стевче стевановски – Kurir.mk

Стевановски: Новаци има потенцијал и вложува многу за да привлече инвеститори кои ќе инвестираат во руралниот туризам

Катерина Бојаџиева — Tue, 19 Sep 2023 18:01:41 +0000

Во денешната емисија „За или против“ на Алфа ТВ гостуваше градоначалникот на општина Новаци, Стевче Стевановски кој што истакна дека македонските села може да се заживеат, а општина Новаци има потенцијал и вложува многу за да привлече инвеститори кои ќе можат да инвестираат во руралниот туризам особено во мариовскиот дел. „Општината има потенцијали, веќе имаме заинтересирани кои што смело навлегуваат да инвестираат во насока на привлекување на ваков тип на рурален туризам. Меѓутоа можеби државата можеби повисоките ешалони на власта треба да се заинтересираат посериозно за оваа проблематика. Еве сега излегоа повиците на ИПАРД програмите можеби треба да се олеснат некои од мерките со кои што би се овозможило на овие луѓе да можат да инвестираат во оваа насока да ги искористат мерките, а ние како општина да бидеме оние кои што ќе им дадеме мотив за да го избрендираме изрекламираме нашиот крај и нашите потенцијални инвеститори кои што сакаат да се занимаваат со алтернативен начин ан туризам“, нагласи Стевановски. Стевановски додаде и дека постои тенденција кај населението во мариовскиот дел за развој на алтернативното земјоделство и руралниот туризам. „Во мариовскиот дел од селата имаме тенденција каде што имаме добар дел од населението каде што веќе се насочени кон алтернативното земјоделско производство, производство на здрава храна, пчеларството итн., но тука треба да се насочиме сите ние за да можеме дополнително да ги мотивираме“, посочи Стевановски.

Стевановски: Со домаќинско работење Новаци успеа да стане општина со најголеми заштеди на електрична енергија во Република Македонија

Магдалена Андонова — Sat, 26 Nov 2022 10:20:58 +0000

Со домаќинско работење до статус на општина со најголеми заштеди на електрична енергија во Република Македонија, е еден од многуте успеси кои се постигнати во изминатава година од страна на Стевче Стевановски, градоначалник на Општина Новаци. Истото е постигнато преку домаќинско работење и адаптирање на условите на пазарот за електрична енергија за дел од потребите, пред се во областа на уличното осветлување. - До пред неколку месеци плаќавме енормно високи сметки на струја за уличното осветлување којашто ја плаќавме, но баравме начин за справување со последиците од енергетската криза и тоа го направивме преку анекс на договорот за јавно приватно партнерство. Со истиот, сметките за електрична енергија како обврска ги префрливме на приватниот партнер, со тоа преминавме од слободниот на регулираниот пазар за електрична енергија, а со тоа направивме огромни заштеди. Ова доведе до тоа Општина Новаци да е општина со најголема заштеда на електрична енергија во Република Македонија, а за периодот од октомври 2021 до октомври 2021 година истата да изнесува 76 проценти – кажа градоначалникот Стевановски. Како признание за својата работа, годинава Општина Новаци го доби признанието ELOGE кое претставува ознака за извонредност во управувањето и исполнување на 12 начела на добро демократско управување на Советот на Европа. Околу креирањето на Буџетот на Општина Новаци за наредната 2023 година, градоначалникот Стевановски информираше дека во тек се средби со граѓаните преку одржување на форумски сесии со цел да ги слушнат идеите, мислењата и предлозите на жители и истите да ги вметнат во буџетот и приоритетите на општината. До овој момент се одржани 2 вакви форумски сесии, а предвидени се вкупно 4. Регионалната средба на општините од Пелагонискиот регион се одржа во Битола и истата беше организирана од страна на Комисијата за локална, Комисијата за инфраструктура, урбанизам и транспорт, Комисијата за енергетика и Комисијата за финансии при ВМРО-ДПМНЕ.

