Стивен Хокинг – Kurir.mk

Респираторот на Стивен Хокинг дониран во болница во Кембриџ

Ивона Петрова — Thu, 23 Apr 2020 08:58:13 +0000

Семејството на познатиот физичар Стивен Хокинг го донирало неговиот респиратор во Кембриџ каде се лекувал, објави оваа институција. Славниот научник почина во 2018 година, а животот го помина посветен на истражување на вселената. Хокинг од младоста страдал од ретка болест која ми го парализирала телото. -Семејството на Стивен Хокинг го донираше неговиот респиратор во болницата Ројал Паповорт во време кога лекуваме се поголем број на пациенти со Ковид-19, објави болницата.

Ги надмина Алберт Ајнштајн и Стивен Хокинг: Ова девојче е најпаметно во светот!

Ивана Ефремовски — Wed, 28 Aug 2019 12:48:48 +0000

Тара Шарифи, 11-годишна Иранка која живее со своето семејство во Велика Британија, официјално стана најпаметната девојка на светот. Поточно, Тара, како ученичка во британското училиште Аилсури, го полагала популарниот тест за интелигенција Менса, со што заработила импресивни 162 поени. Тој резултат ја става високо над границата на генијалноста – која изнесува 140 поени. Покрај тоа, тој резултат ја прави попаметен од Алберт Ајнштајн, кој иако никогаш не го полагал тестот, имал коефициент на интелигенција од 160. Стивен Хокинг исто така имал коефициент на интелигенција од 160. Резултатот бел големо изненадување за сите, а особено за Тара која рекла: „Бев шокирана кога ми кажаа“. Заедно нејзините родители одлучиле дека Тара ќе оди на тестот во Оксфорд, бидејќи тие веруваат дека нивната ќерка е многу интелигентна. Резултатот од нејзиниот тест зависел од нејзината способност да разбере одредени зборови и да одговори на нив во одредени периоди. -Знаев дека е паметна затоа што во разни квизови ќе одговараше на прашања, особено математички, наместо самите конкуренти. Сепак, не се надевав дека таа имала толку висок коефициент на интелигенција, рекол татко ѝ Хосеин Шарифи. Како што рекла, кога била постара, би сакала да се знаимава со нешто повразно со математика и наука.

Стивен Хокинг: 10 кратки одговори на големи прашања

Катерина Бојаџиева — Wed, 17 Oct 2018 10:11:08 +0000

Познатиот физичар Стивен Хокинг пред својата смрт снимил видео порака која пред светот првпат беше прикажана на претставувањето на неговата книга „Кратки одговори на големи прашања”. Во неа тој одговара на 10-те најчести прашања кои му ги поставувале. Во видеото тој говори и за американскиот претседател Доналд Трамп, истакнувајќи дека неговата победа на претседателските избори, како и Брегзит, се „дел од светскиот бунт против експертите, меѓу кои и научниците". -Бог не постои, ниту пак, „живот потоа“. А, сигурно не постои ниту рајот, вели Хокинг. Хокинг натаму наведува дека образованието и науката се „во опасност поголема од кога било" и дека не се почитуваат стручните лица, пренесува Индепендент. Признавајќи дека науката допрва треба да ги реши бројните големи проблеми на светот и дека пред научниците се значајни предизвици, како што се климатските промени, пренаселеноста, изумирањето на некои животински и растителни видови, уништувањето шуми и загадувањето на океаните, Хокинг ги повика младите да „гледаат во ѕвездите, а не во своите нозе". - Обидете се да го сфатите она што го гледате и прашајте се - од што се состои Вселената. Важно е да не се откажувате, ослободете го својот ум. Обликувајте ја иднината, рече Хокинг. Кусо пред смртта, Хокинг почнал да ги составува одговорите на прашањата, кои луѓето често му ги поставувале. Тие сега можат да се најдат во неговата последна книга. Прашања Дали постои Бог? - Не. Никој не управува со нашата Вселена. Како започнало сѐ? - Со Големата експлозија. Што има во црната дупка? - Паѓањето во црна дупка дефинитивно е лоша вест. Ако е тоа ѕвездена црна дупка, ќе се претворите во шпагети пред да дојдете до хоризонтот. Можеме ли да ја предвидиме иднината? - И не, и да. Всушност, законите ни овозможуваат да ја предвидиме иднината, но практично, тоа е претешко. Дали е можен времеплов? - Според нашите сегашни сознанија, патувањето во минатото не може да се исклучи. Ќе преживееме ли ние на Земјата? - Сегашниот светски поредок има иднина, но таа ќе биде многу поинаква. Постои ли напреден живот во Вселената? - Има облици на напреден живот горе. Мораме да бидеме внимателни во одговорот додека ние сѐ уште се развиваме. Дали треба да ја колонизираме Вселената? - Да. Очекувам дека наредниве стотина години ќе можеме да патуваме каде било во Сончевиот Систем. Дали ќе бидеме надмудрени од вештачката интелигенција? - Вештачката интелигенција ќе биде доста успешна во постигнувањето на целите, но доколку тие цели не се совпаѓаат со нашите, тогаш имаме проблем. Како да ја обликуваме иднината? - Запомнете, гледајте горе во ѕвездите, а не долу во своите стапала.

