стипендија – Kurir.mk

Стипендија од 18.000 денари за студентите на додипломски студии од земјоделскиот, шумарскиот или ветеринарниот факултет

Катерина Бојаџиева — Thu, 17 Nov 2022 09:52:14 +0000

Министерот за земјоделство, шумарство и водостопанство Љупчо Николовски, заедно со министерот за образование и наука Јетон Шаќири, денеска учестуваа на академскиот час во организација на Факултетот за Земјоделски науки и храна, по повод 17-ти ноември Меѓународниот ден на студентите. Честитајќи им го Меѓународниот ден на студентите, Николовски упати порака да бидат посветени на науката, гласни и критични студенти, бидејќи само така можат да помогнат нашата државата да чекори напред и успешно да се развива. – За мене токму овие три факултети имаат најголемо значење и придонес во државата, бидејќи создавааат нови генерации млади и стручни академски граѓани, кои со своето знаење треба да помогнат во развој на земјоделскиот сектор, зачувување на шумите, заштита и нега на сточниот фонд во државата и заштита на јавното здравје на граѓаните. Развојот на земјоделството како стопанска гранка почнува токму од тука, од образовните институции. Вие сте идните земјоделски и шумарски инженери, идните ветеринари, кои ќе ја имаат клучната улога во тој развој. Токму затоа се гордеам со сите вие млади луѓе кои сте одбрале да изучувате еден од овие три факултети, истакнал во своето обраќање министерот Николовски, соопштија од Министерството за земјоделство, шумарство и водостопанство. Уште на почетокот од оваа година, се наведува во соопштението, започна иницијативата како да се зголеми интересот кај младите за изучување на овие струки и оттука произлезе целата идеја за воведување на стипендии наменети за студентите од трите струки земјоделската, шумарската и ветеринарната. – На иницијатива од министерот Николовски, а во соработка со Министерството за образование и наука и деканите на трите факултети, Владата донесе одлука за изменување и дополнување на Програмата за остварување и развој на дејноста во студентскиот стандард, со што овозможи услови за доделување на стипендии за студенти запишани на додипломски студии од прв циклус на земјоделскиот, шумарскиот или ветеринарниот факултет во сите универзитети и високообразовни установи во државата, со месечна стипендија од 18.000 денари за девет месеци во годината, појаснуваат од МЗШВ. Министерството за земјоделство, шумарство и водостопанство има одлична соработка со трите факултети и заеднички се работат повеќе проекти, преку кои им се овозможува на студентите добра и модерна настава, но и квалитетна практична настава. Студентите, се посочува во соопштението, директно се вклучуени во изработката на програмите и законските решенија, преку волонтирање во секторите на министерството и управите со состав на министерството. МЗШВ со трите факултети потпиша Меморандум за реализација на практична настава и кариерно унапредување на студентите и веќе во Министерството ги има првите 25 практиканти. – Со поддршка на Министерството преку програмата за рурален развој, заедно со Факултетот за ветеринарна медицина набавивме и поставивме софистицирана аналитичка лабораториска опрема за контрола на квалитетот и безбедност на храна. Ги мотивираме и охрабруваме младите да ги изучуваат овие важни струки и со своето образование и да придонесете во развојот на нашето македонско земјоделство, се додава во соопштението.

Утврдена висината за стипендии за средношколците, конкурсите до крајот на месецов

Катерина Бојаџиева — Wed, 19 Oct 2022 07:12:07 +0000

Владата на вчерашната 93-та седница донесе Одлука за утврдување на бројот на стипендистите и висината на стипендиите за ученици запишани во средните училишта во земјава за учебната 2022/2023 година, со којашто се утврдени бројот на стипендистите и висината на стипендиите за ученици запишани во средното образование. – Стипендии во износ од 3.500 денари месечно се предвидени за: талентирани ученици – спортисти; талентирани ученици од областите на природните и техничките науки; талентирани ученици од областа на уметностите; за ученици со посебни потреби; за социјална поддршка на ученици од средното образование; за ученици – деца без родители; за ученици кои реализираат наставни програми од угостителско-туристичка струка; за наставни програми од електро-техничка струка; од градежно-геодетска струка; од земјоделско-ветеринарна струка; за наставни програми од машинска струка; од текстилно-кожарска струка; за ученици кои реализираат наставни планови и програми за стручно оспособување и стручно образование од тригодишно траење; за ученици кои ќе се запишат во паралелки во стручно образование, во коишто ќе се реализира практично образование со зголемен број на часови, согласно програмите за стручно образование, информира владината Прес-служба. Дополнително, за учениците Роми се предвидени стипендии од 2.200 денари месечно за ученици кои имаат среден успех од 4.50 до 5.00, од 1.500 денари месечно за ученици кои имаат среден успех од 3.50 до 4.49, од 1.200 денари месечно за ученици кои имаат среден успех од 3.00 до 3.49 и стипендии од 800 денари месечно за ученици кои имаат среден успех од 2.00 до 2.99. – Според најавата од Министерството за образование се очекува конкурсите да бидат објавени до крајот на овој месец.

