стивен спилберг – Kurir.mk

Стивен Спилберг снима минисерија за Наполеон

Ивона Петрова — Wed, 22 Feb 2023 07:57:35 +0000

Американскиот режисер Стивен Спилберг откри дека работи на серија за Наполеон заснована на оригинално сценарио на Стенли Кјубрик за Наполеон, коешто „седи во фиока“ со години. - Работиме на голема продукција. ТВ-серијата од седум дела за американската мрежа „ХБО“, ќе се снима според сценариото од 1961 година, изјави режисерот на прес-конференција во Берлин. Уште пред 10 години Спилберг зборуваше за правење мини-серија според сценарио напишано од славниот веќе починат колега, режисер на филмовите „2001: Одисеја во вселената“ и „Пеколен портокал“, којшто му ја дал и идејата за „Вештачка интелигенција“ (2001 г.) на својот помлад колега. Кјубрик, кој почина 1999 година, никогаш не ја завршил голем биографски филм за францускиот државник Наполеон Бонапарта. Стивен Спилберг ќе добие почесна „Златна мечка“ за животно дело на годинешното Берлинале. Меѓу неговите најголеми успеси се „Ајкула“, „И-ти (Е.Т.)“, „Шиндлеровата листа“, „Јура Парк“. Годинава е актуелен со „Фејбелманови“, полуавтобиографски филм номиниран и за седум „Оскари“.

Режисерот Стивен Спилберг откри кој актер ја спасил целата филмска индустрија од пропаст: „Направи пресврт…“

Ристе Здравков — Fri, 17 Feb 2023 10:05:33 +0000

Славниот режисер Стивен Спилберг го пофали Том Круз и неговиот филм „Top Gun: Maverick“ којшто го лансираше на листата најплатени актери на светот. Режисерот и актерот се сретнале на свечен ручек за номинираните за Оскари 2023 година, а видеото од нивниот разговор станало вирално на социјалната мрежа Твитер. Импресиониран од успехот на филмот, Спилберг откако се прегрнал со актерот, му рекол: „Направи пресврт... Му го спаси задникот на Холивуд“. Круз на тоа скромно кимнал со главата, а Спилберг продолжил: „Сериозно, Maverick можеби ја спаси целата филмска индустрија“. Да ве потсетиме, новиот „Top Gun 12“ е најуспешниот филм на сите времиња и заработи 1.48 милијарди долари на светските благајни и воедно е најуспешниот филм на актерот Круз. Инаку, Спилберг и Круз во минатото соработувале на филмови, вклучувајќи го и „Minority Report“ од 2002 година. Според бројните наводи актерот и режисерот влегле во кавга на снимањето на филмот „War of the Worlds“. Причина за кавгите биле маркетинг кампањата за филмот и бизарното однесување на Круз кај Опра кое на режисерот не му се допаднало. Потоа повеќе никогаш не соработувале на ниту еден проект, но се чини дека сега работите меѓу нив се многу подобри од претходно.

Спилберг: „Фабелманови“ е приказна за моите семејни тајни

Ивона Петрова — Fri, 11 Nov 2022 08:44:20 +0000

Режисерот Стивен Спилберг (75) проговори за семејната тајна што никогаш не сакал да ја открие, и се присети на врската со неговата мајка, која ја загуби пред неколку години. „Фабелманови“ (Fabelmans) е полуавтобиографска приказна за детството и младоста на режисерот, олицетворена во Семи Фабелман (Гејбриел Лабел). Во другите улоги се појавуваат Мишел Вилијамс, Пол Дејно, Сет Роген, Џад Хирш и други. – Барав одлични актери, но ми требаа такви кои веќе изгледаа слични на мене и на моите родители во другите филмови. Требаше да почувствувам дека нешто на неа (Вилијам, з.п.) ме потсетува на мајка ми, а нешто за него (Дејно) – на татко ми… Така дојдов до двајца од најдобрите глумци со кои сум работел, рече Спилберг. Режисерот работеше на сценариото со драматургот Тони Кушнер – добитник на Пулицерова награда, кој заработи номинации за Оскар за претходните филмови на Спилберг – „Линколн“ и „Минхен“ и кој му помогнал да се справи со непријатните семејни тајни од минатото… Филмот ќе се прикажува од 23 ноември.

Астрофизичар откри долго чувана тајна за вонземјанинот Е.Т., му ја открил Спилберг

Ивона Петрова — Sun, 25 Sep 2022 10:56:31 +0000

Астрофизичарот Неил де Грејс Тајсон гостувал во емисијата на Стивен Колберт каде го воодушевил домаќинот со непознати детали за вонземјанинот Е.Т. -Инаку, дали сте знаеле дека Е.Т. е свесна билка, а не животно?, прашал Неил. Колберт повторно го прашал дали навистина е тоа така. -Да, му дадоа срце само за да можете вие да се поистоветите со него. Но, тоа е билка. Се сеќаваш ли кога во филмот Е.Т. ќе ги допреше растенијата и тие повторно растеа? Епа тоа не е случајност, рекол Неил кој додал дека лично режисерот Стивен Спилберг во неговата канцеларија му го кажал тоа.