Бизнисмени од Турција ќе инвестираат во индустриската зона Новаци

Ивана Ефремовски — Fri, 25 Nov 2022 11:58:38 +0000

Бизнисмени од Сакариа, Турција, предводени од Умит Карајака, претседател на тамошната Стопанска комора, ќе инвестираат и продолжат со својот бизнис во индустриската зона Новаци. Делегацијата од 24 успешни бизнимени во Турција на средба со градоначалникот Стевче Стевановски во Новаци потврдија дека се подготвени да купат градежно земјиште, а во знак на поддршка општината ќе го зголеми опфатот на индустрската зона и ќе објави оглас за лицитација на земјиштето. -Сите заедно имаме иста цел, да направиме раст и развој во Општина Новаци, да отвориме нови работни места и да го подобриме квалитот на живот на населението кое гравитира во овие простори и во поширокиот регион. Во рамки на новиот урбанистички план за Новаци, предвидуваме проширување на Индустриската зона затоа што заинтересираноста на потенцијалните инвесритори се зголемува. Ако ја постигнеме оваа цел која ја договоривме со бизнисмените од Турција, тогаш ќе имаме голем дел од Сакариа во Новаци, посочи градоначалникот Стевановски. Бизнисмените од Турција располагаат со готови проекти за изградба на фабрики и се фокусирани на тексилната индустрија, градежништвото, производство на амбалажа, мебел и делови за автомобилска и дрвна индустрија. -Посакуваме постапките што ќе следат за продажбата на земјиштето, подготовката на основните проекти за изградба на фабриките, правилата и законските прописи и регулативи да се одвиваат подинамично, за да можеме навреме да ги реализираме нашите стратешки планови, нагласија Карајака, претседател на Стопанската комора во Сакариа. Општина Новаци со стопанственици и градоначалници од Турција негува пријателски односи подолг времени период. (МИА)

Стевановски: Се поставуваат нови тротоари во Добромири

Тале Кристо — Tue, 01 Nov 2022 15:02:20 +0000

Започнаа градежните активности околу поставувањето на тротоарите во село Добромири. Вкупната должина изнесува 380 метри со вкупна вредност од 1.727.154,00 денари. -Покрај тротоарите во Добромири се градат и тротоари во Рибарци и тоа 3 краци: крак 1- 77.8 метри, крак 2 -192.45 метри и крак 3- 35 метри со вкупна вредност од 1.083.001,00, како и во Долно Агларци во должина од 100 метри додека во Далбеговци во должина од 160 метри, рече Стевче Стевановски, градоначалник на Општина Новаци. Средствата се обезбедени од Програмата за фосилни горива од Министерство за животна средина и просторно планирање.

Стевановски: Реконструирани се главните улици во селата Далбеговци и Долно Агларци

Ивона Петрова — Wed, 10 Aug 2022 09:29:13 +0000

Како дел од програмата за изградба и одржување на локалните патишта и улици во Општина Новаци за 2022 година, денес ги реконструиравме главните улици во селата Далбеговци во должина од 300м. и Долно Агларци во должина од 350м, објави на Фејсбук градоначалникот на Општина Новаци, Стевче Стевановски.

Стевановски: ЈП „Комунална хигиена“- Новаци ја исчисти најголемата дива депонија во општината