Бугарска фондација на секое дете во Македонија кое ќе сака да го изучува бугарскиот јазик ќе му даде стипендија од 30 евра

Магдалена Андонова — Wed, 24 Aug 2022 12:36:04 +0000

Додека владата на Ковачевски прави сѐ да и удоволи на Бугарија за да добие датум за преговори, источниот сосед и нивните испостави во Македонија не губат време.Откако се отворија две здруженија кои го носат името на фашистички соработници, а трето е во најава, сега преминаа на следна фаза, а тоа е изучување на, како што го нарекуваат книжевен бугарски јазик. Бугарската фондација „Македонија“ на својот Фејсбук профил се пофали дека секое дете кое ќе учи бугарски јазик ќе добива стипенија од 30 евра месечно. И уште најавуваат дека ќе се отвораат бугарски неделни училишта.Покрај Македонија, ваква иницијатива се најавува и во Србија. Ова е само најава што би се случувало доколку власта успее во намерата да ги внесе Бугарите во македонскиот Устав.Тогаш 3500 Бугари од пописот според механизмот „Балансер“ ќе имаат право на вреботување и учење на бугарски јазик и на отворање училишта.

ДС: Реформите во образованието треба да започнат со стипендија за талентираниот Дамјан, историјата мора да остане како посебен предмет

Ивона Петрова — Sat, 06 Feb 2021 09:12:24 +0000

Демократскиот сојуз смета дека врв на хипокризија е доколку осмоодделенецот Дамјан Давков е подобар од средношколците и победи на натпревар по математика, тоа да биде поништено од бирократски причини, притоа повикувајќи се на законски одредби кои се користат како покритие. -Реформите во образованието треба да започнат со однесувањето на првиот учител (министер) во овој систем, но тоа не го гледаме преку примерот на ученикот Дамјан Давков од Штип. Нема поважна реформа во образованието од таа системот да почне да ги препознава, признава, помага и поттикнува младите генијалци. Предлагаме претседателот на РС Македонија, Стево Пендаровски да го награди талентираниот ученик по математика Дамјан Давков и да го искористи своето политичко влијание и авторитет за да му обезбеди државна стипендија за талентирани ученици за неговото натамошно школување. Тоа ќе биде признание за сите талентирани млади ученици и поттик да учат и да творат, се вели во соопштението на партијата. Што се однесува до концептот за реформи во образованието, за кој во моментов се одвива јавна расправа, Демократскиот сојуз ќе изгради посебен став и ќе го соопшти. -При тоа, предупредуваме дека образовните реформи не смее да се сведат на експеримент кој, преку спојувањето повеќе различни предмети, ќе се испробува единствено во Македонија, врз грбот на нашите најмлади, а во таква форма не постои никаде во Европа и во цивилизираниот свет кон кој се стремиме. Особено нагласуваме дека историјата мора да остане како посебен предмет за учениците во основното образование. Спојувањето на предметот историја со повеќе други предмети, испраќа порака дома и кај нашите соседи дека на Македонците историјата не им е важна, што може да се сфати како сечење на корените на македонскиот народ и обид за негово бришење од картата на народите, поради што мораме да бидеме внимателни. Историјата е помоќно оружје и од атомска бомба, посочуваат од партијата.

Сопругата на Маричиќ ја потпишала стипендијата за ќерката на Димитров – за антикорупциска се е чисто

Дарко Андоновски — Tue, 17 Sep 2019 18:14:08 +0000

Државната комисија за спречување корупција го затвори случајот „стипендијата на ќерката на министерот за надворешни работи, Никола Димитров“ за кој била поднесена анонимна пријава, соопштија од Антикорупциска. -За да се добие оваа стипендија има точно утврдени услови и бодови кои важат за сите кандидати, а прв услов за да се добие стипендијата е студентот да успеал да се запише на еден од врвните факултети кои се на Шангајската листа, а не зависи од тоа кој е министер, изјавиле од Антикорупциската комисија. Како што објави Нова ТВ, кога конкурирала ќерката на министерот Димитров, биле примени вкупно 6 кандидати кои ги исполнувале условите. Другите кандидати не биле одбиени, туку им било оставено време, дополнително да ги достават потребните документи. Стипендијата во износ од 40.000 долари на ќерката на министерот Никола Димитров, за додипломски студии во Холандија, била доделена со потпис од Маринела Маричиќ Тушева, сопруга на Бојан Маричиќ, советник на премиерот Зоран Заев. На итна седница на штотуку формирана комисија во Министерството за образование било одлучено Јана Димитрова, ќерка на министерот за надворешни работи Никола Димитров, да добие стипендија од 40.000 долари за додипломски студии во Холандија. На 4 август 2017 година, само два дена пред распишувањето на локалните избори, министерка за образование Рената Дескоска, со решение број 14-9573/1 формирала комисија за доделување на стипендии за додипломски студии во странство. Веднаш, истиот ден (петок) комисијата се состанала и итно одлучила по барањето на Јана Димитрова да ѝ биде доделена државна стипендија за студии во Холандија, на Универзитетот во Утрехт, пишува порталот Инфомакс и додава: Она што досега беше непознато за јавноста е дека сопругата на специјалниот советник на Зоран Заев, Бојан Маричиќ, Маринела Маричиќ Тушева во тој момент била во функција на заменик претседател на Комисијата за доделување на стипендии за додипломски студии од прв циклус во странство за академската 2017/2018.

