стево пандаровски – Kurir.mk

Пендаровски за „Euronews“: Верувам дека Петков и Ковачевски можат да го решат ќор-сокакот

Тале Кристо — Fri, 11 Feb 2022 19:34:38 +0000

Претседателот Стево Пендаровски во интервју за Euronews говорејќи за актуелни прашања поврзани со односите со Република Бугарија, посочува дека сè уште се бори да најде оправдување зошто настаните што се случиле во далечното минато имаат толку несразмерно влијание врз судбината на неговите граѓани денес. -Не можам да му објаснам на просечен македонски гласач или граѓанин колку е важно да влеземе во ЕУ – организација основана во 1957 година, во 20-иот век – каква етничка припадност бил Гоце Делчев или некој друг херој-основоположник, како цар Самуил пред десет века, вели тој за Euronews. И додеката дебатата за македонскиот идентитет што доведе Бугарија да стави вето на пристапот на нејзиниот сосед во ЕУ, која, како што се посочува во написот на Еуроњуз, влезе во третата година, македонскиот претседател посочува дека сè уште верува дека новоизбраните премиери Петков и Ковачевски можат да го решат ќор-сокакот, како „млади луѓе кои доаѓаат надвор од политичкиот мејнстрим [кои] зборуваат различен јазик“, но, при тоа, изразува загриженост дека улогата на ЕУ како решавач на проблемите во спорот можеби е на удар. -Можам да ви кажам дека падот во Северна Македонија е поголем од каде било во која било друга земја од Западен Балкан, рече Пендаровски. Ако ги погледнете анкетите, има пад од 20 или 25 отсто откако го спроведовме референдумот за промена на името, додава Пендаровски. Тој потсетува дека Северна Македонија веќе прескокна значителни пречки за да ја покаже својата посветеност за пристапување во Унијата со решавањето на спорот со Грција за името (Преспанскиот договор), за потоа да се јави прашањето со Бугарија. Билатералниот договор за добрососедски односи од 2017 година, потпишан од премиерите Заев и Борисов, се сметаше за важен момент во постојано растечките позитивни ставови меѓу двајцата, потсети Пендаровски. -И после тоа, одеднаш – сè уште не знам кој е главниот мотив кој стои зад тоа – почнаа да зборуваат за историјата, за тоа дека историјата е предуслов за напредок кон Брисел, и, можам да ви кажам дека сите ние на овој крај на овој политички јаз, или дискусија ако сакате, беа фатени во тесно и неподготвени… Дури и денес, навистина не сум сигурен за вистинските мотиви на нивната страна, зошто историјата беше толку важна за нив. Тоа никогаш не му се случило на ниту еден друг кандидат за членство во ЕУ, рече Пендаровски. Тој се осврнува и на заморот околу интеграцијата во ЕУ, што е, вели, најлошо чуваната тајна во Брисел, но, посочува, постои замор и кај нас бидејќи 17 години сме со статус на земја кандидат за членство. -Знаете, нам ни е преку глава од сите овие приказни дека сме географски дел од Европа. Би сакале конечно да бидеме институционален дел од Европа. Нема да се откажеме. Тоа е сигурно…Но, можам да ви кажам дека, доколку уште едно одложување се случи повторно, тогаш, од јуни натаму, проевропските сили и проевропските политичари или реформисти нема да победат на други избори во оваа земја, оценува Пендаровски.

Героски: Ако им е слоганот „Да застанеме заедно за Македонија“, Заев ќе го поправа Пендаровски за „Северна“

Ивана Ефремовски — Sat, 02 Mar 2019 19:28:15 +0000

Новинарот Бранко Героски го коментира слоганот со кој се промовира Стево Пендаровски како кандидат за претседател. „Ако ова е слоганот, ми се допаѓа... Ама Заев ќе стои до Стево и ќе го поправа - Северна Македонија, Северна Македонија“-напиша Героски. Заев го поправи и вицепремиерот на оваа тема. Вицепремиерот Кочо Анѓушев на прес-конференција за медиумите, раскажувајќи за економскиот развој го употреби името Република Македонија. На ова реагираше премиерот Зоран Заев кој го корегираше, а потоа се вцрвени од смеа.

Пендаровски: Им плаќам пијачка на сите академици ако успеаат да избоксуваат зачувување на името на МАНУ

Предраг Кукиќ — Fri, 14 Sep 2018 17:03:29 +0000

Скандалозен настап на националниот координатор за НАТО, Стево Пендаровски за време на гостувањето во вчерашната емисија на “Само вистина“. Тој се обиде да објасни зошто нема повеќе да стои придавката македонски на ниту една државна институција меѓу кои и МАНУ. Притоа тој рече дека ако академиците на било каков начин успеат да го зачуваат името на институцијата тој на сите ќе им плател пијачка. - „Сакам да објаснам уште еднаш зошто од државните институции нема да може да има македонска телевизија, односно нема да може да има придавка македонска. Во оваа држава живеат и други освен македонци. И тоа не е измислено со овој договор. Вие не можете во државна институција која ги опслужува сите граѓани да ставите придавка македонски зошто другите пред се албанците велат ако пишува македонска армија тоа значи дека армијата е само на македонците. Ако академиците согласно меѓународната пракса избоксуваат МАНУ да си го задржи своето име јас им плаќам пијачка на сите. Јас ги частам сите ако успат тоа да го избоксуваат зошто пред да пробаат да преговараат со Грците тоа мора да го направат и со Албанците“, рече Пендаровски. Видеото го имате на следниот линк.