Стивен Спилберг ја продава својата јахта: Вреди 160 милиони долари, а еве како изгледа (ФОТО)

Ивана Ефремовски — Wed, 19 May 2021 11:57:58 +0000

Познатиот холивудски режисер Стивен Спилберг реши да ја стави на продажба својата јахта што ја набави пред 11 години. Според информациите откриени од интернет-страната „Дрт“ (Dirt), 74-годишниот филмаџија го продава својот брод за 160 милиони долари. Пловилото е наречено „Seven Seas“ (по „седумте мориња“ ширум светот, но и во чест на седумте деца што Спилберг ги има со сопругата Кејт Капшоу). Јахтата е на четири нивоа и има седум кабини. Сите простории се опремени со кревети и гардероби, канцелариски простор и приватни бањи. Поголемата ВИП-кабина, која може да се подели на два одделни дела, нуди приватен салон, три соблекувални и две бањи. Внатре има и спортска сала, сала за кинопроекции, бар и гостинска просторија со пијано. На палубата, приватна тераса за масажа и топла када им овозможуваат на гостите да се опуштаат уживајќи во високиот поглед кон морето. Моторни чамци, исто така, може да се најдат на јахтата, заради безбедност. Во однос на филмските новости, Стивен Спилберг наскоро ќе започне со промоција на „Приказна од западната страна“ (West Side Story), што е, всушност, преработка на истоимениот оскаровски филм од 1961 година. Новиот филм излегува на 10 декември оваа 2021 година.

Спилберг на големи маки со ќерка му: Прво почна со порно филмови, па сега е уапсена поради семејно насилство

Ивана Ефремовски — Sun, 01 Mar 2020 12:03:09 +0000

Една недела откако објави дека почнува да работи во индустријата за возрасни, Микаела Спилберг, ќерката на познатиот режисер Стивен Спилберг е упасена за семејно насилство, јавува Фокс Њуз. Микаела (23) била упасена во саботата во Нешвил, а тоа го потврдил вчера нејзиниот вереник Чак Панкоу. „Вистина е“, изјавил Панкоу за Фокс њуз и додал дека инциденот бил „недоразбирање“. 47-годишниот вереник на Микаела не открил кој сè бил вмешан во инцидентот, но потврдил дека ќерката на режисерот не е повредена. Микаела била задржана 12 часа во притвор, а одредена е кауција од 1.000 долари. Меѓутоа, медиумите пишуваат дека иако кауцијата била дадена, Микаела сè уште се наоѓа во притвор.

Ќерката на Стивен Спилберг почна да снима филмови за возрасни, а неговиот став многу татковци ќе го осудат!

Ивана Ефремовски — Thu, 20 Feb 2020 12:54:59 +0000

Режисерот Стивен Спилберг ја поддржа желбата на неговата ќерка Микаела да биде актерка во филмови за возрасни. Микаела Спилберг, посвоената ќерка на Стивен Спилберг, неодамна објави дека планира да започне со кариера во индустријата за возрасни. Таа објаснува оваа работа и дава сила и самодоверба. Во интервју, Микаела рече дека нејзиниот татко и мајката Кејт Чапша ја поддржуваат во нејзиниот избор. Татковците ширум светот во коментари на социјалните мрежи остро реагираат. Коментираат како тие би постапиле со цел да ја повлечат својата ќерка од таа индустрија, а сигурно не да дадат поддршка. -Не гледам ништо лошо или срамно затоа што имам фасцинација од индустријата за возрасни. Безбедноста секогаш доаѓа на прво место и не го правам ова за да повредам никого, туку да ги славам моето тело и мојот живот, рече Микаела. Ќерката на Спилберг веќе некое време објавува домашни видеа, но повеќето се отстранети од Интернет поради експлицитна содржина. Микаела објасни дека по долгогодишната борба со алкохолизам и анорексија, таа смета дека ова е повик што ќе ја направи посилна.

Спилберг открива зошто од своите филмови најмногу пати го гледал Е.Т.

Ивана Ефремовски — Fri, 06 Apr 2018 12:01:10 +0000

Американскиот режисер Стивен Спилберг создаде некои од најпознатите и највпечатливи моменти во филмската индустрија, но меѓу сите негови дела се наоѓа и едно кое му е најдраго. Станува збор за филмот Е.Т. од 1982 година, кој, според сопственото тврдење, го гледал најмногу пати досега од сите свои останати филмови. Тој истакна дека тоа е филм кој имал најголемо влијание врз него и неговиот живот, бидејќи поради овој филм посакал да стане татко. - Никогаш не сум размислувал дека би можел да имам деца. Премногу бев зафатен со кариерата за да размислувам за деца, изјави славниот режисер. Спилберг открива дека „работејќи со Дру Баримур, Хенри Томас и Роберт Мекнотон, како и со возрасни луѓе кои во текот на снимањето се однесувале како деца, тој сфатил дека сака деца“. - Тоа е филм, кој од оние што сум ги режирал, најмногу пати сум го гледал досега, бидејќи сите мои деца сакаа да го гледаат. Покрај тоа, ваков филм е добро да се гледа заедно со татко, бидејќи децата на почеток се плашат од Е.Т., кој изгледа поинаку, додава режисерот. Спилберг има шест деца - три синови и три ќерки. Тој се уште верува дека постои вонземјански живот.