Се запишал на Универзитетот во Утрехт, но нема да добие државна стипендија – причината парадоксална

Дарко Андоновски — Wed, 19 Jun 2019 15:01:40 +0000

Влегол во трката да магистирира на престижен холандски универзитет но земјава не му доделила стипендија. Младиот правник, Петар Барлаковски, вели дека побарал поддршка од Министерството за образование бидејќи школувањето и престојот во Холандија не може да си ги дозволи, објавува Сител. Според конкурсот, кандидатите за државна стипендија е потребно да имаат завршено прв циклус студии, нивниот просек да е над 8,50 и да се примени на универзитет рангиран меѓу првите 10 во светот според Шангајската листа. Барлаковски вели дека ги исполнувал сите критериуми согласно конкурсот ама добил негативен одговор. Од министерството за образование велат дека Барлаковски е одбиен за државна стипендија поради разликата во бројот на кредити. Апликантот имал 180, а со едногодишните мастер студии од Утрехт ќе имал вкупно 240 кредити. „Според нашиот систем, магистер е лице со образование кое обезбедува 300 кредити и нема да може да се спроведе постапка за нострификација на дипломата“, велат од МОН. Барлаковски знаел за ова па запишал магистерски студии и на правниот факултет во Скопје но вели дека комисијата тоа не го зела во предвид. Младиот правник најави дека ќе се жали на одлуката од Министерството за образование на како што вели, правно-необразованата комисија која го разгледувала барањето за државна стипендија. Инаку на истиот Универзитет пред две години ќерката на министерот за надворешни работи Никола Димитров доби стипендија од државата во висина од 40.000 илјади долари.

Владата ја почести ќерката на министерот Димитров со 40.000 долари стипендија?!

Кога ќе дознаете колку заработува ќе се онесвестите: Ќерката на Колинда доби стипендија на Харвард повисока од нејзината плата

Дарко Андоновски — Mon, 20 May 2019 13:03:57 +0000

Ќерката на хрватската претседателка Колинда Грабар Китаровиќ, 18-годишната Катарина Китаровиќ, ќе студира во САД и е примена на четири универзитети кои нудат стипендија. „Харвард беше нејзиниот прв избор, иако таа беше примена на четири највисоки американски универзитети. Јас нема да кажам за кои универзитети се работи, но Харвард и Стенфорд се меѓу нив“, открива Колинда Грабар-Китаровиќ, велејќи дека нема да има трошоци за хрватските даночни обврзници бидејќи во САД нема да има осигурување. Според хравтскиот портал „Индекс“, Китаровиќ рече дека нејзината ќерка добила стипендија од сите четири универзитети за кои аплицирала и дека универзитетите побарале од нив да заработува од 2.000 до 3.000 американски долари годишно. „Овие четири универзитети нудат стипендија што е двојно повисока од мојата годишна плата. Ако таа отиде на еден од нив, таа држава ќе ѝ го плати образованието. Таа ќе се врати во Хрватска со она што некој друг го вложил во неа, во овој случај САД“, рече Грабар Китаровиќ. Таа објасни дека Катарина е талентирана за математика, физика, пишувањето и дека била врвна спортистка.

Владата ја почести ќерката на министерот Димитров со 40.000 долари стипендија?!