Тале Кристо — Mon, 14 Mar 2022 14:00:26 +0000

Целосно е исчистена дивата депонија во атарот на село Новаци кон патот Ергела. Градоначалник на општина Новаци, Стевче Стевановски направи увид како тече акцијата на чистење на натрупаното ѓубре и градежен шут кој тука беше одлаган и натрупан на диво. „Екипа од комуналното претпријатие „Комунална хигиена“ Новаци со градежна механизација започнавме со отстранување на одложениот смет и градежен шут кој во огромни количини постоеше и беше натрупан на дивата депонија во Новаци кон патот Ергела. Сите подеднакво треба да се грижиме за чиста и здрава еколошка средина. Ние како локална самоуправа ќе направиме се што е во наша моќ и надлежност за да имаме нулта толеранција кон дивите депонии, но секако дека тука треба да ги повикаме и населението и нивната свесност за одговорно однесување кон животната средина. Со вакви акции најпрво ги мапираме а секако дека ќе организираме и ќе ги исчистиме сите 7 критични точки кои се наоѓаат на наша територија.“ рече Стевче Стевановски, градоначалник на општина Новаци. Во наредниот период работата на комуналното претпријатие ќе се интензивира покрај со расчистување на депониите и со чистење на вегетацијата по коловозите, чистење на речните корита и одводните канали како и одржување на хигиената на јавните површини во општината. Одржувањето на хигиената во општина Новаци е наш приоритет, бидејќи граѓаните заслужуваат да живеат во една чиста и здрава средина“, изјави Стевановски. Воедно упати апел до жителите за одговорно однесување кон животната средина за сите да ги уживаме благодетите на чиста природа, воздух и околина, објави на својата Фејсбук страница градоначалникот на општина Новаци Стевче Стевановски.

Стевановски: Главниот акцент се става на младите во општина Новаци, во буџетот се предвиде финансиска помош за талентирани ученици и спортисти

Магдалена Андонова — Sat, 19 Feb 2022 13:03:48 +0000

Изминаа 100 дена откако ја презедовме локалната власт, останавме на ниво на задачата и ја оправдавме довербата која ни ја даде народот на локалните избори желни за промени, проекти и иднина. Покажавме која е разликата помеѓу ВМРО и СДСМ, како се исполнуваат ветувања. Покажавме домаќинско и отчетно работење, докажавме дека можело да не се расфрлаат народните пари на службени патувања, кафеани, луксузирање и злоупотреба на привилегиите. Туку чесна и одговорна работа кон единствена цел, подобрување на квалитетот на живот на сите граѓани на Општина Новаци“, истакна градоначалникот на општина Новаци, Стевче Стевановски на регионалниот отчет кој се одржа денес во Битола насловен „Промени што носат иднина – 100 дена локална власт отчет на ВМРО-ДПМНЕ“. Стевановски додаде дека претходната локална власт имале расипничко и штетно управување, која освен што не направи ниту еден проект за жителите на општина Новаци, туку напротив остави долгови во висина од 67.111.374,00 денари. Единственото комунално претпријатие Комунална хигиена е во катастрофална состојба, се дави во долгови кои изнесуваат 4.300.000,00 денари. - Во овие 100 дена работевме на урбанизација, на енергетска ефикасност, на подобрување на условите за работа на училиштата, подобри услови за младите, подобра животна средина, активно се грижиме за културата и нашето културно наследство, појасни Стевановски. Стевановски посочи дека се креираше транспарентен буџет за 2022 година во висина од 2,6 милиони евра. - Реализирав две предизборни ветувања од мојата програма во првите 100 дена. Успешно ја спроведовме мерката за субвенции за набавка на високо ефикасни инвертер клима уреди за што одвоивме еден милион денари буџетски средства, а за субвенции за изградба на термоизолациони фасади 3 милиони денари. Јавниот повик е објавен, течат роковите и очекуваме голема заинтересираност од месното население. Од оваа година општина Новаци почна да работи согласно своите овластувања за отуѓување на градежно неизградено земјиште во државна сопственост. Согласно програмата донесена според Законот за градежно земјиште во тековната 2022 година планираме да огласиме на јавна лицитација и отуѓиме околу 20 хектари градежно земјиште на потенцијални инвеститори за различни намени. Имено, најголемите површини ќе бидат наменети за изградба на индустриски капацитети, а останатиот дел ќе бидат наменети за индивидуално домување. Во фаза на изработка е проектна документација за уредување на патна инфрастуктура за Индустриската зона во Новаци, истакна Стевановски. Стевановски рече дека се организираше и акција за чистење на каналот во горниот дел на Новаци на барање на тамошните жители, се спроведе и акција за пошумување на месноста викана Преслап во атарот на село Маково, се зголеми износот за еднократна парична помош на 6.000 денари за новороденчиња и првачиња, се предвиде и финансиска помош за талентирани ученици и спортисти од Општина Новаци, се набавија и 14 таблети за учениците од четврто одделение од ЦОУ „Славко Лумбарковски“. - Во делот на соработка со странски донатори и меѓународни организации само во првите 100 дена остварив бројни контакти и веќе започнуваме да реализираме проекти: програмата за Општинско корисна работа на УНДП, проект за Зајакнување на капацитетите за искористување на ресурсите од УСАИД, проект за Зајакнување на луѓето од Пелагонија од Програмата МАТРА и Холандска амбасада, проект за Европска ознака за извонредност на управувањето во локалните самоуправи од АЛДА, појасни Стевановски. Стевановски укажа дека во фаза на подготовка е Урбанистички план вон населено место со кој ќе се уреди Индустриската зона во Новаци со вкупна површина од околу 17 хектари. Оваа градежна сезона инфраструктурно ќе се доведе до состојба за продажба на заинтересираните потенцијални инвеститори. - Голема е мотивацијата за остварување на проекти за доброто на своите сограѓани, со кои цел живот си живеел заедно. А, уште поголем е поттикот за реализација кога знаеш дека тоа што го работиш ќе остане запаметено, истакна Стевановски.

