стив наумов – Kurir.mk

102 години од раѓањето на Стив Наумов, народен херој на Македонија

Ивона Петрова — Thu, 27 Oct 2022 05:52:22 +0000

На 27 октомври 1920 година во Битола е роден Стефан Наумов – Стив, народен херој на Македонија. Потекнува од печалбарско семејство. По завршувањето на гимназијата во Битола, во 1938 година се запишал на Техничкиот факултет во Белград, каде што веднаш му пристапил на напредното работничко движење, поради што бил често затворан. По враќањето во Битола, во 1940 година бил избран за секретар на Месниот комитет на КПЈ за Битола. Во април 1942 година го формирал Битолскиот НО партизански одред „Пелистер“. Загинал, се самоубил, во борбата против бугарската фашистичка војска и полиција кај селото Болно, Ресенско, на 12 септември 1942 година. За неговата глава се барале 200 илјади лева, жив или мртов.

Студентскиот дом „Стив Наумов“ 10 дена без вода

Ристе Здравков — Sat, 15 Oct 2022 12:32:27 +0000

Премиере! Абе топлата вода! А?, пишуваат студентите од студентскиот дом Стив Наумов, каде веќе 10 дена нема топла вода

Ќе се реставрира родната куќа на Стив Наумов

Ивона Петрова — Tue, 09 Mar 2021 11:14:14 +0000

НУ Завод и Музеј-Битола со средства од Министерството за култура ќе ја реставрира родната куќа на народниот херој Стеван Наумов Стив која се наоѓа на улицата „Пецо Божиновски” бр.11 во Битола. Куќата во која е роден Стив Наумов за прв пат како постојана музејска поставка беше отворена на 4 јули 1961 година откако објектот е реконструиран и адаптиран за таа намена. Во 1977 година објектот е повторно реконструиран и адаптиран, а на јавноста и беа презентирани сегменти за ликот животот и делото на Стив Наумов, кој во периодот на Народноослободителната и антифашистичка војна на македонскиот народ како секретар на КПЈ-КПМ за Битола со својата револуционерна дејност уште во тој период прерасна во легендарна личност. Самата поставка е поставена на простор од околу 150 квадратни метри, во приземје и кат. Истата, во 2002 година, по трет пат е обновена со содржина од нови експонати. Во приземниот дел во најголема мера прикажана е покуќнината и предметите за секојдневна употреба на семејството Наумови. На горниот кат од објектот кој зазема простор од околу 80 квадратни метри во четири посебни целини, презентирани се документи и предмети што го следат животот и делото на херојот од неговото најрано детство, фотографии, документи, предмети тесно поврзани со животот на неговото пошироко семејство, а во втората целина е прикажана неговата револуционерна активност, неговото загинување на 12 септември 1942 година заедно со неговиот соборец и другар народниот херој Мите Богоевски. Историскиот дел завршува со приказ на победата над фашизмот и сé она што за херојот, за неговото име и во негова чест, е напишано и изградено како спомен. Во третата целина во простор од 18 квадратни метри уредена е гостинска, приемна соба за свечености-визити, со оригинални и откупени предмети од тој период што даваат приказ на средно имотна фамилија од тој период, со еден фонд на урамени фамилијарни фотографии. Завршница на целокупната поставка е преуредениот затворен ходник во кој се поместени три уметнички ликовни дела од ликовниот уметник и учесник во НОАВМ, Тоде Ивановски.

БЕГ: Студентскиот дом „Стив Наумов“ нема парно поради дефект на внатрешната инсталација

Ивона Петрова — Wed, 24 Oct 2018 10:58:11 +0000

Студентскиот дом „Стив Наумов“ во моментов нема централно греење поради дефект во внатрешната инсталација, чие одржување согласно важечката регулатива е обврска на управата на домот, информира Балкан енерџи груп (БЕГ). – Сѐ додека управата не го среди овој проблем во внатрешната инсталација БЕГ не е во можност да испорача топлинска енергија. Со оглед на фактот дека се работи за Студентски дом каде се сместени голем број студенти, БЕГ како општествено одговорна компанија е секогаш подготвена со своите стручни екипи да даде поддршка на управата на домот за надминување на овој проблем, соопшти БЕГ. Од БЕГ посочуваат дека пред почетокот на грејната сезона нивни екипи навреме извршиле проверка на топлинската станица на Студенскиот дом „Стив Наумов“, при што било констатирано дека е технички исправна за преземање на топлинска енергија од централниот систем за греење. – Студентскиот дом „Стив Наумов“ е во групата објекти кои не ја подготвија внатрешната инсталација согласно обврските за почеток на грејната сезона, за што навреме ја информиравме јавноста, нагласуваат од БЕГ. МИА

За Државниот студентски центар „Скопје“ претходната власт е виновна што во „Стив Наумов“ нема топла вода

