Стив Неш – Kurir.mk

Неш доби отказ од Бруклин нетс

Бошко Тасиќ — Wed, 02 Nov 2022 05:35:22 +0000

Стив Неш доби отказ во Бруклин нетс по слабите резултати на тимот во новата сезона во НБА лигата, а Мрежичките веќе му најдоа замена и тоа ќе биде скандалозниот тренер од Бостон, Име Удока. Удока е суспендиран од Бостон селтикс на една година, односно до јуни 2023 година поради љубовен однос со вработена во клубот. Сепак, Име го прекрши клупскиот правилник, но не и тој на НБА, па може веднаш да почне да работи, а велат дека веќе се договорил со Бруклин и се чека само потврда и промоција. Неш беше кормилар на Мрежичките од септември 2020, односн нешто повеќе од две години.

Неш: Дурант е во состојба да напише уште едно поглавје во неговата биографија

Тале Кристо — Wed, 28 Oct 2020 09:16:32 +0000

Новиот тренер на Бруклин, Стив Неш проговори за неговиот однос со лидерот на тимот Кевин Дурент. – Имаме силна врска, според мое мислење, тоа започнаа кога јас ја завршував кариерата. Иронично, Адам Харингтон, еден од нашите помошници тренери во Нетс, беше личен тренер на Кевин во тоа време. Кевин е само личност која многу ја сакам. Верувам во него и во неговиот карактер. Кога станува збор за кошарката, тоа е историски уникатен и значаен играч. Тој е веќе еден од најголемите играчи во историјата и е во состојба да напише друго поглавје во неговата биографија, рече Неш. Дурант е во Бруклин од 2019 година. Претходно настапуваше за Голден Стејт и Оклахома Сити.

Стадемаер ќе биде асистент на Стив Неш во Бруклин

Магдалена Андонова — Sat, 24 Oct 2020 13:08:46 +0000

Триесет и седумгодишниот поранешен кошаркар Амаре Стадемаер ја заврши својата играчка кариера. Тој ќе ја преземе функцијата помошник-тренер во Бруклин, објави инсајдерот на „The Athletic“, Шамс Харанија. Шесткратниот учесник на „Ол стар“ последната негова сезона (2020) играше за израелски Макаби. Има настапувано и за НБА тимовите Феникс, Њујорк, Далас, Мајами. Сега Стадемаер ќе биде дел од стручниот штаб на Стив Неш. Исто така во стручниот штаб на Неш може да влезе и нивниот ментор од деновите кога беа кошаркари, Мајк Д’Антони. (МИА)