Трипуновски: Новаци ќе ја води домаќин човек!

Ивана Ефремовски — Fri, 15 Oct 2021 21:02:55 +0000

Новаци ќе ја води домаќин човек, порачува Цветан Трипуновски од ВМРО-ДПМНЕ. Кандидатот за градоначалник на ВМРО-ДПМНЕ, Стевче Стевановски, вечерва беше меѓу граѓаните со кои зборуваше за неговата програма и проектите кои има за цел да ги исполни доколку ја добие нивната доверба.

Стевановски: Приоритет ќе биде обезбедување на основни услови за живот- сега се живее во субстандардни кои не се својствени за овој век, а тоа е последица на лажните ветувања од актуелната власт

Катерина Бојаџиева — Wed, 13 Oct 2021 12:13:54 +0000

Кандидатот за градоначалник на општина Новаци од ВМРО-ДПМНЕ, Стевче Стевановски беше гостин во емисијата „Директно” на ТЕРА телевизија. Како што рече, во негов приоритет ќе биде барем во поголемите населени места да обезбеди основни услови за живот бидејќи се живее во субстандардни услови кои не се својствени за овој век, а тоа е последица на лажните ветувања од страна на актуелната власт. - Ниедно село нема канализација и тоа ќе биде мој предизвик, да ја донесеме канализацијата барем во поголемите населените места затоа што тоа ни е основниот услов во 21-от век немаме канализациони мрежи, а нашиот градоначалник се фали дека општина Новаци е најбогата општина по приходи по глава на жител и тоа изнесувало околу четиристотини евра. Најбогата општина по глава на жител, а луѓето ни живеат во субстандардни услови, кажа Стевановски. Стевановски во своето гостување рече дека општината буквално е запустена, не се одржува, има многу диви депонии а исто така хигиената е на најниско ниво. Како најгорлив проблем ја наведе младинската невработеност која е причина за масовно иселување од овој крај. - Главен проблем што особено ги тишти младите луѓе во општината е невработеноста. Ние секако, во нашата програма имаме предложено еден куп проекти со кои што мислам дека ќе направиме економски исчекор во кои би се пронашле нашите млади луѓе и би се погрижиле да останат тука, во родните огништа да градат семејство и да ја градат иднината, затоа што ако тоа не го направиме, ако не направиме нешто во насока на развој на економијата и привлекување дали странски инвестиции, дали развој на РЕК – Битола како најголем стопански комплекс кој ни се наоѓа во нашиот двор во општината – за кратко време ќе ја изгубиме и нашата општина. Од ден на ден сѐ повеќе ни се иселуваат младите луѓе, највредниот капитал, човечкиот ресурс го губиме и тоа е жално, рече Стевановски.