Даниел Василев — Fri, 13 Apr 2018 08:02:41 +0000

За немањето топла вода и неисправните лифтови во студентските домови „Стив Наумов“ и „Гоце Делчев“, за Државнот студентски центар „Скопје“ виновна е претходната власт. По вчерашниот текст Во „Стив Наумов“ нема топла вода, во „Гоце Делчев“ неисправни лифтови, МОН и ДСЦ молчат, Курир доби одговор на прашањата поставени до ДСЦ. Оттаму велат дека немањето топла вода во изминатите неколку месеци, и несервисирањето на лифтовите е производ на долгогодишно занемарување на просториите и воопшто на потребите на студентите. -Состојбата во студентските домови наследена од претходната власт е катастрофална. Таа е производ на долгогодишно занемарување на просториите и воопшто на потребите на студентите. По доаѓањето она функција на новиот директор, Дарио Николовски, започната е темелна анализ за тоа кои се клучните проблеми и каде најитно трба да се интервенира. Основна цел е да се идентификуваат реалните потреби на студентите и нивните приоритети и да се започне со решавање на проблемите, велат од ДСЦ за Курир. Оттаму посочуваат дека во наредниот период ќе се инвестираат 660 милиони денари во реконструкции и подобравуање на условите. За случаите со бубачки и отпушоци во храната во студентските домови, од ДСЦ велат дека тие не се евидентирани, но додаваат дека сегашните стандарди за хигиена во студентските домови се незадоволително. -Новото раководство предвидува реконструкции на објектите и на начинот на функционирање на домовите, токму во насока да се обезбедат соодветни услови во кујните, како и подобра хигиена во сите простории. Исто така, ќе има и промени во храната која ја нудат студентските домови како и нивото на контрола на квалитетот кој во моментов воопшто не се прави, велат од ДСЦ. Во однос на обвинувањата по социјалните мрежи дека непознати лица се обиделе да обијат соби каде што спијат студенти во раните утрински часов, Државниот студентски центар „Скопје“ ги смета за неточни, бидејќи, како што велат, овој случај официјално не е евидентиран, ниту пријавен во полиција. Сепак, во коментарите на Фејсбук може да се забележи дека студентите ја контактирале управничката, која пак им рекла дека нема што да направи за оваа ситуација.

- Ги повикуваме студентите за секој случај да пријавуваат кај надлежните и веднаш да го известат раководството на домовите како ќе реалгираат соодветно. Симптоматично е тоа што и за двата случаи кои се објавија на социјланите мрежи немаше официјална пријава ниту жалба. Сепак, состојбата знаеме дека е лоша и работиме на подобрување на стандардот за да се превенираат било какви немили настани кои во изминатите години беа секојдневие, велат од ДСЦ.

Во „Стив Наумов“ нема топла вода, во „Гоце Делчев“ неисправни лифтови, МОН и ДСЦ молчат

Даниел Василев — Wed, 11 Apr 2018 13:31:55 +0000

Во студентскиот дом „Стив Наумов“ во Скопје повеќе од еден месец нема топла вода, велат револтирани студентите од овој дом, кои потенцираат дека никогаш одсега не се случило толку долг период да нема топла вода. Ниту состојбата во домот „Гоце Делчев“ не е најсјајна. Таму според информациите до кои дојде нашата редакција, веќе подолг период не се сервисирани и сертифицирани лифтовите, а студентите стравуваат поради потенцијална опасност. Курир се обиде да добие одговори од Министерството за образование и наука и од Државнот студентски центар „Скопје“ кој е надлежен за студентските домови „Стив Наумов“, „Гоце Делчев“ и „Кузман Јосифовски – Питу“. Оттаму засега нема никакви одговори на нашите прашања, иако тие беа поставени уште вчера. Сегашната власт, додека беше опозиција ветуваше дека младите ќе бидат нивен приоритет. Во Планот за живот тие ветија повисок квалитет на високото образование, голем број поволности за студентите и поквалитетен студентски стандард. Пред околу една недела во „Стив Наумов“ непознати лица во раните утрински часови се обиделе да влезат во неколку соби каде што спиеле студентите, пишуваа исплашени студенти на социјалните мрежи.

Од она што може да се забележи од коментарите веднаш по немилиот настан била исконтактирана управничката која им рекла дека нема што да направи во ваква ситуација. Студентите прашуваат дали некој се грижи за нивната безбедност и дали некој ќе одговара за овој терор што им се случува. Во изминатиот период, студентските домови се соочуваат со големи проблеми, особено со исхраната на студентите кои претстојуваат во нив, па така, пред само една недела студенти фотографираа бубачки во храната, но и отпушоци од цигари.

Страв и паника во студентскиот дом „Стив Наумов“

Курир — Wed, 04 Apr 2018 12:49:15 +0000

Потресни сведочења доаѓаат од вториот по големина студентски дом во Скопје. Идните македонски интелектуалци кои треба да бидат столб на ова општество се плашат за своите животи.

На социјалните мрежи беше објавено дека ноќеска во 3 часот по полноќ непознати лица се обиделе да влезат во неколку од собите каде што спиеле студентите.

Ова не е прв пат студентскиот дом Стив Наумов да се соочува со катастрофални ситуации. Само пред неколку денови во храната беа пронајдени бубачки а претходно исто така студентите се жалеа на лошата и оскудна исхрана. Иако во предизборниот период СДСМ им ветуваше на студентите нови студентски домови, подобра исхрана и зголемување на стандардот во досегашните 10 месеци откако се на власт ништо од тоа не е направено.