Ивана Ефремовски — Thu, 06 Sep 2018 07:28:07 +0000

На итна седница на штотуку формирана комисија во Минситерството за образование било одлучено Јана Димитрова, ќерка на министерот за надворешни работи Никола Димитров, да добие стипендија од 40.000 долари за додипломски студии во Холандија, открива Магазин. Порталот дознава дека на 4 август 2017 година, само два дена пред распишувањето на локалните избори, министерка за образование Рената Дескоска, со решение број 14-9573/1 формирала комисија за доделување на стипендии за додипломски студии во странство. Веднаш, истиот ден (петок) комисијата се состанала и итно одлучила по барањето на Јана Димитрова да ѝ биде доделена државна стипендија за студии во Холандија, на Универзитетот во Утрехт. Министерството за образование и министерот Димитров треба да одговорат дали исплатата на овие 40.000 долари или други средства поврзани со студиите на ќерката на министерот за надворешни работи биле исплатени на или во име на Јана Димитрова додека траела забраната за исплата? За буџетски исплати во овој забранет рок, за потсетување, кривично се одговара. „Магазин“ нагласува дека се работи за скандалозна злоупотреба на службената положба и буџетските средства во интерес на членовите од потесното семејство на министерот Никола Димитров. И тоа се е одлучено во само еден ден. Навистина, ваква ефикасност на државната администрација нема ниту во Холандија, коментира порталот. Но, во ЕУ има принципи кои се дефинирани како непотизам, судир на интереси, сомневање за изигрување на законите и корупција. Порталот поставува неколку прашања кои произлегуваат од фактите во овој случај.

Дали во овој случај има судир на интереси и непотизам? Многу студенти бараат стипендии за странство, но не секој може да добие. Студентката во случајов е ќерка на министер, кој министер пак е колега со министерката за образование, која по брза постапка, во само еден ден формира комисија и одобрува стипендија од 40.000 долари.
Колешката на Димитров, Дескоска, професорка на Правниот факултет „Јустинијан Први“ во Скопје, која тогаш била министер за образование, а денес актуелен министер за правда, најверојатно знаела дека не смее да врши исплати според Изборниот законик, но сепак го направила тоа.
Со комисијата претседавала Маринела Маричиќ Тушева, поранешна пратеничка од СДСМ, и сопруга на првиот советник на Заев за надворешна политика, Бојан Маричиќ, кој има многу блиска соработка со министерот Димитров по однос на состаувањето и склучувањето на Договорот со Грција потпишан во Нивици/Псаридес.
И министерката за образование Дескоска и претседавачот со комисијата Маричиќ Тушева знаеле за кого станува збор, односно според приложените документи увиделе дека Јана Димитрова е ќерка на членот на владата Никола Димитров. Комисијата не работела во полн состав, односно отсуствувал претседателот на комисијата Бардуљ Туши. Дали е злоупотребено неговото отуство и дали претседателот на комисијата свесно отсуствувал за да не биде соучесник во овој случај и дали заради тоа не бил присутен кога се носела одлуката за стипендијата од 40.000 долари на Јана Димитрова?

Јана Димитрова има 18 години и е најстарото од трите деца на Димитров. Во нејзините намери не се суди, но за можните злоупотреби на функцијата ќе мора да одговараат сите кои и обезбедиле „европски” начин на студирање во земјата која ѝ е дом. Според Анкетниот лист на министерот Никола Димитров, тој во Холандија, во Хаг, поседува стан од 132 квадратни метри. Хаг е оддалечен од Утрехт 69 километри, односно 40 минути возење со воз. Дали министерот Димитров ја заобиколил транспарентноста и намерно ги сокрил овие 40.000 долари стипендија за неговата ќерка, па ги нема пријавено како дел од приходот на неговото семејство во Антикорупциската комисија, иако од анкетниот лист се гледа дека еден од неговите три стана му е пријавен токму како имот во сопственост на неговите деца? На крајот наместо заклучок, порталот прави паралела со принципите во ЕУ. Замислете што ќе се случи доколку детето на холандскиот министер за надворешни работи Блок, по ургенција кај колешката министерка за образование, во рок од еден ден добие стипендија од 40.000 долари за студии во странство, на факултет во чиј радиус од 70 километри нејзиниот татко има комотен стан? Во истиот момент кога јавноста ќе го дознаеше тоа, министерот за надворешни и министерката за образование под притисок на демократската јавност во Холандија ќе поднесеа оставки од владата.

АМС ќе му додели 100 илјади денари и стипендија на Марко Пејчиновски

Ристе Здравков — Thu, 30 Aug 2018 12:12:16 +0000

На иницијатива на директорот Дарко Каевски, Агенцијата за млади и спорт донесе одлука да му додели на Марко Пејчиновски еднократна парична награда во висина од 100.000 и стипендија „Спортска надеж“. - За подвигот што го направи Марко Пејчиновски кој на 12 години го преплива Охридското Езеро, како директор на АМС побарав од Советот да му се додели еднократна парична помош од 100 илјдаи денари и секако да биде вметнат во стипендиите „Спортска надеж“ за што имаме дискреционо право дополнително да предложиме. Марко јасно ни покажува за каков талент се работи и какви резултати може да очекуваме од него во иднина доколку се работи правилно на неговиот раст и развој, изјави Каевски за МИА. Тој соопшти дека АМС се обврза да направи стручен тим кој што ќе направи програма за развој и подобрување на спортските услови за Пејчиновски во иднина да прерасне во успешен спортист.