Стевче Трпковски – Kurir.mk

Трпковски: Три нови проекти во вредност од над 7 милиони денари се реализираат во овој момент во општина Сопиште

Катерина Бојаџиева — Fri, 09 Sep 2022 11:24:25 +0000

Денеска сме во посета на неколку проекти кои што се реализираат во текот на месец септември во општина Сопиште. Едниот е обновување фасада, реконструкција на фасада на подрачно училиште во населено место Чифлик, истакна Стевче Трпковски, градоначалник на општина Сопиште. -Вториот проект кој денеска го посетуваме е токму ова место каде што реализираме нов паркинг простор пред детската градинка во Сопиште и третиот проект кој што ќе го посетиме е реконструкција и уредување на спортски центар каде што се наоѓаат повеќенаменски игралишта, тениско игралиште. Во третиот проект ќе имаме нова содржина од детски забавен парк, летниовци и друга урбана опрема. Сите овие проекти кои што ги набројувам се реализирани од буџетот на општина Сопиште и вкупниот буџет за реализација е некаде повеќе од 7 милиони денари, додава Трпковски.

Трпковски: Сопиште ќе добие градинка, канализациски систем и Културен дом

Ивана Ефремовски — Tue, 19 Apr 2022 13:39:37 +0000

Денеска сме во обиколка на неколку капитални проекти кои што во изминатиот период се реализираа во општина Сопиште, и дел се се уште во изградба меѓу нив е и детската градинка која што е во позадина. Оваа детска градинка е поставена на локација каде што ќе одговара на три населени места тоа се Соње, Добри Дол и Ракотинци, истакна Стевче Трпковски, градоначалник на општина Сопиште. -Во завршна фаза е изградбата на градинката, во моментов течат административни процедури за пуштање во употреба. Исто така ја посетивме и изградбата на канализациски систем во Ракотинци и Културниот дом кој што исто така е во завршна фаза. Сите овие проекти се претходно ветени, сите овие проекти произлегуваат од барањата на нашите жители, и стандардната приказна од барање, проект до објект кој што еве сега ги гледаме на терен, истакна тој.

Трпковски: Изградивме нова детска градинка и направена е промена на класичните светилки за осветлување во нови лед светилки за заштеда на електрична енергија

Ивана Ефремовски — Sun, 06 Mar 2022 13:10:05 +0000

Целта за која се бориме и вредностите зад кои цврсто стоиме во себе ги имаат зборовите труд, работа, доверба, одговорност и достоинство,порача градоначалникот на општина Сопиште, Стевче Трпковски на денешниот регионален отчет „Промени што носат иднина – 100 дена локална власт отчет на ВМРО-ДПМНЕ“. Трпковски истакна дека голем број на проекти во Сопиште се започнати со реализација, односно како што рече тој изминатите 100 дена е изградена прочистителна станица за третирање на отпадни води од канализацискиот систем за населено место Ракотинци. -Во изминатите 100 дена изградивме прочистителна станица за третирање на отпадни води од канализацискиот систем за населено место Ракотинци. Оваа прочистителна станица е со капацитет за 1000 жители и истата е модуларна. Набавивме ново специјално возило за собирање и транспорт на смет во функција на јавното комунално претпријатие Сопиште, вели тој. Изградивме нова детска градинка со капацитет за 84 деца. Во периодов течат административните постапки за комплетирање на потребните дозволи за отпочнување со работа на оваа детска градинка. Ја довршивме и изградбата на културен дом во населено место Сопиште и очекуваме усвојување на програмата од министерството за Култура за отпочнување со работа, истакна Трпковски. Трпковски изјави дека во општината е направена промена на класичните светилки за осветлување на јавни површини со нови лед светилки со кои освен што добиваме поквалитетно осветлување се постигнува и заштеда во потрошувачката на електричната енергија. Започнавме со промена на класичните светилки за осветлување на јавните површини со нови лед светилки со кои освен што добиваме поквалитетно осветлување се постигнува и заштеда на електричната енергија, истакна тој. Поставивме нова и реконструиравме постоечка урбаната опрема во населените места Долно Соње и Добри дол. Продолживме со проектот за селектирање на отпад во секој дом, кажа Трпковски. Трпковски нагласи дека во следниот период следува реконструкција на улиците во населеното место Горно и Долно Соње, како и асфалтирање на патот од населено место Св. Петка - Хидро Електрана Св. Петка во должина од 2км, како и изградба на водоснабдителни бунари за Долно Соње, Горно Соње, Чифлик, Св. Петка и Нова Брезница. Во изминатите 100 дена посветивме големо внимание во изработка на техничка документација за инфраструктурни проекти и проекти во водоснабдување кои ќе бидат реализирани во периодот што доаѓа. Реконструкција на ул. 10 во населено место Горно Соње во должина од 1000м. Најавувам реконструкција на ул. 8 во населено место Долно Соње во должина од 1000м. Реконструкција на ул. 20 во населено место Нова Брезница во должина од 700м. Реконструкција на патниот правец Добри Дол - Маркова Сушица во должина од 3км. Асфалтирање на патниот правец од населено место Св. Петка - Хидро Електрана Св. Петка во должина од 2км, изградба на водоснабдителни бунари за Долно Соње, Горно Соње, Чифлик, Св. Петка и Нова Брезница, потенцираше Трпковски. -Уредување на спортските терени во населеното место Сопиште. Изградба на пешачка патека по целата должина на ул 1 во населено место Сопиште. Изградба на трговски центар нјавувам за периодот што следува, заклучи Трпковски.

Стевче Трпковски кандидат за градоначалник на општина Сопиште

Тале Кристо — Mon, 16 Aug 2021 13:29:39 +0000

Се заблагодарувам на претседателот и партиските тела на мојата матична партија ВМРО ДПМНЕ за укажаната доверба и мое повторно кандидирање за функцијата градоначалник на општина Сопиште. Зад нас имаме огромен број на успешно реализирани дела за доброто на сите жители во општината без разлика на етничката и партиската припадност. Ви благодарам на довербата, пишува во својата објава кандидатот за градоначалник на Општина Сопиште