Стевановски: Создаваме нова иднина – Новаци ќе добие скејт парк за млади и гас до секоја куќа

Магдалена Андонова — Fri, 01 Oct 2021 14:55:10 +0000

Добар ден и добредојдовте на настанот кој ќе го означи крајот на апатијата, разочараноста и хаосот кој владее, ќе го означи почетокот на промените во општина Новаци, на убави работи кои ќе следат, на инфраструктурната преродба, на локалниот економски развој, за подобра иднина на напатениот пелагониски земјоделец, на зракот светлина за младите да останат во своите родни огништа каде ќе основаат семејства, истакна Стевче Стевановски, кандидат за градоначалник на општина Новаци на денешниот митинг. Стевановски ги потсети граѓаните дека градоначалникот од редовите на СДСМ ветуваше аква паркови, базени, топлификација, гасификација, системи за наводнување, но ништо не оствари. - Како кандидат за градоначалник на општина Новаци од ВМРО-ДПМНЕ, ќе си поставам за цел да бидам сосема спротивен од она што беше Кузманоски. Нема да бидам човек кој само ветува, кажува празни зборови и лаги, туку човек рамноправен на сите кој реализира и исполнува. На народот сакам да му претставам еден поинаков начин на работа, сметам дека луѓето се уморни од политиката, од празни зборови и ветувања и сакаат во кандидатот да препознаат човек кој тоа ќе го промени, ќе ги извади од летаргијата во која се западнати и ќе ги поведе кон заедничко решавање на проблемите, рече Стевановски. Стевановски додаде дека во неговата програма има предложено голем број на проекти од сите сфери на општествено економскиот, социјалниот и културниот живот. Најголем акцент става на развојот на земјоделството како примарна гранка во Пелагонија. - Ќе спомнам некои од клучните проекти за тоа како ја гледам нашата општина во следниот четиригодишен период: Секундарна гасификациска мрежа, околу примарниот гасовод кој поминува низ општина Новаци. Ќе продолжиме со проектот гасификација на општина Новаци, односно изработка на целокупната проектна документација за секундарна и терцијална мрежа и приклучување на примарниот гасовод кој поминува низ општина Новаци. Изградба на системот за наводнување од акомулацијата „Суводол“ кој опфаќа близу 400 хектари. Во атарите на селата Новаци и Добромири. Проектот претставува грант од ИПА на ЕУ. Изградба на бушотини и артерски бунари за обезбедување вода за наводнување на земјоделски површини со обезбедување електрична енергија до истите. Секаде каде што не постојат услови да се изгради хидро систем за наводнување, ќе пристапиме кон изградба на бушотини до кои ќе биде обезбедена електрична енергија“, вети Стевановски. Стевановски посочи дека еден од поголемите проблеми во општина Новаци е управувањето со отпадните води. За таа цел приоритет ќе биде изградба на канализациони мрежи во поголемите населени места. - Општина Новаци ќе добие и изградба на скејт парк и патека за адреналински спортови и фитнес справи во склоп на спортската сала и повеќенаменското игралиште во Новаци. Во склоп на спортската сала ќе направиме целосно партерно уредување на просторот. Со тоа ќе извршиме комплетно уредување на овој простор наменет за спорт и рекреација, укажа Стевановски. Стевановски нагласи дека дојде времето кога поделбите мора да запрат. Народот да се обедини. - Заедно да го вратиме сјајот и да ја направиме општината да биде урбана локална заедница, европска и препознатлива општина во регионот, посакувано место за живеење, општина која нуди просперитет за младите, порача Стевановски.