ФОТО: Погребан Стивен Хокинг, последно “збогум“ за блескавиот научник

Ивана Ефремовски — Sat, 31 Mar 2018 17:16:47 +0000

Околу 500 лица присуствуваа на приватниот погреб на светски познатиот научник Стивен Хокинг. Погребната церемонија се одржа во англискиот универзитетски град Кембриџ, каде научникот почина на 14 март на 76-годишна возраст. Меѓу присутните беше и актерот Еди Редмејн, кој го играше Хокинг во филмот „Теорија на се“ од 2014 година. На погребот говореше и астрономот Мартин Рис. Ѕвоното во црквата отчука 76 пати.

Хокинг оставил аманет: Напишете ми го ОВА на мојот гроб

Ивана Ефремовски — Fri, 16 Mar 2018 08:33:47 +0000

Познатиот физичар Стивен Хокинг почина неделава, на 14 март, на 77-годишна возраст. Додека беше жив, тој многу јасно кажа што би сакал да стои на неговата надгробна плоча. Уште во 2002, во интервју за „Њујорк Тајмс“ тој рече дека на натписот треба да стои формулата за ентропија на црните дупки. Светски прочуениот физичар работеше на формулата заедно со својот колега Џејкоб Бекенштајн, па така официјалниот назив гласи Бекенштајн-Хокингова равенка. Стивен Хокинг почина во средата наутро, во својот дом во Кембриџ, Велика Британија.

Направил и фудбалска формула: Хокинг до детаљ разработил како се освојува Светско првенство

Ивона Петрова — Thu, 15 Mar 2018 16:20:46 +0000

Научникот Стивен Хокинг почина во средата на 76 години оставајќи зад себе бројни книги, трудови и теории. Се занимаваше во квантна физика и изучување на вселената, но неговите Англичани најмногу ги интересирало кога конечно по 1996 година повторно ќе го освојат Светското првенство во фудбал. Затоа Хокинг се занимавал и со најважната споредба работа во светот. Тој пред Мундијалот во Бразил во 2014 година извел формула за тоа како „гордиот Албион“ може да дојде до посакуваниот пехар наменет за победникот на светскиот шампионат. Очигледно тогашниот селектор на Англија Рој Ходсон и неговите избраници не го послушале советот, бидејќи од Бразил заминаа без пехарот. -Квантната физика е едноставна во споредба со фудбалот, се обидел Хокинг да објасни колку најпопуларниот спорт во светот е комплициран. Сепак, тој успеал да изведе формула. Тој го советувал англискиот тим да игра систем 4-3-3, бидејќи за него тоа било попродуктивно од 4-4-2 и да настапува со црвени дресови. Но, она на што не можеле да влијаат Англичаните била надморската висина и судиите. Хокинг тврдел дека, репрезентацијата има поголеми шанси доколку натпреварите ги игра на помалку од 500 метри и ако судиите се од Европа. -Англичаните се суштества со навики, како и животните. Кога играат поблиску до дома, негативното влијание се намалува. Ќе играат подобро на умерена клима и тогаш кога почетокот на натпреварот е поблиску до 15 часот по локално време, ја изнел Хокинг својата теорија заснована на бројни психолошки, физички, но и политичко-социјални фактори. Тој тврдел дека фудбалерите имаат 84 проценти шанса да реализираат пенал доколку шутираат во горниот агол, сеедно дали е лев или десе, како и дека шутот треба да се изведе со полна сила. Особено е интересно неговото тврдење дека русокосите и ќелавите играчи имаат поголеми шанси за постигнување на гол. Прашан како дошол до тој заклучок, одговорил во свој стил. „Тоа е една од најголемите научни мистерии“. Ходсон и играчите требале да го послушаат Хокинг бидејќи на Мундијалот во Бразил завршиле како последни во групата со еден освоен бод против Костарика, додека биле поразени од Италија и Уругвај.

