стево пенадровски – Kurir.mk

Познато која земја прво ќе ја посети Пендаровски како претседател на Македонија

Предраг Кукиќ — Sun, 12 May 2019 08:43:12 +0000

Откако официјално ќе почне неговиот претседателски мандат, Стево Пендаровски првата посета што ќе ја оствари како претседател на Македонија ќе биде на соседно Косово, пишува „Фактор“. Вчера Државната изборна комисија му го предаде уверението на Пендаровски како нов шеф на државата, а денеска ќе биде инаугурацијата и средбата со досегашниот претседател Ѓорѓе Иванов. Официјално, Пендаровски започнува со работа од понеделник, а прво што најави е дека ќе ги потпише необјавените закони, ќе помогне да се воспостави стабила дипломатска мрежа и да се изнајде решение за СЈО.

ДУИ му донела на Пендаровски над 90 илјади гласови

Дарко Андоновски — Sun, 05 May 2019 18:12:46 +0000

Демократската Унија за Интеграција го поздравува одвивањето на изборниот процес, како во првиот така и во вториот круг и оценува дека изборниот процес е успешно завршен и е во согласност со европските стандарди, ова денеска преку соопштение го истакнаа од ДУИ. -На 21 април и денес на 5 мај, Северна Македонија покажа демократска зрелост за организирање и спроведување на европски избори, а најголеми победници се граѓаните и државата. Ние во Демократската унија за интеграција сме исклучително задоволни од одлучувачкиот придонес на ДУИ во двата изборни круга, што го овозможија цензусот и предноста на нашиот концепт. Ќе ги чекаме официјалните резултати подоцна во текот на ноќта, но секако дека успешниот процес е извонреден резултат. Нашите првични и неофицијални проценки се дека околу 90.000 наши албански гласови го поддржаа концептот на консензус, но секако ќе направиме детална анализа на секое избирачко место во наредните денови. Сакам да изразам длабока загриженост во врска со информациите на теренот за тивок но активен и организиран бојкот од страна на експоненти на албанската опозиција, кој значително се приметува во општините со кои управуваат како Желино, Боговиње, Врапчиште и Гостивар. Но, и покрај овие деструктивни напори, прогресивните сили на граѓаните не дозволија кризни и злонамерни сценарија за државата и за Албанците. За среќа, движењето на земјата кон НАТО и ЕУ нема сила која може да ја спречи, а ние во ДУИ сме старатели и гарантот на ова патување, стои во соопштението на ДУИ.

„Додека луѓе умираат и државата не може да излезе од состојби на епидемии Филипче во работно време оди по партиски митинзи на Стево Пендаровски“

Предраг Кукиќ — Thu, 11 Apr 2019 20:55:46 +0000

Додека луѓе умираат и државата не може да излезе од состојби на епидемии Филипче во работно време оди по партиски митинзи на Стево Пендаровски. Амбулантите и болниците се пред распаѓање, Филипче наместо да се грижи за инфраструктурата во здравството, како и за вработените, тој се шета по митинзи и тера политика, стои во соопштението на ВМРО-ДПМНЕ од каде додаваат: „Додека граѓаните не можат да добијат основна здравствена услуга за парите кои редовно ги уплаќаат во државната каса, Филипче ги заборава и се грижи за кампањата на Пендаровски.“ Граѓаните очекуваат од Филипче да се грижи за здравството, работа за која зема плата од буџетот, а не да биде партиски промотор на Пендаровски. Господине Филипче наместо по митинзи да се шетате и сликате, кажете им на граѓаните до каде е изградбата на новиот клинички центар, кој доколку продолжеше по проектот на ВМРО-ДПМНЕ сега ќе беше во напредна фаза на реализација, до каде е клиничкиот центар во Штип, зошто се уште нема бесплатно болничко лекување за сите, каде е платата од 100.000 денари за лекарите, зошто нема лекови во аптеките и уште многу работи кои се ваша обврска, потенцираат од ВМРО-ДПМНЕ.