општина Карпош веднаш ќе превземе активности за собирање на сметот Општина Карпош ажурно ќе работи во тековно одржување за повеќе да нема вакви случаи. Карпош мора да биде чист! Ќе го вратиме сјајот во Општината, пишува на Фејсбук новиот градоначалник на Карпош, Стевче Јакимовски.