Стив Кер – Kurir.mk

Кер по поразот на САД: Ова не е повеќе 1992…

Бошко Тасиќ — Sat, 09 Sep 2023 05:19:53 +0000

Селекторот на кошаркарската репрезентација на САД, Стив Кер не заборави да потенцира дека веќе кошарка се игра на сите страни, поточно дека тие не се повеќе доминатни како во некои други времиња. -Ова не е повеќе 1992 година. Играчите се подобри низ целиот свет, тимовите се подобри. Не е лесно да се победи на Светско првенство или Олимписките игри. Честитки до Германија, тие беа фантастични. Секогаш кога правевме серија, тие имаа одличен шут, офанзивен скок, голема акција. Горд сум на моите момци, тие се бореа и ни дадоа шанса на крајот, но не успеавме точно да ја добиеме. Тоа беше главната причина за поразот. Никогаш не можевме да ги натераме да не почувствуваат во одбрана. Му оддавам признание на Шродер, брз плејмејкер кој може да пробие. Исто така и ние направивме некои грешки. Мислем дека Обст е клучот на играта. Не ги ставивме под контрола и тоа навистина не повреди. Имаат многу големи силни момци и Шродер напаѓа. Дајте им признание, тие не надиграа, -заклучи селекторот на Американците.

Стив Кер: Можеме да учиме од Србија

Бошко Тасиќ — Wed, 06 Sep 2023 04:08:05 +0000

Американскиот стратег Стив Кер се осврна и на другите ривали на Мундобаскетот и ја истакна Србија како исклучително силен и сериозен тим, од кој треба да стравуваат сите противници. „Одигравме одличен меч и мислам дека дефанзивно ова беше најдоброто наше издание досега. Момчињата ги заслужуваат сите пофалби, затоа што одиграа брилијантно. Одиме натаму и се фокусираме на полуфиналето. Повеќе нема слаби противници и сите можат да стигнат до златниот медал. Одличен впечаток ми остави селекцијата на Србија. Погледнете како играат без двете главни ѕвезди во тимот. Уште еднаш се потврдува фактот дека со добра организација и „хемија“, секој може да биде успешен. Ако не се лажам, Србија не беше ниту во првите десет фаворити пред почетокот на турнирот, но видете до каде стигнаа. Ние можеме многу да научиме од нив. Некогаш сме полежерни во одбраната, а денес токму силната дефанзива ѝ дозволи на Србија да ја уништи Литванија. Мора да продолжиме во сличен ритам и да бидеме уште поцврсти. Остануваат уште малку натпревари, блиску сме до целта и сакаме да ја оствариме“, заклучи Стив Кер.

Кер: Шпанија е прв фаворит на Мундобаскетот

Бошко Тасиќ — Mon, 14 Aug 2023 04:04:05 +0000

Селекторот на кошаркарската репрезентација на САД, Стив Кер, смета дека Шпанија е прв фаворит на претстојниот Мундобаскет. Репрезентацијата на САД на турнирот во Малага ја совлада Словенија со 92:62, утре ќе игра против Шпанија. „Ќе биде одличен натпревар, ќе биде тешко, се работи за две искусни селекции. Публиката ќе биде одлична. Шпанија е на првото место според рангирањето на ФИБА, тие се актуелни шампиони. Добар тест за нас“, рече Кер. „Притисокот е дел од секое натпреварување, сакаме да имаме одреден притисок и сакаме да го освоиме светското злато. Од друга страна, ние не сме први фаворити за златниот медал, Шпанија е на тоа место, ние сме зад нив. Мислам дека притисокот ќе биде и врз Шпанија“ додаде Кер. Репрезентацијата на САД на Светското првенство ќе се натпреварува во групата Ц во која се и селекциите на Грција, Јордан и Нов Зеланд. Мундобаскетот ќе се игра од 25. август до 10. септември во три земји (Филипини, Јапонија и Индонезија).

Еве го списокот на кошаркари на САД за Мундобаскетот

Бошко Тасиќ — Mon, 26 Jun 2023 03:54:03 +0000

Селекторот на американската копшаркарска репрезентација Стив Кер веќе одредил единаесет од дванаесет патници кои ќе настапт на СП во кошарка. Ги нема најголемите ѕвезди од оваа лига, но списокот е целосно составен од НБА-имиња, а како засилување е Паоло Банчеро кој ја одби Италија и ќе игра за Американците.

Список на повикани кошаркари:

Паоло Банчеро (Орландо Меџик) Микел Бриџис (Бруклин Нетс) Џејлен Брансон (Њујорк Никс) Ентони Едвардс (Минесота Тимбервулвс) Тајрис Халибуртон (Индијана Пејсерс) Брендон Инграм (Њу Орлеанс Пеликанс) Џерен Џексон (Мемфис Гризлис) Кем Џонсон (Бруклин Нетс) Вокер Кеслер (Јута Џез) Боби Портис (Милвоки Бакс) Остин Ривс (ЛА Лејкерс) Светското првентсво ќе започне на 25 август до 10 септември, а САД е во група со Јордан, Грција и Нов Зелнад.