ФОТО: Нејмар на скандалозен начин се прости од Стивен Хокинг

Катерина Бојаџиева — Wed, 14 Mar 2018 22:30:00 +0000

Ѕвездата на ПСЖ и на бразилската репрезентација, Нејмар на скандалозен начин се прости од британскиот научник Стивен Хокинг. Инаку, Нејмар е во Бразил откако направи операција на скршеното стапало во февруари. Првиот дел од опоравувањето тој го поминува во количка, во која Хокинг беше принуден да седи 55 години, поради дијагнозата за неуронската болест во 1963 година. Нејмар наместо да се фокусира на остварувањата на Хокинг, реши да се „позанимава“ со неговата количка, на бизарен начин. -Морате да имате позитивен приод и да го извлечете најдоброто од ситуацијата во која се наоѓате- Стивен Хокинг, го цитираше Нејмар научникот со фотографија на која фудбалерот се смее во количка.

Você tem que ter uma atitude positiva e tirar o melhor da situação na qual se encontra. Stephen Hawking pic.twitter.com/JE2MtyuT6b
— Neymar Jr (@neymarjr) March 14, 2018

Сопругата на Стивен Хокинг: За сите беше генијалец, за семејството тиранин

Ивана Ефремовски — Wed, 14 Mar 2018 09:29:11 +0000

Сопругата на генијалниот ум Стивен Хокинг кој на 76. годишна возраст почина мирно во својот дом, во едно интервју во 2014. година истакна дека за сите бил генијалец, за семејството тиранин. Неговата сопруга Џејн говореше по филмот кој излезе за него, а истакна дека кога се запознале тој веќе ја имал дипломата од Оксфорд. Пред него била сјајна кариера, но завршил во болница. Дијагностицирана му беше неизлечива болест на невроните од која 95 проценти умираат, но тој ги поби тезите на лекарите. Неговата слава и неговите големи научни откритија сепак лошо влијаеле на семејството. Тој го напуштил домот во 1989. година и почнал живот со најистакнатата болничарка од тимот за него, и тоа на Божиќ. Потоа се појавија гласини дека таа го занемарува и врши физичко насилство. Неговата прва сопруга објави книга во која го опиша него како егоист и тиранин. - Постоеја двајца, едниот Стивен кој е генијален, другиот тиранин за најблиските, напиша таа.

Почина Стивен Хокинг – чудото на медицината

Ивана Ефремовски — Wed, 14 Mar 2018 07:52:48 +0000

Стивен Хокинг, кој важеше за вистинско чудо на медицината, во раните утрински часови почина мирно во својот дом во Кембриџ. Тој беше англиски теориски физичар и космолог, најпознат по неговата работа и истражувања за црни дупки и релативност. Стивен во животот има напишано неколку популарни научни книги и се сметаше за еден од најголемите научници на сите времиња. Освен тоа, на 21 година му била дијагностицирана амиотрофична латерална склероза (АЛС), а докторите тогаш му дале уште 2 години за живот. Сепак, тој ги надмина очекувањата и предвидувањата на медицината и живееше долг живот за кој велеше дека сака да го искористи максимумот од секоја минута во него. Во јануари годинава, Стивен Хокинг наполни 76 години, а почина на 14 март, два месеца подоцна.