стивен џерард – Kurir.mk

Џерард одби да тренира саудиски прволигаш

Тале Кристо — Tue, 20 Jun 2023 12:29:26 +0000

Англискиот фудбалски стратег Стивен Џерард објави денеска дека не сака да биде тренер во Саудиска Арабија, откако понуда на негова адреса дојде од прволигашот Ал Итифак во чии редови настапува и македонскиот репрезентативец Дарко Велковски. „Ја анализирав понудата и потенцијалното заминување за Саудиска Арабија, но ми се чини дека од тоа нема да има ништо“, изјави 43-годишниот Џерард за британските медиуми. Легендарниот фудбалер на Ливерпул и репрезентацијата на Англија од крајот на минатата година е без тренерски ангажман, откако ја напушти клупата на премиерлигашот Астон Вила. Во својата кратка тренерска кариера, Џерард претходно ги водеше младинските категории на Ливерпул, а потоа и шкотски Глазгов Ренџерс.

Џерард ќе оди во Дортмунд да разговара со Белингем за преселба во Ливерпул

Дарко Андоновски — Sat, 21 Jan 2023 15:34:40 +0000

Поранешниот играч за врска на Ливерпул, Стивен Џерард сака фудбалерот од средниот ред на Борусија Дортмунд, Џуд Белингем да се пресели во англискиот клуб. – Се што треба да направи е да ми даде датум кога ќе биде слободен и јас ќе одам во Дортмунд за да разговарам за преселба во Ливерпул, го цитира „Goal“ Џерард. Деветнаесетгодишниот фудбалер беше поврзуван со многу големи клубови, вклучувајќи ги Ливерпул, Реал Мадрид, Манчестер сити и Челзи. Сепак, Борусија се уште не сака да го пушти. Оваа сезона играчот од средниот ред одигра 22 натпревари за клубот од Дортмунд, постигнувајќи девет голови и три асистенции. Неговиот договор е до летото 2025 година. Порталот Трансфермаркт го цени играчот на 110 милиони евра.

Стивен Џерард кандидат за полски селектор?

Бошко Тасиќ — Thu, 12 Jan 2023 07:00:14 +0000

Дел од англиските медиуми објавија денеска дека Стивен Џерард, поранешната фудбалска легенда на Ливерпул, а подоцна тренер на Глазгов Ренџерс и Астон Вила, е кандидат за нов селектор на Полска. Оваа сезона Џерард ја почна како тренер на Астон Вила, но слабите резултати придонесоа за негова смена во октомври. Претходно Џерард имаше забележителни резултати на клупата на шкотски Ренџерс и Фудбалската федерација на Полска, според англиските медиуми, сериозно размислува да го назначи за нов селектор. Полска на неодамнешното Светско првенство беше елиминирана во осминафиналето од Франција, а тамошниот фудбалски сојуз најави дека нема да ја продолжи соработката со досегашниот селектор Чеслав Михниевич

Џерард: Многу сакав да ги вратам достигнувањата на Астон вила, но не било судено да биде така

Дарко Андоновски — Sat, 22 Oct 2022 14:35:19 +0000

Стивен Џерард реагираше на неговото отпуштање како менаџер на Астон вила. – Би сакал да им се заблагодарам на сите поврзани со фудбалскиот клуб Астон вила за поддршката што ми беше дадена за време на мојот престој таму. Би сакал лично да им се заблагодарам на управниот одбор, играчите и целиот персонал за нивната напорна работа. Штета што не успеав на крајот, но должен сум им на навивачите за тоа како ме пречекаа и продолжија да го поддржуваат тимот во тешките моменти. Астон вила е клуб со посебна историја, многу сакавме да ги вратиме тие незаборавни достигнувања, но, за жал, тоа не беше предодредено. На сите во клубот им посакувам се најдобро во иднина, напиша Џерард на социјалната мрежа. Четириесет и двегодишниот Англичанец е во Астон вила од ноември 2021 година. Под негово водство, тимот одигра 40 натпревари – 13 победи, 8 нерешени и 19 порази. Сезонава Астон вила на 11 натпревари освои девет бода и се наоѓа на 17. место во Премиер лигата.

ВИДЕО: Навивачите на Астон Вила на брутален начин го исмејуваа Џерард!

Ристе Здравков — Fri, 21 Oct 2022 11:08:28 +0000

Стивен Џерард доби полноќен отказ од редовите на Астон Вила. Челните лица на премиерлигашот своето незадоволство од резултатите на тимот го искажаа со промена на менаџерската функција, по само една година откако го доведоа легендарниот Џерард. По единаесет одиграни кола екипата од Бирмингем се наоѓа на 17. позиција со девет освоени бода и во серија од четири натпревари без победа. Тоа беше доволна причина за поранешниот менаџер на Глазгов Ренџерс да добие отказ. Покрај раководството, и навивачите исто така не беа задоволни од работата на Џерард, па дури и го исмеваа неговото лизгање против Челзи, кога Ливерпул ја загуби титулата. За време на натпреварот во Лондон побараа од него да ја напушти клупата.