Кер: Грин ја изневери нашата доверба

Дарко Андоновски — Wed, 12 Oct 2022 08:28:58 +0000

– Тренерот на Голден стејт, Стив Кер, го коментираше инцидентот меѓу Дрејмонд Грин и Џордан Пул на тренинг и одлуката на клубот да не го суспендира Грин од учество на натпревари. – Ова е најголемата криза што ја имавме откако станав селектор на овој тим. Ова е многу сериозно. Ние не сме совршени. Но, ќе се потпреме на искуството што го имаме и веруваме дека ова е најдоброто решение за нашиот тим. Имаме многу работа. За сите нас. Нема заобиколување, нашата репутација настрада поради овој инцидент. Треба да работиме за да го поправиме ова. Грин ја поткопа нашата доверба, изјави Кер. Вориорс го казни Грин, но не го суспендираше поради инцидент за време на тренингот минатата среда. Кошаркарот го удри со бокс во лицето соиграчот Пул. Инцидентот предизвика големи реакции и критики за четирикратниот шампион во НБА.

Кер: Сакаме да ја земеме титулата во Бостон

Тале Кристо — Wed, 15 Jun 2022 07:11:02 +0000

Тренерот на Голден Стејт, Стив Кер, изјави дека има намера да ја заврши финалната серијата во НБА-лигата во шест натпревари. – Сакаме да ја освоиме титулата во Бостон. Ќе ја завршиме серијата во Бостон, рече Кер. Шестиот натпревар ќе се одигра на 17 јуни на теренот на Бостон селтикс со почеток во 3 часот по македонско време. Доколку домаќините победат шампионот ќе се решава на седмиот натпревар во Сан Франциско. Голден Стејт може да ја освои четвртата титула во последните осум години кои тимот ги играше под водство на Кер.

Стив Кер официјално нов селектор на американскиот „дрим – тим“

Тале Кристо — Mon, 20 Dec 2021 19:35:06 +0000

Актуелниот тренер на НБА лигашот Голден Стејт, Стив Кер, денеска официјално е назначен за нов селектор на кошаркарската репрезентација на САД. Кер (56) доаѓа на местото на 72-годишниот Грег Попович, под чие водство американскиот „дрим – тим“ го освои златниот медал на Летните олимписки игри во Токио. Кер како играч има пет шампионски титули, додека како тренер три пати беше најдобар во НБА лигата (сите три како тренер на Голден Стејт 205, 2017, 2018). Под негово водство Голден Стејт и оваа сезона е при самиот врв во Лигата со ефект од 24 победи и осум порази. Кер во 2016 година беше прогласен за најдобар НБА тренер, а во неговиот стручен штаб во американската репрезентација ќе биде актуелниот тренер на Феникс, Монти Вилијамс, или, тренерот на Мајами, Ерик Споелстра.

Американскиот „дрим-тим“ има нов селектор

Бошко Тасиќ — Fri, 10 Dec 2021 21:04:48 +0000

Стив Кер и официјално е новиот селектор на кошаркарската репрезентација на САД, објавија американските медиуми.

Тој доаѓа на местото на Грег Попович по освоеното злато на неодамнешните Летни олимписки игри (ЛОИ) во Токио, а ќе остане на кормилото на следните две големи натпреварувања, Мундобаскетот во 2023 година и следните ЛОИ во Париз во 2024 година. Во стручниот штаб на Кер ќе се најдат тренерите на Феникс и на Мајами, Монти Вилијамс и Ерик Сполстра, како и долгогодишниот „шеф“ на Универзитетот Гонзага, Марк Фју.

Кер: Игудала наскоро треба да се врати на теренот

Ивона Петрова — Mon, 08 Nov 2021 10:56:19 +0000

Тренерот на Голден Стејт, Стив Кер, ја оцени сериозноста на повредата на бутниот мускул на ветеранот Андре Игудала. Ноќеска Андре не беше во можност да настапи на натпреварот против Хјустон (120:107). – Имаме два меча по ред во генерално тешка серија според распоредот. Ако Андре има здравствени проблеми, тогаш ќе се обидеме да го растовариме. Игудала рече дека сега е загрижен за повредата, но наскоро треба да се врати на должност. Повредата не е многу сериозна, рече Кер. На седум натпревари од регуларниот дел од сезоната, 37-годишниот играч има просек од 3,7 поени, 4,7 скока и 3,9 асистенции по натпревар.

Кер: Не личевме на себе

Ристе Здравков — Mon, 22 Oct 2018 09:57:06 +0000

Тренерот на Голден Стејт, Стив Кер беше разочаран по поразот од Денвер, не толку од резултатот, колку што е незадоволен од играта на неговите избраници. -Не личевме на себе, а во одредени моменти игравме најлошо во последниет три години. Понекогаш не е доволна само желбата за победа. Мора тоа да се покаже на теренот. Очигледно се уште ја бркаме формата. Верувам дека во скоро време ќе биде далеку подобри, изјави Кер. Актуелниот НБА шампион Голден Стејт ноќеска загуби од Денвер со 100:98, што е нивни први пораз оваа сезона.