стево пендровски – Kurir.mk

Пендаровски: До овој момент нема никаков индикатор дека пожарот е намерен

Ивона Петрова — Thu, 09 Sep 2021 12:08:53 +0000

До овој момент нема никаков индикатор дека пожарот е намерен со цел да се да се постигне некаква друга политичка цел. Ова го истакна претседателот на државата Стево Пендаровски кој денеска е на лице место во Тетово. Пендаровски посочи дека во набрз рок ќе излезе со извештај и Јавниот обвинител. -Даден е рок, веројатно пет дена за сите извештаи да ги добие од сите институции кои работат на случајот и да се види што е причината за пожарот и дали евентуално има некаква човечка грешка, истакна Пендаровски. Претседателот информираше дека за само неколку минути изгорел целиот објект, што само по себе е предмет на детална анализа.

Пендаровски ќе го отвори јубилејното 60-то издание на Охридско лето

Ивона Петрова — Tue, 04 Aug 2020 07:14:56 +0000

Претседателот на Република Македонија, Стево Пендаровски, вечерва - 4 август 2020 година, вторник, ќе присуствува и ќе се обрати на свеченото отворање на јубилејното 60-то издание на „Охридско лето“, во Античкиот театар во Охрид. Обраќањето на претседателот Пендаровски ќе биде пренесувано во живо на првиот програмски сервис на МТВ, како и на Facebook страницата на Претседателот и на YouTube каналот. Реномираниот меѓународен фестивал „Охридско лето“, традиционално, се одржува под покровителство на Претседателот на државата.

Пендаровски најави рецесија: До вчера блескавме, а сега немало ресурси за кризна состојба

Ивана Ефремовски — Wed, 18 Mar 2020 09:26:00 +0000

Пендаровски, во вчерашното интервју во емисијата „Топ тема“, образложувајќи зошто се уште не е воведена кризна состојба на цела територија поради пандемијата од корона вирусот, наведе дека раелно немаме ресурси за да се воведе кризна состојба на цела територија. Тој нагласи дека во двете општини каде е воведена кризна состојба – Центар Жупа и Дебар, каде според него живеат околу 10.000 лица, се распоредени над 350 лица, припадници на војска и полиција, како и здравствени работници. -Да објаснам за колкави ресурси станува збор, ако зборуваме за налик на онаа ситуација што ја имаме во Центар Жупа и во Дебар. Во двете општини, севкупно војска, полиција и здравствени работници имаме над 350 луѓе. За две општини кои по попис имаат 15.000 луѓе, а прашање е дали имаат 10.000 сега. Бидејќи е иселенички крај. Ако се оди така и во сите други општини, објективно во сите 80 општини, тоа е кризна состојба на цела територија, со ова ниво на контрола на влез и излез на границите на општините. Ние тоа не можеме физички да го постигнеме, нагласи Пендаровски. Тој наведе дека со комплетно ангажирање на армискиот состав, со комплетно ангажирање на полицискиот состав и на квалификуваните здравствени работници, ние тоа не можеме да го направиме на целата територија. – Една работа е да имате на територија на две општини кризна состојба, друго е да имате на три или на четири. Вчерашната проценка беше дека добро е да воведуваме кризна состојба како што одредени општини ќе доаѓаат на дневен ред со вирусот. Можно е Скопје да оди во таа насока, се уште не е таму, бидејќи е голем град. И објективно оваа бројка што е досега детектирана за толкава бројка на луѓе што живеат тука и во околината, не е алармантна за да мора да се воведе, оцени вчера тој. Тој истакна дека треба да се прави сериозна проценка за распоредување на сили, не само за војска и полиција, тука и за здравствени работници. –За еден ден имаме практично дуплирање на случаите. Дневно мораме да правиме анализи, сите ние кои сме во ова инволивирани. Филипче кажа дека е можно пикот на вирусот да биде за еден месец од сега и дека е можно 2.000 луѓе да бидат заразени. Тоа значи дека е можно деновиве повторно да се состане Совет за безбедност. Не е исклучено дека ќе треба да се воведе и поинаква состојба, од оваа што ја имаме сега – кризна состојба само во две општини, посочи претседателот. Пендаровски нагласи дека е изречена и правата казна на човек кој на граница потпишал дека ќе биде во самоизолација. Како што рече, казната е во висина од 1.000 евра, нагласувајќи дека има и повисоки казни за оние кои не ги почитуваат мерките.