Aston Villa fans have really had enough. “We want Gerrard out” chants getting louder and now they have even rolled out the classic Slippy G. #avfc pic.twitter.com/6lRxmfN42x
— Emily Hewertson (@emilyhewertson) October 20, 2022

Џерард ги „поздрави“ навивачите на Јунајтед за жестоките свирежи на „Олд Трафорд“ (Видео)

Ристе Здравков — Tue, 11 Jan 2022 08:05:02 +0000

Стивен Џерард имаше свое враќање на стадионот кај најомразениот ривал од својата играчка кариера, овојпат како тренер на Астон Вила во рамките од третото коло на ФА Купот. Гостите од Бирмингем создадоа многу шанси, во повеќе наврати го тестираа Де Хеа и еднаш ја погодија неговата мрежа, но голот беше поништен поради корекција на ВАР и на крајот како клучен се покажа раниот гол на МекТоминеј. Манчестер Јунајтед победи со минимални 1:0 и се пласираше во наредната рунда, но со оглед на долгото и озлогласено ривалство со Јунајтед, Стиви Џи беше жестоко пречекан од домашните фанови на „Олд Трафорд“. Поранешниот капитен на Ливерпул беше исвиркан во повеќе наврати, а во ситуација кога не беше задоволен од елиминацијата која ја оцени за незаслужена, не пропушти да ги „пецне“ навивачите на Манчестер Јунајтед. – Свирежите од трибините? Тоа беше релативно тивко, ништо посебно. Сум бил на многу погласни стадиони од овој. Ова беше добра куп пресметка, но ако гледаме што добив на крајот, добрата игра немаше никаков ефект за нас, – изјави Џерард.

An #EmiratesFACup 𝗹𝗲𝗴𝗲𝗻𝗱 returns 🙌#EmiratesFACup pic.twitter.com/397cqwa3ou
— Emirates FA Cup (@EmiratesFACup) January 10, 2022

Џерард ја презема тренерската функција во Астон вила

Дарко Андоновски — Thu, 11 Nov 2021 10:34:41 +0000

Стивен Џерард денес стана главен тренер на Астон вила. Деталите од договорот не беа прецизирани. Претходно се дозна дека договорот на 41-годишниот специјалист со клубот од Бирмингем ќе трае 2,5 години. Беше објавено и дека Џерард ќе стане најплатениот тренер во историјата на Астон вила. Од 2017 до 2018 година тренерот работеше со У19 тимот на Ливерпул. Во 2018 година ги предводеше Ренџерс и стана шампион на Шкотска со тимот во сезоната 2020/21. По 11 кола во Премиер лигата Астон вила е на 16. место со 10 бодови.

Џерард за Њукасл: Не ме прашувајте глупости

Ристе Здравков — Fri, 22 Oct 2021 07:51:18 +0000

Стивен Џерард беше споменат како еден од можните кандидати за нов тренер на Њукасл, но легендата на Ливерпул категорично демантираше. Џерард е среќен во Глазгов Ренџерс и нема намера да го напушти шкотскиот клуб. „Дали ви изгледам среќно? Дали изгледам прилагодено тука? Тогаш не ме прашувајте глупости“, им изјави Џерард на новинарите по вчерашната победа над Бромби во Лига Европа.

Ба за киксот на Џерард и „одземената“ титула на Ливерпул: „Не уживавме во уништувањето на сонот“

Ристе Здравков — Fri, 15 Oct 2021 08:19:58 +0000

Ливерпул долго чекаше на титула во Премиер лигата и конечно дојде до неа во 2020, по 30 години пауза. Сепак, „црвените“ и шест години претходно беа блиску до целта, ама тогаш се случи фамозната случка кога Стивен Џерард се лизна и Демба Ба го сруши сонот. Челзи во тој натпревар кој беше меѓу одлучувачките победи со 2-0, а Сенегалецот го даде првиот гол на дуелот. Сега, по неколку години Ба реши да ја искоментира ситуацијата за која нагласи дека не уживал во неа. „Не уживавме во фактот дека им го уништивме сонот. Сепак, бевме среќни за победата. Кога правиш грешка, другите ја користат против тебе“, смета напаѓачот. Ливерпул таа сезона беше во мртва трка со Манчестер Сити, па на крајот заврши како второпласиран со два бода помалку и ги разочара фановите.

Стивен Џерард на клупата на Евертон?

Тале Кристо — Wed, 02 Jun 2021 06:03:52 +0000

Тренерот на Ренџерс, Стивен Џерард може да се пресели во Премиер лигата. Според „Атлетик“, Евертон започнал преговори со 40-годишниот поранешен играч за врска на Ливерпул. Во сезоната 2020/21, Ренџерс стана шампион на Шкотска, а Џерард беше избран за најдобар тренер во лигата. Досегашен тренер на Евертон беше Карло Анчелоти. Под негово водство, тимот го освои 10. место во Премиер лигата. За потсетување, Ливерпул и Евертон се градски лути ривали, па доколку се остварат најавите Џерард да ги преземе „карамелите“ ќе биде интересно да се види реакцијата на навивачите на „црвените“.