Стјепан Месиќ – Kurir.mk

Месиќ: Ако Додик се одлучи за сецесија, би ја ангажирал армијата за да се пресече коридорот во Посавина

Ивана Ефремовски — Thu, 02 Feb 2023 16:42:46 +0000

Поранешниот претседател на Хрватска, Стјепан Месиќ изјави дека тој би ја ангажирал војската за да го пресече коридорот во Посавина доколку претседателот на Република Српска, Милорад Додик, распише референдум за отцепување на РС од БиХ. Месиќ во интервју за регионалната телевизија Н1, одговарајќи на прашањето, што би го советувал актуелниот претседател на Хрватска, Зоран Милановиќ доколку дојде до такво сценарио. - Ако сакаме целосна БиХ и ако некој сака да ја скрши БиХ, ние со ОН, ЕУ и НАТО ќе мораме да одговориме со пресекување на коридорот и да ставиме крај на амбициите еднаш засекогаш, истакна Месиќ. Тој оцени дека сè уште се присутни тие кои го „поддржуваат договорот меѓу (Фрањо) Туѓман и (Слободан) Милошевиќ за поделба на БиХ“. На прашањето дали меѓу нив е и хрватскиот премиер Андреј Пленковиќ, Месиќ одговори: „Тие се колнат во политиката на Туѓман“. Додека за актуелниот хрватски премиер Зоран Милановиќ наведе дека најверојатно тој го „менува својот политички правец“. Според Месиќ нема потреба од хрватските војници да бидат дел од ЕУФОР во БиХ. - Не знам што би добила Хрватска од тоа … Европа има доволно сила да го направи тоа без Хрватска, наведе Месиќ. (МИА)

Месиќ прогласен за почесен граѓанин на Призрен

Тале Кристо — Tue, 19 Jul 2022 17:08:30 +0000

Поранешниот претседател на Република Хрватска, Стјепан Месиќ е прогласен за почесен граѓанин на косовскиот град Призрен, поради тоа што, како што се наведува во одлуката на тамошното општинско собрание, е докажан пријател и поддржувач на независно Косово, јави дописникот на МИА од Приштина. Во соопштението на службата за информирање на општина Призрен, се наведува дека Месиќ е „незаменлив пријател, беспримерен придонесувач, извонредна личност и политичар кој остави трага во историјата на Балканот и во поддршката на албанскиот народ“. – Затоа денеска се собравме сите заедно за да одадеме почести на една извонредна личност каква што е претседателот Стјепан Месиќ и уште еднаш да му одадеме признание во името на нашиот народ, за сето она што тој го направи за Албанците, секаде каде што се тие, изјави по тој повод призренскиот градоначалник, Шаќир Тотај. Месиќ, се наведува во соопштението, се заблагодарил на Тотај и на граѓаните на Призрен за честа која му е укажана и порачал дека со ова уште повеќе ќе се зајакнат неговите врски со косовските граѓани.

Месиќ: Србите го мразат Милошевиќ не затоа што предизвика војни, туку затоа што беше поразен во нив

Ивана Ефремовски — Sun, 13 Feb 2022 08:20:05 +0000

Поранешниот претседател на Република Хрватска, Стјепан Месиќ вели дека државите кои произлегоа од некогашна Југославија можеа да се осамостојат без војни и крвопролевања, но политиката на поранешниот српски претседател, Слободан Милошевиќ „беше таа која им предизвика трагедии на несрпските народи“ во регионот. Месиќ, кој престојува во официјална посета на Приштина, по вчерашната средбата со претседателот на Собранието на Косово, Глаук Коњуфца, изјави дека, како член на Претседателството на тогашна СФР Југославија во периодот пред распадот на таа држава имал големи судири со Милошевиќ, за кого вели дека е виновен за војните и трагедиите на просторите на поранешната заедничка држава. Според соопштението од кабинетот на Коњуфца, Месиќ изјавил дека во Србија „продолжуваат да го мразат Милошевиќ, но не затоа што ги предизвика сите крвави војни во регионот, туку затоа што во тие војни беше поразен“. -Југославија можеше да се распадне без војна, меѓутоа шовинистичката политика на Милошевиќ беше таа која им предизвика трагедии на несрпските народи на овие простори. Тој мислеше дека ќе го излаже светот за „српската правдина“, но се излажа себеси и ги излажа Србите. Србите продолжуват да го мразат Милошевиќ, но не затоа што ги предизвика сите крвави војни во регионот, туку затоа што во тие војни беше поразен, изјави Месиќ.

ФОТО: Мицкоски на работна вечера со Стјепан Месиќ

Ивана Ефремовски — Fri, 11 May 2018 06:59:10 +0000

Лидерот на ВМРО-ДПМНЕ, Христијан Мицкоски синоќа оствари таботна вечера со поранешниот претседател на Република Хрватска, Стјепан Месиќ. -Разговаравме за предизвиците во регионот и потенцијалите за нивно надминување. Искуството е секогаш добредојдено во политиката. Македонија и нејзините граѓани заслужуваат подобро и повеќе. Нашата држава е нашиот дом, а мојот дом е мојот живот, напиша Мицкоски на својот Фејсбук профил. Заедно со Мицкоски беше и Златко Перински, член на ИК на ВМРО-ДПМНЕ.

Мицкоски на работна вечера со Месиќ: Македонија и граѓаните заслужуваат подобро и повеќе

Катерина Бојаџиева — Thu, 10 May 2018 22:14:15 +0000

Претседателот на ВМРО-ДПМНЕ Христијан Мицкоски оствари работна вечера со поранешниот претседател на Република Хрватска, Стјепан Месиќ. -На работната вечера со поранешниот Претседател на Република Хрватска, Стјепан Месиќ разговаравме за предизвиците во регионот и потенцијалите за нивно надминување. Искуството е секогаш добредојдено во политиката. Македонија и нејзините граѓани заслужуваат подобро и повеќе. Нашата држава е нашиот дом, а мојот дом е мојот живот, напиша Мицкоски на својот Фејсбук профил.